အချစ်သည် ...တစ်ခါတစ်ရံ၌.....(အပိုင်း -၂)

(နုငယ်) တော်တော်နာနေသေးလားဟင်။

(ထွန်းသစ်) နာနေသေးတာပေါ့ဟ။ နင်က လုပ်လိုက်ရင် တစ်ဇောက်ကန်းကြီးပဲ။

နုငယ် ထွန်းသစ်ကို မျက်စောင်းတစ်ချက်လှမ်းထိုးရင်း..

(နုငယ်) ဟွန်း ဟုတ်တယ်. နင်ကြတော့ ငါ့ကို မတော်တာတွေ လာပြောတာကြတော့ မပြောဘူး။

ထွန်းသစ် ရယ်ကျဲကျဲလုပ်ရင်း

(ထွန်းသစ်) မတော်တာ မဟုတ်ဘူး ငါကအတည်ပြောတာ။ ဒီနေ့ကစပြီး နင့်ကို ရည်းစားစကား စပြောတော့မလို့..

(နုငယ်) ထွန်းသစ်…နင်နော်…နင်… ငါလေ လုပ်ထည့်လိုက်ရ။ တော်ပြီ ဘာဖြစ်နေမှန်းကို မသိဘူး။ဟုတ်တာလဲ မဟုတ်ပဲနဲ့။ ငါ့ကို အဲဒါတွေလာမပြောနဲ့ ခုချိန်ငါ ကျောင်းစာပဲစိတ်ဝင်စားတယ်။ နောက်တစ်ခါ ထပ်လာပြောရင် နင်နဲ့ငါ ဝေးဝေးနေမယ်။ဒါပဲ။

(ထွန်းသစ်) တော်ကြာ..နင်နဲ့ဝေးနေလို့ ငါ့မှာ စာလည်းမကျက်နိုင်. တစ်မှိုင်မှိုင် တစ်တွေတွေ နင့်စိတ်မှ နင်ဖြစ်ပြီး ၁၀ တန်းကျသွားရင် ဘယ်လိုလုပ်မလဲ

(နုငယ်) အဲဒါမျိုးဆို ငါက ပိုပြီးအထင်မကြီးသေးဘူး။ ပျော့ညံ့လွန်းတယ်။ ဒါပေမယ့် နင်ကလဲ အဲလောက်ထိ ဖြစ်မယ့် သူမျိုးတော့မဟုတ်ပါဘူး။ ဘာလို့လဲ ဆိုတော့ ငါသိတဲ့ ထွန်းသစ်က ပျော်ပျော်ပဲနေတတ်တာ စိတ်ညစ်တာတွေ ပိုက်ထားတတ်တဲ့ သူမျိုးမှ မဟုတ်တာ။ဟုတ်တယ်မဟုတ်လား။

ထွန်းသစ် ခပ်ပြုံးပြုံး ပြန်ကြည့်ရင်း

(ထွန်းသစ်) ဟုတ်ပဗျာ။ င့ါစိတ်ကို နင်ပဲနားလည်တယ်။ ငါတို့တွေ ငယ်သေးတာပဲ။ဒါပေမယ့် တစ်ခုပဲ နင်ငါမသိပဲ ရည်းစားတော့ မထားရဘူးနော်။အဲဒါ..

နုငယ် မျက်စောင်းပြန်ခဲရင်း

(နုငယ်) အေးပါ ကြည့်ကြသေးတာပေါ့..ဘယ်နှစ်ရက် ဘယ်နှစ်လ..ခံမလဲဆိုတာ ဟွန်း သွားတော့မယ် အတန်းထဲ ၀င်တော့မယ်။ သူငယ်ချင်းတွေနဲ့ကြီး အလေလိုက်မနေနဲ့။ စာလေးလဲ ကျက်အုန်း။

(ထွန်းသစ်) အေးပါ။ နင်ကလေ သိပ်ဆရာကြီးလုပ်တာပဲ။ သြော် ဟဲ့

နုငယ် နောက်ပြန်လှည့်ကြည့်ရင်း

(နုငယ်) ဘာတုန်း..


(ထွန်းသစ်) ခုနက နင်ပြောတာလေ ဘယ်နှစ်ရက် ဘယ်နှစ်လ မဟုတ်ဘူး ထာဝရ..ထာဝရ အဲဒါမှတ်ထားအုန်း. အဲဒါ ပြောမလို့

နုငယ် ဘာမှပြန်မပြောတော့ အတန်းထဲသို့သာ ၀င်သွား၏။

(မင်းလွင်) ထွန်းသစ် ဘာလုပ်နေတာလဲ။ နုငယ်ဆီလာတာလား။

(ထွန်းသစ်) ဟုတ်တယ်ကွ။ မင်းလဲ နုငယ်ကို ကြိတ်ကြံမနေနဲ့။ ငါ နုငယ် အစ်ကို မလုပ်တော့ဘူး။ နောက်ဆို နုငယ် ရဲ့ ချစ်သူ လုပ်တော့မှာ။ သူငယ်ချင်းချင်းဆိုတော့ ကြိုပြောထားတာ။ တော်ကြာ ကွက်ကျော်တယ် ဖြစ်နေမှာစိုးလို့

မင်းလွင် ပြုံးလိုက်ရင်း

(မင်းလွင်) အေးပါ ထွန်းသစ်ရာ ငါနားလည်ပါတယ်။ နုငယ် ကလဲ မင်းမှ မင်းပါပဲကွာ…

ဤသို့ဖြင့် ထွန်းသစ်တို့ ၁၀ တန်းစာမေးပွဲကြီးကို ကျော်ဖြတ်ခဲ့ကြသည်။ ၁၀ တန်း စာမေးပွဲဖြေပြီးနောက်ဆုံး နေ့ အိမ်ပြန်ရောက် ခဏလောက်နား။ ညနေ နေအေးတော့ ရေမိုးချိုးပြီး နုငယ်တို့အိမ်ဘက်သူထွက်လာခဲ့သည်။

(ထွန်းသစ်) နုငယ်ရေ..နုငယ်…

နုငယ်၏ အမေ အ်ိမ်ထဲမှာထွက်လာ၏။

(ဒေါ်ချို) သြော် သားထွန်းသစ်ပါလား။ သားသူငယ်ချင်းပြောမသွားဘူးလား။ သူခရီးထွက်သွားတယ်လေ။ မအူပင်က သူ့အစ်မတွေအိမ် လိုက်လည်မယ်ဆိုပြီး ပါသွားလေရဲ့။ ခုပဲ ကားဂိတ်ဆင်းသွားကြတယ်။
အောင်စာရင်းတွေ ထွက်ကာနီးမှပဲ ပြန်လာမယ်လို့ပြောတာပဲ သားရဲ့။

(ထွန်းသစ်) သြော်..ဟုတ်လား အန်တီချို ဒါဆို သားပြန်တော့မယ်နော်..

ထွန်းသစ် နုငယ်အမေအားနှုတ်ဆက်ပြီးပြန်လာခဲ့သည်။ ခရီးသွားတာကို သူ့ကိုဘာမှ မပြော။ ဒါပေမယ့် လောလောဆယ်တော့ စိတ်ထဲလစ်ဟာနေသလိုပင်။ ဘာလုပ်လို့ ဘာကိုင်ရမှန်းသူမသိ။ တစ်ယောက်တည်း ထီးထီးကြီး ကျန်ခဲ့သလိုခံစားရသည်။ ဒီနေ့ နုငယ်ကိုသူချစ်နေတဲ့ အကြောင်းကို အတည်တကျပြောမည်။ ပြီးရင် ၁၀ တန်းအောင်စာရင်း ထွက်တဲ့နေ့ကျရင် နုငယ်ထံမှ သူအဖြေတောင်းမည်။ ဒီကြားထဲ နုငယ်နှင့် ခဏခဏလာတွေ့မည်။ ပြီးရင် ရက်ကွက်ထဲက ကလေးတွေရဲ့ နွေရာသီ သင်တန်းမှာ သူနဲ့နုငယ် ပညာဒါန ပြုကြမည်။ ဒါဆိုနုငယ်နှင့် သူနေ့တိုင်းတွေ့နေရမည်။ အတွေးတွေအများကြီးနှင့် သူလာခဲ့သည်။ ခုတော့ ဘာတစ်ခုမှ မရနိုင်ပဲ သူပြန်ရတော့မည်။ ပြီးတော့ နုငယ် ပြန်လာမည်က အောင်စာရင်းတွေ ထွက်ကာနီးမှတဲ့။ ဘာတစ်ခုလုပ်ချင်စိတ်မရှိတော့။ အိမ်ပြန်အိပ်တာပဲ ကောင်းသည်။ နုငယ် ရှိမနေသော နေ့ရက်ရှည်ကြီးကို သူဖြတ်သန်း ရအုန်းမည်။ ဟူး…စာမေးပွဲတွင်းတုန်းကလဲ စာဖြေရသည့် ကျောင်းချင်းမတူသောကြောင့် မတွေ့ဖြစ်။ စာမေးပွဲမဖြေခင် ကျောင်းကြီးမှ စာကျက်ချိန် ၂ လ ပိတ်လိုက်ထဲက သူနှင့်နုငယ်တို့ သိပ်ပြီးမတွေ့ဖြစ် ကြ။ နုငယ်ကို သတိရနေပေမယ့် ဒီအချိန် ကျောင်းစာက အရေးကြီးဆုံးမို့ ကျောင်းစာထဲကိုသာ သူ့စိတ်တွေ နှစ်ထားလိုက်သည်။ ခုတော့ ..ရော..ခုတော့လဲ နုငယ်ကိုမတွေ့ရ။ ဟူးးးးးးးးးးးးးးးးးးးးး..
အိမ်အပြန်လမ်းကို ခေါင်းငုံ့လျှောက်ရင်း သက်ပြင်းလေးလေးသာ ချနိုင်တော့သည်။ အေးလေ ဘယ်တတ်နိုင်မလဲ ကိုယ်က ချစ်နေရတဲ့သူကိုး သူပြန်လာအောင်ပဲ စောင့်ရတော့မှာပေါ့။ နုငယ်ရေ မြန်မြန်သာ ပြန်လာခဲ့ပါကွာ.. ဒီကောင် ထွန်းသစ် နင့်ကို မျှော်နေတယ်………
ပျော်ပျော်နေတတ်တဲ့ ထွန်းသစ် ခုနင့်ကို မှိုင်ပြီးလွမ်းနေတယ်ဟာ…

**********************************************************************