Sunday 29 April 2012

တစ်ခါတုန်းက ပိတောက်ပွင့်ချိန် (၃)


“ဟလို ဟလို အမေ လား။ အင်း သားပါ။”

“ဟုတ်တယ် အမေ စိတ်ပူနေမှာစိုးလို့ လေ။ ခု လမ်းထိပ်က ဆရာ ဦးကြည်အောင် ဆေးခန်းက ဆက်နေတာ။ ဆေးခန်းလာပြရင်းနဲ့လေ”

“ဗျာ ..ဟုတ်သက်သာတယ် အမေ။ အင်း နောက်ရက်တွေဆို အမေ တို့ ရိပ်သာ ဖုန်းခေါ်လို့ မရတော့ ဘူးလေ။ အမေ စိတ်အေးသွားအောင်လို့။အင်း အမေ စိတ်ချလက်ချသာ တရားထိုင်နော်။ ဟုတ် အမေ ဟုတ် ဂရုစိုက်မယ်။ ဟုတ်..ဟုတ်..”

ကဲပြီးပြီ။ ဒါကလည်း မွှေးရဲ့ အကြံညဏ်။ သားကိုချစ်လွန်းသော အမေ တစ်ယောက် စိတ်မချခြင်းများစွာနှင့် နောက်များ ပြန်လှည့်လာရင်ဖြင့် အောင်တေဇ တို့ ကိုယ်ကျိုးနည်းမှာကိုး။ ဒီတော့ အမေ စိတ်ချလက်ချဖြစ်သွား အောင် အမေရိပ်သာကိုထွက်သွားပြီးပြီချင်း ညနေဘက်ကို ဆေးခန်းကနေ ဖုန်းဆက်လိုက်ချင်းအားဖြင့် သင်္ကြန်မှာ နောက်ကြောင်းအေးစွာ သူပျော်ရပြီလေ။

သင်္ကြန်အကြ်ိုနေ့ ..

 မနက်ထဲက လမ်းထိပ်က မွှေးတို့ မဏ္ဏပ်မှာ ပိုက်တွေဆင်ရ။ sound box တွေဆင်ရနဲ့  တစ်မနက်လုံး အားသည်လို့ ကိုမရှိ။ ညနေပိုင်းမှ မွှေးတို့ မဏ္ဏပ်မှာ ရေစပြီး ကစားကြမည်။ မွှေး တစ်ယောက်ကတော့ ဆံပင်ကို ကပိုကရို  ညှပ်ကြီးကြီးတစ်ချောင်းနှင့် သိမ်းထားပြီး ဂျင်းဘောင်းဘီ ဒူးလယ်လောက်နီးနီးအတိုလေးနှင့် ချည်သားအင်္ကျီ ခပ်ပွပွလေး ၀တ်ထားသည်ကိုက လှနေသည်။ သူမကိုကြည့်ရသည်မှာ လွတ်လပ်ပေါ့ပါးနေသလိုပင်။ 

“ဟဲ့ မိုးအောင်ရေ.. အစ်မမှာတာ မမေ့နဲ့နော်။ မင်းသူငယ်ချင်းတွေ ခေါ်ပြီးလာဆော့တာတော့ အစ်မ ငြင်းစရာမရှိဘူး။ ဒါပေမယ့် နှစ်တိုင်း အစ်မတို့ မဏ္ဏပ် စည်းကမ်းတော့ သိတယ်နော်။ လူငယ်တွေပီပီ လွတ်လပ်စွာ ပျော်ပါးတာကို လက်ခံတယ်။ ဒါပေမယ့် အရက်သေစာ သောက်စားခွင့်မပြုဘူး တစ်ခြားဘာဆေးညာဆေးတွေ သုံးခွင့်မပေးနိုင်ဘူး။ ပြီးတော့ မဏ္ဏပ်က ကောင်မလေးတွေကို ကိုယ့်မောင်နှမတွေလို သဘောထားပြီး စောင့်ရှောက်ရမယ်။ အစ်မ သေချာမှာတယ်နော်။ အေး ပြသနာတစ်ခုခုဆိုလို့ ကတော့ ပိုက်ဆံပြန်အမ်းပြီး မဏ္ဏပ် ပေါ်က ဆွဲအချပဲနော်. ”

“ဟုတ်ကဲ့ အစ်မ။ ကျွန်တော်နားလည်ပါတယ်။ အစ်မတို့ မဏ္ဏပ်မှာမို့လို့ ကျွန်တော့်ကို အိမ်ကလည်း စိတ်ချလက်ချ လွှတ်တာလေ။ ကျွန်တော်နှစ်တိုင်းရနေတဲ့ ကိုယ့်ရဲ့ လွတ်လပ်မှုအခွင့်အရေးကို ပိတ်အောင်မလုပ်ပါဘူးဗျ စိတ်ချ ကျွန်တော် ကိုယ့်လူကိုယ် နိုင်အောင်ထိန်းမယ်..”

“အိုကေ. ခုလို လိမ္မာပြီး စကားနားထောင်တဲ့ အတွက် ကျေးဇူး မောင်လေး။ ကဲ ယောက်ကျားလေးတွေဘက်ပြီး တော့ မိန်းကလေးတွေဘက်။ ကဲကဲ မိန်းကလေးတွေအားလုံး နားထောင်ကြနော်။ အင်ကျီအ၀တ်အစားကို လွတ်လပ်စွာ ဆင်ယင်ပိုင်ခွင့်ရှိပါတယ်။ ခောတ်မှီလို့လည်းရတယ်။ ဒါပေမယ့် ဟိုပေါ် ဒီပေါ်  တိုတိုပြတ်ပြတ်တွေ လုံးဝ မ၀တ်ပါနဲ့။ ရေစိုရင် အမြင်ရိုင်းမယ့် အင်ကျီမျိုး မ၀တ်ပါနဲ့။ ဒီနှစ်ချက်ကလွဲရင် ကြိုက်သလို ကိုယ်ပိုင်စတိုင်နဲ့ ဖက်ရှင်ထုတ်လို့ ရပါတယ်။ လူငယ်တွေကို လိုက်ချုပ်ခြယ်တာမဟုတ်ဘူနော်။ ညီမလေးတို့ အ၀တ်အစားနဲ့ အနေအထိုင်မတော်လို့ မဏ္ဏပ်ကမဟုတ်တဲ့ တစ်ခြားယောက်ကျားလေးတွေက ရိသဲ့သဲ့ဆိုရင် တို့ မဏ္ဏပ်က ယောက်ကျားလေးတွေကလည်း သည်းခံမှာမဟုတ်ဘူး။ ဒါဆိုရင် ရန်ပွဲတွေဖြစ်လာမယ်။ ဒါဆိုရင် နောက်နှစ်မှာ အစ်မတို့ရဲ့ ရေကစား မဏ္ဏပ်လေးကလည်းဖြစ်လာဖို့ရာ မသေချာတော့ ဘူး။ ဒါကြောင့် အစ်မက မောင်လေးတွေ ညီမလေးတွေကို မေတ္တာရပ်ခံတယ်လို့ သဘောထားပေးကြပါလို့  ကဲ အားလုံးသဘောတူကြရဲ့ လား ”

“သဘော တူပါတယ် သဘောတူပါတယ်။ ”

“ကဲ သဘောတူတယ်ဆိုရင် ဒီနေ့ ညနေ ပိုင်း ၃ နာရီကနေစပြီး အစ်မတို့ မဏ္ဏပ်က ရေစဖွင့်ပေးမယ်။ ခု မဏ္ဏပ် ပြင်ဆင်တာလည်းပြီးပြီမို့ အိမ်ပြန်ပြီးထမင်းစားကြ ပြီးတော့ ညနေပိုင်းရေကစားရင် အလှဆုံးဖြစ်ဖို့ အတွက် ပြင်ဆင်ကြပေတော့  .. အစ်မတို့ရဲ့ မေပိတောက် မဏ္ဏပ်ကြီးက မောင်လေး ညီမလေးတွေအားလုံး WELCOME ပါရှင်..ကဲ ခုတော့ ဘယ်သူမှ သင်္ကြန်ရေ မထိရသေးခင် ဟောဒီက အစ်မကြီးက ရေစလောင်းပါပြီ ရှင်..ဟားဟား”

ပြောပြောဆိုဆို မွှေး တစ်ယောက် သူမဘေးနားမှာ ရှိသော ရေပုံးထဲမှ ရေများဖြင့် သူမရှေ့မှ သူများအား ၀ုန်းကနဲ လောင်းချလိုက်သည်။

“အား စိုကုန်ပြီး..ဟေး…ကျွန်တော်တို့လည်း ပြန်ပက်မယ် ကဲ အပေါင်းအသင်းတို့ ရေ လာကြဟေ့ ဒီမှာ တိုင်ကီထဲမှာ ရေစက်စမ်းထားတဲ့ ရေတွေရှိတယ်ဟ”

ပြောပြောဆိုဆို လူငယ်အုပ်စုဘက်မှလည်း မွှေးတို့ ရှိရာ မိန်းကလေးတွေ အုပ်စုဘက်ကို ရေတွေနဲ့ လှမ်းပက်ကြသည်။ သူတို့တွေကိုကြည့် ပြီး ဇ တစ်ယောက် ပျော်ရွှင်နေမိသည်။ ဒါက သူ့ တစ်သက်တာမှာ ပထမဆုံး ဆင်နွှဲဖူးတဲ့ သင်္ကြန်ပွဲကိုး…

“ဟားဟား..ကဲကဲ တော်ကြတော့ တော်ကြတော့ အပူတွေ ရှပ်ကုန်တော့ မယ် အိမ်ပြန်ကြတော့ ညနေ ၃ နာရီ ပြန်လာခဲ့ ကြနော်။ ”

ပြောပြောဆိုဆိုဖြင့် သူမ လူအုပ်ထဲမှာ ထွက်လာခဲ့ ပြီး။

“ဟားဟား… ကဲ ဇ ရေ ငါတို့လည်း မိုးတို့ အိမ်ကို သွားကြစို့ ငါ့ အင်ကျီတွေစိုနေပြီဟ။ မိုး တို့ အိမ်မှာ အင်ကျီ ၀င်လဲပြီး ထမင်းသွားစားရအောင်။ မဏ္ဏပ် ကိုတော့ ထားခဲ့လိုက်ရတယ်။ မိုးတို့ အိမ်ကနေဆိုရင် လှမ်းမြင်နေရတာပဲ လေ. လာလာ သွားကြစို့ . ငါ ဗိုက်ဆာပြီဟ..”

“ဟယ် မမွှေး နင်ရေတွေ စိုလာပြီ။ သွားသွား ငါ့အခန်းထဲမှာ အင်ကျီသွားလဲ။ လာလေ ဇ ထမင်းစားခန်းထဲ သွားရအောင်။ ဘာမှ ရှက်မနေနဲ့လာ။ ထမင်းစားခန်းထဲမှာ မေမေ လည်းရှိတယ်။ ဟဲ့ မွှေး မြန်မြန်လုပ်နော် ငါ ဗိုက်ဆာနေပြီ နင့် ကို စောင့်နေရတာ..”

“အေး ပါ..မြန်မြန်လဲမှာပါဟ ငါလည်း ဗိုက်ဆာပြီး ”

“လာ လာ သားတို့ သမီးတို့ ဒီမှာ ထမင်းစားဖို့ အဆင်သင့်ပဲ။သမီးမိုးရေ အမေ ဘုရားခန်းထဲမှာ တရားလေး သွားနာလိုက်အုန်းမယ်နော်.. သူငယ်ချင်းတွေကို ထမင်းကောင်းကောင်းကျွေးလိုက်နော်. “

“ဟုတ်ကဲ့ အမေ.. ”

“ အန်တီရော ထမင်းမစားဘူးလား ဟင် မိုး။ ”

“မေမေက အိမ်မှာနေရင်း ဥပုပ်စောင့်တယ်လေ။ ၁၂ နာရီ မထိုးခင်ထဲက ထမင်းစားပြီးပြီ။ မနက်ဖြန် မွှေးတို့ အမေလှည့် ငါ့ အမေက ဘုန်းကြီးကျောင်းသွားပြီး ဥပုပ်စောင့်မယ်။ ငါနဲ့ မွှေးကို တစ်ယောက်တစ်လှည့်စီ စောင့်ကြည့်ကြတာ။ ဘာလို့ ငါ့အိမ်ဖြစ်လဲဆိုတော့ ငါ့အိမ်က မဏ္ဏပ်နဲ့နီးတယ်လေ။ မနက်ထဲက မွှေးအမေက မွှေးအတွက်ဆိုပြီး အထုပ်လာပို့ ထားပြီးသား။ ညကျရင်လဲ မွှေးက ငါ့အိမ်မှာပဲ အိပ်မှာ.”

“အင်း ကောင်းတာပေါ့။ ညကျရင် ငါသာတစ်ယောက်တည်း အိမ်မှာ။ နင်တို့ အမေတွေက တော်တယ်နော်။ ငါ့အမေ ဆို..”

“ကဲ တော်ပါ ဇ ရာ။ ငါတို့က အစထဲက ဒီလိုပဲ။ သားသမီးနဲ့ မိဘကြားမှာ ယုံကြည်မှုပေါ့။ ပြီးတော့ ငယ်ငယ်လေးထဲက ဒီလိုပဲ ဆိုတော့ ငါတို့ မိဘတွေက ရိုးနေပြီ။ ဘာမှနင့်ဘ၀နဲ့ နှိုင်းယှဉ်မနေနဲ့ ။ ဟုတ်ပြီလား.. ကဲ ဒေါ်မိမိမွှေးရေ … မပြီးသေးဘူးလား။ ဒီမှာ ဗိုက်ဆာလွန်းလို့ အူလိမ်နေပြီဟေ့ …”

“လာပြီး လာပြီး..”

မွှေး တစ်ယောက် အပေါ်ထပ်မှ ပြေးဆေးလာပြီး ထမင်းစားခန်းထဲဝင် လက်ကို ကျကျနန ဆေးပြီး စားပွဲမှာ ၀င်ထိုင် ပြီးတော့  ..

“အား.. မွှေးနေတာပဲဟေ့ .. မိုး ဘာဟင်းချက် ဒီနေ့ 

“ကြက်အသည်းအမြစ်ရယ် မုန်လာဥချဉ်ဟင်းရယ် ပြီးတော့ ငါးပိတို့စရာနဲ့ ဒီမှာ ရှင့် အကြိုက် ကန်ဇွန်းရွက်ကြော် စပ်စပ်လေး.”

“ဟာ.. ရှယ်ပဲ ငါတော့ ဆွဲပြီး ဟဲ့ မိုး.. ဇ ကို ဟင်းထည့်ပေးလိုက်တော့ ။”

“ဟဲ့ မိမွှေး လက်နဲ့ စားမလို့ လား”

“ဟီး ဟုတ်တယ်ဟ အန်တီလက်ရာ ဟင်းကို ဒီလိုအားရပါးရ လက်နဲ့ စားမှ မြိန်တာဟ။ ဒါကြောင့် .. ဟဲ့ ဇ စားလေ ရှက်မနေနဲ့ ရှက်နေရင်တော့ နင် ငါးပိနဲ့ ညားသွားမယ် ငါ့တော့ စားပြီးဟေ့ ”

“ဟွန်း မိန်းမ ငတ်ကြီးကို ကျတယ်။ ဇ နင် အသည်းကြိုက်တယ် မဟုတ်လား။”

မိုးတစ်ယောက် ဇ ပန်းကန်ထဲကို သဒ္ဒါပိုစွာဖြင့် ကြက်အသည်းအမြစ်များကို ခပ်ထည့်ပေးနေပြန်သည်။

“အင်း ကြိုက်ပါတယ်။ ရတယ် မိုး..ရတယ် ကိုယ့်ဘာသာကိုယ် ထည့်စားလိုက်မယ်။ နင်လဲ စားလေ။”

မွှေး တစ်ယောက်ကတော့ မုန်လာဥချည်ရည်ဟင်းနှင့် ငါးပိတို့စရာ အစုံ ကန်ဇွန်းရွက်ကြော် နှင့် မြိန်ရည် ရှက်ရည် လွေးနေလေပြီ။

“မွှေး ဒီမှာရော့ ကြက်အသည်းအမြစ်. ထည့်စားလေ။ ငါးပိနဲ့ ချဉ်ရည်ဟင်းပဲ စားနေတယ်.”

မွှေး ပန်းကန်ထဲသို့ ဟင်းခတ်ထည့်ပေးဖို့ ပြင်နေသော ဇ အား လက်ကာပြလိုက်ရင်း.

“နေနေ..ဇ ငါက ချဉ်ရည်ဟင်းနဲ့ ငါးပိတို့ စရာ ပိုကြိုက်လို့ဟ.စား စား ကိုယ်ဘာသာကိုယ်. ငါ ထည့်စားလိုက်မယ်”

ထမင်း ပလုတ်ပလောင်းနှင့် ပျာပျာသလဲ ငြင်းနေသော မွှေး ကို ဇ နားမလည်မိ။ ဟင်းလေးထည့်ပေးတာကိုများ ဖြစ်နေလိုက်တာလို့ သူထင်မိသည်။ ဇ နားမလည်ပေမယ့် နားလည်လိုက်တဲ့ သူက မိုး ။ မွှေး ကတော့ မသိချင်ယောင်ဆောင်ပြီး ထမင်းကိုသာ ဆက်ပြီးစားနေသည်။ ဒါပေမယ့် သူမရင်ထဲမှာတော့ ခိုးလို့ ခုလု မိုး ရိပ်မိမှာ စိုးလို့ သာ သူမ ဟန်မပျက် ထမင်းဆက်စားနေခြင်းဖြစ်သည်။ဟူး…ခက်တာပဲ။ ဒီနှစ်ကောင်နဲ့တော့ … ဒီနှစ်ကောင်နဲ့ ဆိုတော့ သူကိုယ်တိုင်ကရော..

ညနေပိုင်းရေပက်ချိန်တွင်တော့ နွေပူပူမှာ ရေစိုကာလှနေသော မွှေး ကို ဇ ကြည့်လို့ကိုမ၀။ နဂိုထဲကမှ ဖြူဝင်းသော အသားအရည်ကြောင့် ခုလိုရေစိုနေတော့ သူမ၏အလှက ပိုပြီးထင်းနေသလိုလို။ ဇ ၏မျက်လုံးများက မွှေး ဆိုသော ကောင်မလေးထံမှ အကြည့်တွေလွှဲလို့မရ။  ဇ ဆိုသော ကောင်လေးထံမှ အကြည့်တွေ လွှဲလို့မရသည်က မိုး။
       
တစ်ချိန်လုံးနီးနီး မွှေး ကိုစိုက်ကြည့်နေသော ဇ ကြောင့် မိုး ရင်ထဲမှာ ဗလောင်ဆူနေသည်။ တစ်မျိုးပဲ စိတ်ပဲတိုနေသလိုလို အလိုမကျသလိုလို သူမ၏ ဆူပုပ်ပုပ်မျက်နှာကြောင့်ပင် တစ်ချို့ဆို သူမကို ရည်းစားပျောက်လို့ မှိုင်ဆိုပြီး သီချင်းတွေတောင် စောင်းဆိုသွားကြသေးသည်။ အရင်နှစ်တွေကလို မိုး မပျော်မိ။  အလိုလိုနေရင်း ပျော်ပျော်ရွှင်ရွှင်ရေကစားနေသော မွှေး ကိုပင်သူမ စိတ်တိုမိနေသည်။
မွှေး ကိုယ်တိုင်ကတော့  တမင်တကာပင် မိုးနှင့် ဇ တို့၏ အဖြစ်ကို မသိချင်ယောင်ဆောင်ပြီး ဘာမှ မဖြစ်သလိုနှင့် ရေကစားပြနေလိုက်သည်။ ဒီအချိန်မှာ သူမနေတတ်မှဖြစ်မည်။ မနက်က ထမင်းဝိုင်းမှာ သူမ နဲနဲ over ဖြစ်သွားသည်။ တစ်ကယ်တမ်းက မိုး ကိုစိတ်ပူသည့် စိတ်ဖြင့် သူမ လွတ်သွားခြင်းဖြစ်သည်။ အခြေအနေက မွှေး ဘက်က ဇ နှင့် ပတ်သတ်ပြီး လိုက်ကာပေးနေလေ မိုး အတွက် ပိုပြီး ဖိအားပေးသလိုဖြစ်သွားမှာ စိုးသည်။ ပြီးတော့ ညီမအစ်ရင်းတစ်မျှချစ်ရသော သူငယ်ချင်းလေးနှင့် ဇ အတွက်ကြောင့်တော့ဖြင့်  ခင်မင်မှုတွေ မပြောင်းလဲသွားစေခြင်။ ဒီကိစ္စမှာ မွှေး လိမ္မာပါးနပ်စွာ ရှောင်တတ်မှ ဖြစ်မည်။

 သင်္ကြန်အကျနေ့ ..

  မနက်ပိုင်း မဏ္ဏပ်မှာ မုန့်လုံးရေပေါ် စတုဒီသာကျွေးသည်။ အရင်နှစ်တွေကဆို မွှေး သည် မနက်စောစော မဏ္ဏပ်မှာ အသံစာစာဖြင့် ဦးဆောင်နေလောက်ပြီ။ ဒီနှစ်ကတော့  မိုး ဦးဆောင်မှ ဖြစ်မည်။ ဘာလို့လဲဆိုတော့  ဇ မျက်လုံးထဲမှာ မွှေး ကိုခဏလောက်ဖျောက်ထားပြီး မိုး ဆိုသော ကောင်မလေးတစ်ယောက်ကို မြင်သွားစေချင်သည်လေ။ထို့ကြောင့် တမင်တကာပင် မွှေး သည် မဏ္ဏပ်မှာ မနေပဲ လမ်းထဲက အိမ်တွေကို မုန့် လိုက်ဝေသည်။ မိုး နှင့်တူတူ ဇ ကို မဏ္ဏပ်မှာ တာဝန်ပေးပြီးထားခဲ့ သည်။ ဇ ရေ နင့် ရင်ဘတ်ကြီးထဲမှာ မိုး ဆိုတဲ့ ကောင်မလေး ကိုပဲ မြင်လိုက်စမ်းပါဟာ။ ငါ..ငါ ကတော့..

အိပ်ယာထဲမှာ ဟိုဘက်လှိမ့် လိုက် ဒီဘက်လှိမ့် ဖြင့် အိပ်မပျော်နိုင်သော မိုး အား မွှေး အိပ်ချင်ယောင်ဆောင်နေမိ သည်။ မွှေး စဉ်းစားမိသည်။ မိုး နှင့် စကားပွင့်ပွင့် လင်းလင်းပြောလိုက်လျှင် ကောင်းမည်ထင်သည်။ ဒီအတိုင်းဆို  မည်သည့်အချိန်ပေါက်ကွဲမည်လဲ မသိနိုင်သော ဗုံးတစ်လုံးနှင့်တူနေသည်။ အချိန်မရွေး ထပြီးပေါက်ကွဲနိုင်သလိုဖြစ်နေ သည်။ ပြီးတော့ ဒီနှစ်သင်္ကြန်မှာ မွှေး စိတ်အရမ်းပင်ပန်းနေပြီ။ သင်္ကြန်ကို စိတ်လွတ်လက်လွတ် မပျော်ရ။ တစ်ခုခုတော့ လုပ်မှဖြစ်မည်။ မနက်ဖြန်ဆို သင်္ကြန်အကြတ်နေ့ .. မွှေး စဉ်းစားရင်း အိပ်ယာမှ ငေါက်ကနဲ ထထိုင် လိုက်မိသည်။
          ရုတ်တရက် မွှေး ထထိုင်လိုက်သောကြောင့် မိုး လန့် သွားသည်။

“အောင်မလေး မိမွှေး ရယ် လန့် တာ ။ ငါက နင်အိပ်နေပြီ ထင်လို့ 

မွှေး  ခေါင်းကို အကြောင်းမဲ့ တစ်ဗျင်းဗျင်းကုတ်ရင်း..

“မိုး  ငါတို့ နှစ်ယောက် စကားကို ပွင့်ပွင့်လင်းလင်းပြောကြရအောင်။ ငါမအောင့်အီးနိုင်တော့ ဘူးဟ။ဒီနှစ် သင်္ကြန်မှာ ဒီလို စိတ်ဖိစီးစရာကြီးနဲ့တော့ မဖြတ်သန်းခြင်ဘူးဟာ။ပြီးတော့ ငါ နင့်ကို ဘယ်လောက်ထိ ခင်ပြီး ချစ်သလဲဆိုတာ လဲ နင်သိသားနဲ့ ။ ဘာပဲဖြစ်ဖြစ် ငါ နင်နဲ့ ထာဝရ သူငယ်ချင်းပဲ ဖြစ်ချင်တယ်။ နင် ဘာဖြစ်ခြင်လဲ ဖြစ်ခြင်တာတွေ လိုခြင်တာတွေ အားလုံးငါပေးမယ်ဟာ။ အရေးကြီးတာ နင့်စိတ်ထဲမှာ ငါ့ကို အမြဲတမ်း ထာဝရသူငယ်ချင်း တစ်ယောက်အဖြစ် ခင်မင်နေရမယ်။ နင်နဲ့ငါအမြဲတမ်း သူငယ်ချင်းဖြစ်နေရမယ်။ ငါတို့ နှစ်ယောက် ဘယ်တော့ မှ မခွဲခွာ ကြေးဟာ..နော်. ”

မထင်မှတ်ပဲ မွှေး ကဒီလို ပြောချလိုက်တော့ မိုး ၀မ်းနည်းသွားမိသည်။ သူမကိုယ်တိုင်က မွှေး ကို ဇ နှင့် ပတ်သတ်ပြီး စိတ်ထဲမှာ ငြိုညင်နေမိသည် မဟုတ်လား။ သူငယ်ချင်းရယ်.. မိုး မှားသွားတယ် ..

“ဟင့် ဟင့် မွှေး ..သူငယ်ချင်း ငါ တောင်းပန်ပါတယ်ဟာ။ နင် နင် ငါ့ ကို စိတ်မဆိုးပါနဲ့နော်။ ငါ့နှလုံးသားရဲ့ ပထမဆုံး ရင်ခုန်သံမှာ ငါ့ စိတ်တွေ ဘာဖြစ်သွားမှန်း မသိလိုက်လို့ ပါ။ ငါ ဇ ကိုချစ်တယ်။ ဟင့် ဟင့် …”

မွှေးရဲ့ ပုခုံးကိုမှီပြီး ကြူကြူပါအောင် ငိုနေသော မိုး ကိုကြည့်ပြီး စိတ်မကောင်းမိ။ သူငယ်ချင်းရယ် နင့်ရင်ခုန်သံကလဲ ဟာ ဇ နဲ့ ကြမှများ စရတယ်လို့ ။ မိုး၏ စိတ်သည် အနည်းငယ် စိတ်ကူးယဉ်ဆန်တတ်သည်ကို သူမသိသည်။ ပြီးတော့ မိုး သည် သူမကဲ့ သို့ စိတ်ထားပြတ်သားခိုင်မာသူမဟုတ်။ သူမကသာ ဟန်ဆောင်ကောင်းပေမယ့် မိုး သည် ဟန်ဆောင်ကောင်းတဲ့ သူတစ်ယောက်မဟုတ်။

“မိုး မိုး.. နင် ငါ့ ကို သေချာကြည့်စမ်း။ မငိုနဲ့ သူငယ်ချင်း။ ငါပြောတာ သေချာနားထောင်နော်…နားထောင်မယ် မဟုတ်လား ..”

မိုး မျက်ရည်များကို သုတ်ရင်း ခေါင်းညိမ့် ပြလိုက်သည်။

“ငါ ဇ ကို စိတ်မ၀င်စားဘူး မိုး။ဘာလို့လဲဆိုတော့ ငါက ယောက်ကျားဆိုရင် ပြတ်ပြတ်သားသားနဲ့ ငါ့ရှေ့မှာ မားမားမတ်မတ် ရပ်နိုင်တဲ့ သူကိုပဲ  ငါသဘောကျတယ်။ဇ လို ပျောံညံ့ညံ့ ယောက်ကျားတစ်ယောက်ကို ငါဘယ်လိုမှ ငါ့ရဲ့ ဘ၀ခရီးဖော်အဖြစ် မရွေးချယ်နိုင်ဘူး။ ဒီတော့ သူ့ဘက်က စိတ်ဝင်စားသည်ဖြစ်စေ မ၀င်စားသည်ဖြစ်စေ ငါလုံးဝ ဂရု မစိုက်ဘူး။ အရေးကြီးတာ ငါ စိတ်ဝင်စားတာ ငါ စိတ်ပူတာက နင်ပဲ မိုး။”
“ငါမှားသွားတယ် ဟာ.. ”

“နင်မမှားပါဘူး မိုး။ ဒီလိုပဲ လူတိုင်း အချစ်ဆိုတာနဲ့ ကြုံတွေ့လာကြပြီဆိုရင် တစ်ချက်တစ်ချက်တော့ လွတ်သွား တတ်ကြတာပဲ။ ဒါပေမယ့် နင် နားလည်ထားဖို့ တစ်ခုတော့ လိုတယ်။ အဲဒါဘာလဲဆိုတော့ ဇ ရဲ့ စိတ်ကို နင် ရော ငါရော မပြောင်းလဲနိုင်ဘူးဆိုတာပဲ။ ဒါပေမယ့် တစ်ချိန်ချိန်မှာတော့ သူပြောင်းလဲလာနိုင်တယ်။ ဒီအတွက် အချိန်တစ်ခု လိုအပ်တယ်။ နင် ငါပြောတာကို နားလည်တယ် မဟုတ်လား မိုး. ”

“အင်း..”

“နင် နားလည်ထားဖို့က ဇ ဆိုတဲ့ သူဟာ ဘယ်တော့မှ ငါ့ရဲ့ ချစ်သူတစ်ယောက် ဖြစ်မလာနိုင်ဘူး ဆိုတာပဲ.”

“အေးပါ သူငယ်ချင်းရာ ငါနားလည်ပါပြီး ငါ နားလည်ပါပြီဟာ…နော်”

မွှေး ခေါင်းညိမ့် ပြလိုက်ရင်း..

“သူငယ်ချင်း အိပ်ကြရအောင်နော်။ မနက်ဖြန်ကြရင် အရင်နှစ်တွေလိုပဲ ငါတို့ သူငယ်ချင်းနှစ်ယောက် သင်္ကြန်ဆိုတာကို ပျော်ပျော်ရွှင်ရွှင်နဲ့ ဖြတ်ကျော်ကြရအောင်နော် ..”

“အင်း..”

မိုး တစ်ယောက်ကတော့ စိတ်ကျေနပ်သွားပြီထင်။ မွှေး ကိုဖက်ပြီး အိပ်ပျော်သွားလေပြီ။ ဒီတစ်ခါ အိပ်မပျော်နိုင်သူက မွှေး။ သြော် ဧပရယ်နွေ ဆိုတာ ပူပြင်းပေမယ့် ဒီဇင်ဘာဆောင်းလို အေးချမ်းတဲ့ လလဲ ရှိနေတာပဲလေ။ သူမရဲ့ ရင်ထဲမှာလည်း လောလောဆယ် နွေလိုပူနေပေမယ့်  အချိန်တစ်ခုခုကြရင်ဖြင့် ဒီဇင်ဘာနှင်းတို့ဖြင့် ဝေနေမှာပါလေ။


*********************************************
 ဒီဇာတ်လမ်းလေးကို သင်္ကြန်မတိုင်ခင် အပြီးရေးမယ်လို့ အားတင်းထားပေမယ့် မထင်မှတ်ပဲ ခရီး တစ်ခုသွားဖြစ်လိုက်တာကြောင့်  ခုတော့ နောက်ကျသွားရပြီ။  
ဇာတ်သိမ်းပိုင်းလေးကို  ခပ်မြန်မြန်လေး ရေးပေးပါ့မယ်လို့ အကြောင်းကြားရင်း..
 အလည်လာကြသော ဘလော့ မောင်နှမများ ကျန်းမာလို့ ချမ်းသာကြပါစေရှင်။

Thursday 5 April 2012

တစ်ခါတုန်းက ပိတောက်ပွင့်ချိန် (၂)




“ဟဲ့ ဇ နင့်အမေက နည်းနည်းလေး အပေါက်ဆိုးတယ်နော် တစ်မျိုးပဲ မာနပဲ ကြီးသလိုလို မာန်ပဲတတ်နေသလိုလိုနဲ့ နည်းနည်းဇီဇာ ကြောင်သလားလို့ ”

“မွှေး ရယ် ငါ့အမေကိုတော့ ခြွင်းချက်လေးထားပေးပါလားဟာ။ ဟုတ်တယ် နင်ပြောသလိုပဲဟ ငါ့အမေက ငါနဲ့ ပတ်သတ်ရင် နဲနဲ အတ္တကြီးတယ်ပြောရမလားပဲ။အဖေသက်ရှိထင်ရှားရှိစဉ်တုန်းကတော့ အမေကအရမ်းကို သိမ်မွေ့ နူးညံ့တဲ့ မိန်းမတစ်ယောက်ပါ ”

“ဘာလဲ ဇ နင်ပြောချင်တာက အရင်က ချမ်းချမ်းသာသာနဲ့ ဘ၀ကိုဖြတ်သန်းလာရပြီ ကံဇာတ်ဆရာရဲ့ အလှည့်အပြောင်းမှာ ရုတ်တရုတ် ခက်ခဲကြမ်းတမ်းလွန်းတဲ့ လမ်းကို လျှောက်လိုက်ရလို့ နင့်အမေရဲ့ စိတ်တွေက ခုလိုမျိုးပြောင်းလဲသွားတယ်လို့ ပြောချင်တာလား ..”

“ဟုတ်တယ် မိုး။ ငါတို့ကို သစ္စာဖောက်လိုက်တာက အဖေ့ရဲ့ ညီအရင်းကြီးလေ။ ငါတို့ ပိုင်ဆိုင်သမျှ တွေကို အကြွေးတွေနဲ့ပါဆိုပြီး သူပိုင်လုပ်သွားတာလေ။ တစ်ကယ်တော့ အဲဒီပိုင်ဆိုင်မှုတွေ အားလုံးက အမေ့ရဲ့ မိဘပိုင် ပစ္စည်းတွေကို ထုခွဲရောင်းချပြီး အဖေ့ရဲ့ ချွေးတွေနဲ့ တည်ထောင်ထားခဲ့တဲ့အရာတွေ။ ပြီးတော့ ဒီဦးလေး ဆိုတာက အရင်တုန်းက အမေတို့ပေးတာစားပြီး ထားရာနေစေရာသွားတွေ။ အဖေဆုံးသွားပြီးတော့ လုပ်ငန်းတွေကို နားလည်တဲ့ လူက အဲဒီဦးလေးပဲ ပြီးတော့ ဆွေမျိုးအရင်းကြီးပါ မလုပ်လောက်ပါဘူးလို့ ထင်တဲ့သူက ယုံကြည်မှုကို အလွဲသုံးစားလုပ်သွားတာလောက် နာကျည်းရတာရှိသေးလို့ လား. ငါ့အတွက်ကြောင့် လောကဓံဆိုတာကို ဒီလောက်ထိတင်းခံထားနိုင်တာ။ ငါ အမေ့ ကိုသနားပြီးချစ်တာ။ ငါ့ကြောင့် အမေစိတ်မဆင်းရဲ စေချင်ဘူးလေ ဒါကြောင့်..”

“အင်း အဲဒါနဲ့ပဲ နင့်အမေရဲ့ သဘောကျအတိုင်း နင်က သားလိမ္မာလေး ဖြစ်အောင်နေတယ် ဆိုပါတော့။”

“ငါ့ဘ၀မှာလည်း အမေတစ်ယောက်တည်းပဲရှိတယ်။ အမေ့ဘ၀မှာလဲ ငါတစ်ယောက်တည်းပဲရှိတယ်။ ဘာမှမရှိတော့တဲ့ အမေ့မှာ တစ်ဦးတည်းသောသားဖြစ်တဲ့ ငါ့အတွက် အမေက အတ္တကြီးနေတာ လွန်နေလို့ လား မွှေး ”

“လွန်တယ်ဟ။ တက္ကသိုလ်ကျောင်းသာတက်ရတယ်။ နင် class ပြီးမယ့် အချိန်ကို နင့်အမေကို အသိပေးရတယ်။ အိမ်ပြန်ချိန် ညနေ ၆ နာရီထက်မကျော်ရဘူး။ သူငယ်ချင်း မိန်းကလေး မထားရဘူး။ ချစ်သူမထားရဘူး။ နင့်ဘ၀မှာ သူတစ်ယောက်တည်းရှိအောင်လုပ်ထားတာလေ အဲဒါ လွန်တာပေါ့ .”

တစ်ကယ်တော့ သူမွှေးနှင့်မိုးရဲ့ ဘ၀ကိုအားကျသည်။ သူ့ဘ၀လိုမျိုးမွန်းကြပ်မှုများဖြင့် ပိတ်လှောင်မနေကြ။ လူငယ်တစ်ယောက်ရဲ့ လွတ်လပ်မှုအခွှင့်အရေး အားလုံးပိုင်ဆိုင်ကြရသည်။ အထူးသဖြင့် မွှေး၏ ဟန်ဆောင်ချင်း ကင်းစွာဖြင့် ပွင့်လင်းဖော်ရွေမှုကို သူနှစ်သက်သည်။ မွှေးနှင့်သာ စကားပြောနေရလျှင် သူ့ရဲ့ စိတ်တွေ လွတ်လပ်ပေါ့ပါးနေသလိုခံစားရသည်။ စိတ်ချမ်းသာသည်။ သူပျော်သည်။ သူ့ဘ၀ရဲ့ အမောတွေပြေသွားသလို ခံစားရသည်။ ညညအမေ့ရဲ့ တစ်ယောက်တည်း ကြိတ်ပြီး ငိုရှိုက်သံတွေကို နားထောင်ဖို့ အင်အားတွေ ပြည့်လာသလို ခံစားရသည်။

“မွှေး နင်တို့ဒီနှစ်လည်း သင်္ကြန်မှာ ရေကစားကြမှာလား”

“ဆော့မှာပေါ့ဟဲ့။ ငါတို့ ကသင်္ကြန်ပိုးပါတယ်။ သင်္ကြန်ဆိုရင် ရေမဆော့ရပဲကို မနေနိုင်ဘူး။ ပြီးတော့ ငါတို့ ရေမကစားရင် လမ်းထိပ်က မဏ္ဏပ်ကို ဘယ်သူဦးစီးမလဲဟဲ့”

“ဟင်း တက္ကသိုလ်တက်တာပဲ ဒုတိယနှစ်ရောက်နေပြီ ခုထိ ဆော့တုန်း”

“ဘာဖြစ်လဲ ငါတို့ကဒီအရွယ်ရောက်တဲ့ အထိ သင်္ကြန်ဆို ရေမဆော့ပဲ နေတာ တစ်ခါမှ မရှိခဲ့ဖူးဘူး။မဏ္ဏပ်မှာ စတုဒီသာကျွေး ရေကစားရတာ ဘယ်လောက်နှစ်သက်ဖို့ကောင်းလဲ။ တူးပို့ တူးပို့ ဆိုတဲ့ သင်္ကြန်ဒိုးလေး ကြားတာနဲ့ ကိုစိတ်ထဲမှာ ပျော်နေမိတာ။”

“အင်း …..ငါလည်း နင်တို့လိုပျော်ချင်တယ်..”

ညှိုးငယ်စွာနှင့် ပြောလာသော ဇ ကြောင့် မိုး သနားသွားမိသည်။ ဘာပဲပြောပြော ဇ လည်းသူတို့လို ပျော်ချင်ရှာမှာပဲ။ နှောင်ဖွဲ့ ခံနေရသော ဇ အတွက် စိတ်မကောင်းမိ။

“မွှေး ”

“ဟင် “

“ဟိုလေ..ဟိုဟာ..”

“ဟဲ့ မိုး တစ်ဟိုဟိုနဲ့ ဘာဖြစ်နေလဲ ပြောစရာရှိတာပြောလေ..”

“ငါတို့ ဒီနှစ်လေ ဇ ကို ရေကစားလို့ ရအောင် ကူညီပေးကြရင် မကောင်းဘူးလား။ ဟိုတစ်နေ့ က သူပြောတာ ငါသနားသွားလို့”

မွှေး က မိုးကို အဓိပ္ပါယ်ပါပါ တစ်ချက်လှမ်းကြည့်ရင်း

“မိုးရယ် ဒါက သူတို့ သားအမိကိစ္စ ငါတို့ ကိစ္စမဟုတ်ဘူး။ သူငယ်ချင်း ငါပွင့်ပွင့်လင်းလင်းပဲ မေးမယ်။ နင် ဇ ကို သဘောကျနေတာလား.”

မိုး ဘာမှ ပြန်မဖြေ။ သူမ တစ်ခုခုကို ဖုံးကွယ်ဖို့ ကြိုးစားနေပြန်သည်။

“ဟဲ့ မိမိုး နင်နဲ့ငါ သူငယ်ချင်း အရင်းခေါက်ခေါက်ကြီး ဘာမှ ညာဖို့ စဉ်းစားမနေနဲ့ ။ ငါမေးတာ ဟုတ်လား မဟုတ်လားပဲဖြေ. ”

ဒီတော့ မှ..

“ဒါ..ဒါ ဆိုလည်း မရှက်တော့ ပါဘူးဟာ။ ဟုတ်တယ်ဟ ငါ ဇ ကိုကြည့်ကြည့်ပြီး သနားနေတာ။ အလို သနားနေရာကနေ..ငါ ..ငါ..”

“ချစ်မိသွားတယ် ဆိုပါတော့။ နင်သူ့အမေကြီး အကြောင်းလဲသိသားနဲ့။ နင်နဲ့ဆိုမဖြစ်ပါဘူး။ နင်စိတ်ဆင်းရဲ ရမယ် သူငယ်ချင်းရဲ့။ ပြီးတော့ နင်က ငါ့လိုမဟုတ်ဘူး။ ပျော့ညံ့ညံ့နဲ့ ။ ဟိုမိန်းမကြီးက ငါ့သူငယ်ချင်းကို ပညာသားပါပါ နှိပ်စက်မှာ။ မစဉ်းစားပါနဲ့ လား ဟာ။ မေ့ပစ်လိုက်။ မေ့ပစ်လိုက်။”

“မွှေး ကလည်းဟာ ခု ငါတို့က ဘာမှ မှမဟုတ်သေးတာ။ ဘာပဲပြောပြော နင်အကြံလေးဘာလေးထုတ်ပါအုန်းဟာ။ ဇ နဲ့ တူတူ ငါတို့ သင်္ကြန်မှာ ရေကစားလို့ ရအောင်လေ လုပ်ပါ သူငယ်ချင်းရာ နော်နော်”

မွှေး သူငယ်ချင်းလေးကို တစ်ချက်လှည့်ကြည့်လိုက့်ရင်း

“ဒီနှစ်ဒီကောင်က သူ့အမေနဲ့ တရားရိပ်သာစခန်းပဲ လိုက်ဝင်ရမှာ မဟုတ်လား”

“အင်း တရားရိပ်သာ လိုက်မ၀င်ရအောင် ဘာလုပ်ရင် ကောင်းမလဲလို့ သူ့အမေပဲ ရိပ်သာကိုသွား သူသာ အိမ်မှာကျန်ခဲ့ရင် သင်္ကြန်မှာ ငါတို့တူတူပျော်လို့ရပြီလေ ဟုတ်ဖူးလား”

“ဟွန်း မိန်းမမိမိုး လူကြည့်တော့ အေးသလိုလို ဘာလိုလိုနဲ့ ဒါမျိုးကြတော့ ရှင်ကတော်တော်တတ်တယ်နော်”

“လုပ်ပါ မွှေး ကလည်း ။ ဘာလုပ်ရင်ကောင်းမလဲလို့”

မွှေး စဉ်းစားသလို လုပ်ရင်း …

“ဟားရပြီ သူငယ်ချင်း ငါတို့ ဒီလို လုပ်ရအောင်”

သင်္ကြန်မတိုင်ခင် တစ်ရက်အလို ..

“သားရေ အခန်းထဲက ထွက်မလာသေးဖူးလား။မပြီးသေးဘူးလား။ ဒီမှာ တရားစခန်းဝင်ဖို့ အုပ်စုက ကားနဲ့ လာကြိုနေပြီ မှော်ဘီထိတောင်သွားရမှာ တော်ကြာနောက်ကျနေအုန်းမယ် မြန်မြန်လုပ်”

အခန်းထဲမှနေပြီ ဇ တစ်ယောက် ခါးလေးကိုင်းကိုင်းဖြင့် ထွက်လာသည်။ ဇ ပုံစံကိုကြည့်ပြီး

“ဟဲ့ သား ဘာဖြစ်တာလဲ။ နေမကောင်းဘူးလား။မျက်တွင်းတွေလည်း ချိုက်လို့။ ဘာဖြစ်လို့လဲ ညက အိပ်မပျော်ဘူးလား”

“အား ကျွတ်ကျွတ် အမေ သားတရားစခန်းရိပ်သာ လိုက်ပြီး မ၀င်နိုင်တော့ ဘူးထင်တယ်။ ဗိုက်က ရစ်ရစ်ပြီးနာနေတာ ပြီးတော့ ညကလည်း ၀မ်းတွေ ခဏခဏသွားတာ ၆ ခါလောက်ရှိတယ်။ တစ်ညလုံး မအိပ်ရသေးဘူး”

“ဟယ် ဒါဆိုလည်း အမေ မသွားတော့ ဘူး ။ သားမှ နေမကောင်းတာ”

“အမေကလည်း ခုတော့ ၀မ်းသွားတာရပ်သွားပါပြီ။ သား တစ်ရက်နှစ်ရက်လောက်နားလိုက်ရင် သက်သာသွားမှာပါ။ ပြီးတော့ လာခေါ်တဲ့ကားက အိမ်ရှေ့တောင်ရောက်နေပြီ။ အားနာစရာကြီး။ ပြီးတော့ သားလည်း ကလေး မဟုတ်တော့ ပါဘူး အမေရာ။ ဘာမှ မဖြစ်ဘူး။ အမေ စိတ်ချလက်ချသာ တရားစခန်းကိုသွား။ ပြီးရင် သားဆေးခန်း ကိုယ်ဘာသာကိုယ် သွားလိုက်မယ်။”

“ဟဲ့ အိမ်ထဲက ဟိုသားအမိတွေ မလာသေးဘူးလား။ နေမြင့်လာရင် ပူလာတော့မယ်။ မြန်မြန်လာကြလေ”

ဒါက အိမ်ရှေ့ က အမေ့ ဘော်ဒါတွေ လောဆော်နေတဲ့ အသံ။

“ကဲ ဒါဆိုလည်း အမေ စိတ်ချပြီးသွားမယ်နော်။ တစ်ခုခုဆို ရိပ်သာက ဖုန်းကို လှမ်းဆက်လိုက်သိလား။ အမေ ချက်ချင်းပြန်လာခဲ့မယ်။ သား သေချာတယ်နော် ရတာ။ မရဘူးဆိုလည်း အမေ မလိုက်သွားတော့ ဘူး။”

အမေက စိတ်မချသလို တစ်တွတ်တွတ်ပြောနေတော့ ဇ တစ်ယောက်နဲနဲတော့ မလုံမလဲဖြစ်သွားမ်ိသည်။ ဒါပေမယ့် လိမ်ပြီးမှတော့ ပိရိအောင် ဆက်လိမ်မှ ဖြစ်မည်မို့ ..

“စိတ်ချပါ အမေရာ စိတ်ဖြောင့်ဖြောင့်သာသွား။ သားဆေးခန်းပြပြီး နားလိုက်ရင်ကောင်းသွားမှာ။ ခုဟာက ခုချက်ချင်းကြီးလိုက်ခဲ့လို့ ရိပ်သာရောက်မှ တစ်ခုခုဆို ပိုဆိုးနေမှာစိုးလို့။ စိတ်ချလိုက်ချသာသွား။ နော် အမေ နော်”

သည်လိုဖြင့် ဇ တစ်ယောက် မနက်ဖြန်မှာ ရောက်လာတော့ မယ့် သင်္ကြန်အကြိုနေ့ ကို တွေးပြီး ရင်ခုန်နေမိတော့ သည်။ မွှေး ရဲ့ ဘေးနားမှာတစ်နေကုန်နေခွင့်ရပြီး သင်္ကြန်ပွဲတော်ကို ဆင်နွဲရမည်ဆိုတော့  အိုး ဇ ရင်ထဲ မှာ သင်္ကြန်ဒိုး သံတွေ တူးပို့ တူးပို့ ပေါ့။ အား..နေရင်းထိုင်ရင်း ၀မ်းက သွားချင်လာပြန်သည်။ မွှေး ပေးလိုက်သော ၀မ်းနှုတ်ဆေးက အစွမ်းပြပြန်ပြီထင်သည်။ 

 --------------------------------------------------------------------------------------------------
ဇာတ်သိမ်းပိုင်းလေကိုတော့ သင်္ကြန်မတိုင်မှီ အပြီးတင်ပေးပါမယ်လို့ အသိပေးရင်း
ချစ်စွာသော ဘလော့ မောင်နှမများ ကျန်းမာလို့ ရွှင်လန်းကြပါစေရှင်။  

ပုံလေးကိုတော့ ထုံးစံအတိုင်း google ကနေပဲ ရှာပြီးသုံးထားတာပါ။