Tuesday 15 March 2011

ဆိုးတော့ဆိုးပါ... သို့သော်.... မမိုက်မဲနှင့်




(သီတာ) မေ့ ဘာဟင်းချက် ဗိုက်ဆာပြီ မေရ။ ပြီးရင် ငြိမ်းတို့နဲ့ ချိန်းထားတယ်။ ရုပ်ရှင်သွားကြည့်မလို့။ မြန်မြန်ချက်။ ဒါပဲ။

ကလေးတစ်ယောက်၏ ဆိုးဆိုးနွဲ့နွဲ့ အမူအရာနှင့် နောက်ကျောမှနေ၍ မိခင်ကိုသိုင်းဖက်ထားပြီး ချွဲနေသော သမီးချောအား နောက်ပြန်လှည့်ကြည့်ရင်း

(ဒေါ်ရီ) သြော် မိသီတာ အမေကို ၀ိုင်းကူမယ်တော့မကြံဘူး။နောက်နားကပ်ပြီး လာရှုပ်နေတယ်။ ဘယ်ချိန်မို့လို့တုန်း ရုပ်ရှင်က။ ဒီနေ့ ငါ့သမီးကြိုက်တဲ့ဟင်း ရှယ်ချက်ထားတာ။ ၀က်သားကို အစပ်ချက်တယ်။ ပြီးတော့ ပဲညွှန့် ဟင်းချို။ ပြီးတော့ ငါးပိရည် တို့စရာအစုံ နဲ့ သရက်ချဉ်သုတ်လေးရယ် ပြီးတော့ ကန်ဇွန်းပလိမ်းကြော်လေးရယ်... ဘယ်လိုလဲ

(သီတာ) ဟီး.. မေ ပြောနေတာနဲ့ ဒီမှာ သရေတများများဖြစ်တော့မယ်။ ရုပ်ရှင်က ၁ နာရီခွဲကားကြည့်မှာ။ ခု ၁၁ နာရီထိုးတော့ မယ်လေ။ သမီးက ရေချိုးရအုန်းမှာ။ ရေမချိုးခင် ထမင်းအရင်စားမလို့။ အဆင်သင့်ပဲလား မေ။

(ဒေါ်ရီ) ဟုတ်ပတော် အဆင်သင့်ပါပဲ ထမင်းစားပွဲပေါ်မှာ အုပ်ထားတယ်။ ကိုယ်ဘာသာကိုယ်ခူးခပ်စားတော့။ သြော် သမီးရေ သမီး အဖေနဲ့ အစ်ကိုတွေ အတွက်တော့ ဦးချထားလိုက်အုန်းနော်။ ပြီးတော့ အခန်းထဲက သမီးအ၀တ်အစားတွေ ထုတ်ခဲ့ ကြားလား။ လျှော်ရအုန်းမယ်။ မိန်းကလေးဖြစ်ပြီး ပျင်းလိုက်တာလွန်ရော။ အလှပြင်ဖို့ကြတော့ မပျင်းဘူး။

(သီတာ) အာ..မေကြီးကလဲ သီတာနောက်ကျနေပြီ။ ဖယ်တော့ဘူး။ သီတာ စားသွားတာလို့ ပြောလိုက် ဖေကြီးတို့က ဘာမှမပြောဘူး။ မေကလဲ ဒီသမီးလေးတစ်ယောက်ရှိတာကို ပွစိပွစိနဲ့။မွေးထားပြီး ဒီလောက်တော့ လုပ်ပေးရမှာပေါ့လို့။

အစ်ကိုနှစ်ယောက်ကြားထဲမှာ သမီးလေးတစ်ယောက်တည်း ပြီးတော့အငယ်ဆုံးလေး ပြီးတော့အစ်ကိုတွေလို ကြမ်းကြမ်းတမ်းတမ်း မဟုတ်။ ဖြူဖြူနုနုနဲ့ ဒီသမီလေးကို အိမ်ရှိလူကုန် ချစ်လိုက်ကြတာ သည်းသည်းကို လှုပ်လို့။ ခုပဲကြည့်လေ တက္ကသိုလ်ကျောင်းသူပဲ ဖြစ်နေပြီ မိဘကအ၀တ်တွေလျှော်ပေးရတုန်း။ ကလေးတစ်ယောက်လို တစ်အိမ်လုံးက သည်းသည်းလှုပ်နေ ကြတုန်း။

----------------------------------------------------------------------
(ဦးအေး) ဟ မရီရ မင်းဟာကကွာ ၀က်သားက အရိုးချက်တာလား အသားချက်တာလား။ ဒီမှာ အရိုးတွေကြီးပဲ။

(ကိုလေး) ဟုတ်ပ အမေ ဈေးဖိုးတွေ ချွေတာနေတယ်ပေါ့လေ။

(ဒေါ်ရီ) အမယ်လေး မဟုတ်ရပါတော်။ ကိုမောင်အေး.. အဲဒါ တော့် သမီးလက်ချက်မိသွားတာနော်။ ဟို အငယ်ကောင် မသိရင် လျှောက်ပြောမနေနဲ့ အဲဒါ နင့်ညီမလက်ချက်။ ရှပ်ရှင်ကြည့်မလို့ သူငယ်ချင်းတွေနဲ့ ချိန်းထားတယ်ဆိုပြီး ထမင်းစောစော စားပြီး ခု အပြင်သွားပြီ။ အဖေတွေ အစ်ကိုတွေ အတွက် ဦးချစားသွားလို့ပြောတာ။ ခုတော်တို့အတွက် အရိုးကြီးချန်သွားတယ် မဟုတ်လား။ ဟွန်း ကြပ်ကြပ်ကလေးအလိုလိုက်ကြနော်။ ရှေ့ရေးတော့လေ ကျုပ်တော့ဖြင့် ရင်လေးတယ် ..အဲဒီ သမီးတစ်ကောင်ကြောင့် သိလား.

(ကိုကြီး) အာ.. အမေကလဲ ညီမလေးကို တစ်ကောင်လို့ မသုံးပါနဲ့။ ဘာဖြစ်လဲ ကျန်တဲ့ဟင်းနဲ့စားရလည်း ဘာမှ မဖြစ်ပါဘူး။ ညီမလေးက အငယ်ဆုံးလေးဆိုတော့ နွဲ့ဆိုးဆိုးတာပါ။နော် ဟုတ်တယ်မဟုတ်လား အဖေ။ ကဲညီ မြန်မြန်စား ထမင်းစားပြီး အလုပ်ပြန်သွားရအုန်းမှာ။ ၀ပ်လျှော့မှာ ကားတစ်စီး ပြင်ဖို့ရှိသေးတယ်။ ဒီညနေလာယူမှာ။ ကျွန်တော်တို့ သားအဖ တက်ညီလက်ညီ ပြင်လိုက်ရင် ပြီးပါတယ်ဗျာ။

(ဦးအေး) အေး ပြီးပါတယ် သားကြီးရ။ အေးပါ အရီရာ ငါမသိလို့ပါ။ မင်းနှယ် သမီးလေးကို ဆူမနေနဲ့နော်။ တော်ကြာစိတ်ညစ်နေအုန်းမယ်။ ကြားလား။

(ကိုလေး)ပြီးပါတယ် ကိုကြီးရ။ လက်ဘက်ရည်တော့ ထမင်းစားအပြီး တိုက်ရမယ်နော် ကိုကြီး။ ဘယ်လိုလဲ

(ကိုကြီး) ဟားဟား အေးပါကွာ။အေးပါ ငါ့ညီနဲ့ ငါ့ညီမကတော့ဟေ့ အစ်ကိုများတွေ့လိုက်ရင် သမဖို့ကြီး မြင်နေတော့တာကိုးကွ။

ဒေါ်ရီကလဲ ပြောမယ့်သာ ပြောနေတာ။ အဖေတွေ အစ်ကိုတွေရှေ့မို့ ကြိမ်းပြနေတာ။ ခုနကဆို သူကိုယ်တိုင်ပဲကြည့်လေ သမီးအ၀တ်တွေလျှော်ဖို့ တောင်းနေတာ။ ထမင်းစားခဏနားပြီး လျှော်မှ ဖြစ်မယ်။ နဲတာမဟုတ်ဘူး အ၀တ်တွေ။
---------------------------------------------------------------------------

(ဦးအေး) သမီး ကျောင်းကပြန်လာတာ နောက်ကျလှချည်လား။ ဘယ်တွေသွားနေတာလဲ။ ဒီကိုလာအုန်း။ ပြီးတော့ နေ့လည်က မြို့ထဲမှာ သမီးနဲ့တူတူတွေ့လိုက်တဲ့ ကောင်လေးက အဲဒါဘယ်သူလဲ။ လိမ်မယ်တော့ မကြံနဲ့နော်။

(သီတာ) ဟာ..ဖေကြီးကလဲ သမီးက တက္ကသိုလ်ကျောင်းသူပဲ ဖြစ်နေပြီဟာ မြို့ထဲသွားတာ ဘာများဆန်းလို့လဲ။ ပြီးတော့ ဟိ်ုကောင်လေးက သူငယ်ချင်း။ တစ်ကယ်ပဲ လွတ်လွတ်လပ်လပ်ကိုမရှိဘူး။ ဖေတို့နော် ရုတ်ရုတ်တော့မလုပ်နဲ့ စိတ်ထင်ရာလုပ်လိုက်မှာနော်။သမီးက ဘာများမဟုတ်တာလုပ်နေလို့လဲ။

(ကိုကြီး) ညီမလေး သီတာ အဖေ့ကို အဲလိုပြန်မပြောနဲ့လေ။ အဖေ ကစိုးရိမ်လို့မေးတာကို ကောင်းကောင်းဖြေလိုက်ပြီးနေတာ ပဲဟာ။ ဘာစိတ်ညစ်စရာရှိလဲ ညီမလေး မဟုတ်ရင်ပြီးတာပဲ။ ကိုကြီးတို့က ချုပ်ခြယ်တာမဟုတ်ပါဘူး။ ညီမလေး အရွယ်မရောက်သေးခင်ကို လမ်းမှားရောက်မှာစိုးလို့။ကဲကဲ သွားအင်္ကျီတွေ သွားလဲချေတော့။

(သီတာ) ပြီးရော ပြီးရော

သီတာတစ်ယောက် ပြောပြောဆိုဆို ခြေထောက်ကိုစောင့်ကာနင်းလို့ တစ်ဒုန်းဒုန်း တစ်ဒိုင်းဒိုင်း ဖြင့် အိမ်အပေါ်ထပ်သို့တက်သွားလေပြီ။ တစ်အိမ်သားလုံး၏ မျက်နှာကတော့ မကောင်းကြ။ ဦးအေးတစ်ယောက်ကတော့ သက်ပြင်းသာ ဟူး..ကနဲ ချလိုက်ရင်း

(ဦးအေး) အရီ..သမီးကို ဆက်မဆူနဲ့တော့နော် တော်ကြာစိတ်ထင်ရာ လုပ်သွားမှ ငါတို့ရင်ကျိုးနေရမယ်။ အခြေအနေကိုပဲ အကဲခပ်ပြီး ကြည့်နေကြားလား

အပေါ်ထပ်မှ သမီးမကြားအောင် လေသံတိုးတိုးဖြင့် ဒေါ်ရီအားမှာနေသေးသည်။ ပြီးတော့ ဦးအေး၏ မျက်ဝန်းတွင် မျက်ရည်များဝဲလို့နေ၏။ ဒေါ်ရီကတော့ သမီးမကြားအောင် တစ်အစ်အစ်နဲ့ ကြိတ်ပြီး ရှိုက်၍ငိုနေလေတော့သည်။

သမီးလေးကြိုက်နေသည့်လူက သမီးလေးအား ကောင်းကောင်းမွန်မွန် ထားနိုင်သည်။ မချမ်းသာလဲ ဂရုစိုက်စရာမလို။ လုပ်နိုင်ကိုင် နိုင် အရည်အချင်းရှိတဲ့လူဆို သူတို့သဘောတူနိုင်ပါသည်။ ခုဟာက ကောင်လေးက ဆယ်တန်းတောင်မအောင်။ အလုပ်လဲ မယ်မယ်ရရ မရှိ။ ဒါဆို မိဘတွေက ချမ်းသာသလားဆိုတော့။ အရင်ကတော့ ချမ်းသာကြပါသည်။ ကောင်လေးတွေ အဖေဆုံးပါး သွားပြီးနောက်ပိုင်း ဆင်းရဲသွားလိုက်တာ နေ့မြင်ညပျောက်ဆိုသည့်အလား။ အထည်ကြီးပျက်တွေ။ ဒီတော့ ဘ၀အကြောင်းသိဖို့ နေနေသာသာ အရင်က ပိုက်ဆံ၇ှိခဲ့တာလေးနှင့် ခုချိန်ထိ ဟောင်ဖွာ ဟောင်ဖွာမိသားစု။ တစ်ကယ်တမ်း အကြောင်းသိတွေပြောပြ တာတော့ တစ်နေ့တစ်နေ့ စားစရာတောင်မရှိတဲ့။ြ့ပီးတော့ အလုပ်အကိုင်လဲ မယ်မယ်ရရ မလုပ်ကြတဲ့။ အားနေ ဂစ်တာလေး တစ်ဒေါင်ဒေါင်နှင့် ရည်ရွယ်ချက်က အဆိုတော်ကြီးဖြစ်ဖို့တဲ့။

××××××××××××××××××××××××××××
(ဒေါ်ရီ) ဒေါ်ဥ …. သမီး ကဘာပြောလိုက်လဲဟင်.. ဘာပြောလိုက်လဲ

(ဒေါ်ဥ) ညည်းနဲ့အေ ဖြေးဖြေးမေးပါ။ ညည်းကို ပြောပြချင်လွန်းလို့ မေးပြီးချက်ချင်းကျုပ်ကလာတာပါပဲ။

(ဦးအေး) ကျွန်တော်တို့က သမီးလေးကို စိတ်ပူလို့ပါ ဒေါ်ဥရယ်။ စိတ်မရှိပါနဲ့ဗျာ။

(ဒေါ်ဥ) အေး မင်းတို့အဲဒီလိုချစ်လို့ မင်းတို့သမီးကဆိုးနေတာ။ ခုလဲ လူကြီးစုံရာနဲ့ ပြန်အပ်ဖို့ကို ကောင်လေး ဘက်က ပိုက်ဆံမရှိလို့တဲ့။ သူ့ယောက်ကျားက ပိုက်ဆံရှာနေတယ်ဆိုပဲ။ ရတာနဲ့ လူကြီးစုံရာနဲ့ အပ်ဖို့ ပြင်ဆင်လိုက်ပမယ်တဲ့။ မင်းတို့ကသာ မျက်နှာကြီးတွေအိုပြီး စိတ်ပူနေကြတာ။ ဟိုမှာ ရွှင်လို့လန်းလို့. ဟွန်း
ငါတယ်လေ..မပြောလိုက်ချင်ဘူး

(ဒေါ်ရီ) ဒါဖြင့် ဒါဖြင့် အဲဒီနေ့က အိမ်ကဆင်ပေးလိုက်တဲ့ ပစ္စည်းတွေရော

(ဒေါ်ဥ) ကုန်ပြီတဲ့။ ကုန်ပြီတဲ့။ သူတို့နှစ်လလောက်ပျောက်သွားတုန်းက အဲဒါတွေရောင်းသုံးတယ်တဲ့။

ဒေါ်ရီ သြော် သမီးလေးရယ် မိုက်လှချည်လားလို့သာ ပြောလိုက်ချင်မိသည်။ အဲဒီနေ့က သမီးကအလှူသွားစ ရာရှိသည် ဆိုသဖြင့် လက်ဝတ်လက်စား တစ်စုံစာ မိဘက မျက်နှာမငယ်ရအောင် ဆင်ပေးလိုက်သည်။ အဖေနဲ့ အစ်ကိုတွေ ချွေးတွေနဲ့ ရှာထားသော ချွေးနဲစာအား လုပ်ရပ်လိုက်တာ သမီးလေးရယ်လို့သာ စိတ်မကောင်းချင်း ကြီးစွာဖြစ်မိသည်။ သို့သော်..

(ကိုကြီး) အမေ နဲ့ အဖေ ညီမလေးတစ်စိမ်းတွေကြားမှာ မျက်နှာငယ်နေပါ့မယ်ဗျာ။ သူ့ကောင်လေးကလဲ အလုပ်က မယ်မယ်ရရ ရှိတာမဟုတ်ဘူး။ ကြီးဒေါ်ဥနဲ့ ပိုက်ဆံပေးခိုင်းလိုက်ပြီး လာအပ်ခိုင်းလိုက်ဗျာ။ ပြီးရင် အိမ်မှာပဲ မင်္ဂလာဆွမ်းကျွေးလေး လုပ်ပေးလိုက်ရအောင် နော်..နော် အမေနဲ့အဖေ

ဤသို့ဖြင့် မင်္ဂလာဆောင်ပေးလိုက်ကြ၏။ ထို့နောက် သမီးကို အိမ်မှာတူတူနေဖို့ ခေါ်ပါသော်လည်း သမီး၏ ယောက်ကျားဖြစ်သူကမနေ။ သူ့အမေက အိမ်မှာတစ်ယောက်တည်းမို့ စိတ်မချဆို၏။ ထို့ကြောင့် သီတာလဲ ယောင်နောက် ဆံထုံးပါရလေတော့သည်။ သို့ပေမယ့်လဲ ဟိုဘက်ရပ်ကွက် နှင့် ဒီဘက်ရပ်ကွက်မို့ သိပ်တော့ဖြင့် မဝေးလှပါလေ။
Xxxxxxxxxxxxxxxxxxxxxxxxxx

(ကိုလေး) အမေ ညီမလေးကလေ…ဟို…ဟို…ဟို..လေ

(ဒေါ်ရီ) ဟဲ့ အငယ်ကောင် တစ်ဟိုဟို နဲ့ ဘာဖြစ်နေတာလဲ။ ငါ့သမီး ဘာဖြစ်လို့တုန်း။

ကိုလေး တစ်ယောက် နီမြန်းရှက်ရွံ့သော မျက်နှာဖြင့် ခေါင်းကုတ်လိုက် အင်္ကျီလက်ဆွဲတင်လိုက်နှင့် ထို့နောက် စိတ်ကို ဒုံးဒုံးချလိုက်သော မျက်နှာပေး ပြုံးစိစိဖြင့်..

(ဒေါ်ရီ) ဟဲ့ကောင်လေး ပြောလေ ဘာလဲလို့ဆိုနေ

(ကိုလေး) ဟီးဟီး ကျွန်တော်ကလေ ..သိလား ဟီး ဦးလေး..ဦးလေး ဖြစ်တော့မှာ အမေရ။ ဟီးဟီး ညီမလေးမှာလေ ..အဟီး

ဒေါ်ရီ သဘောပေါက်သွားပြီ။ ငါမြေးလေးရတော့မှာပေါ့လို့ စိတ်ထဲပျော်သွားသည်။ ထို့နောက် တစ်ခဏမှာပင် မျက်နှာက ပြန်ညှိုးသွားသည်။

(ကိုလေး) အမေ ဘာဖြစ်လို့လဲ မြေးရတော့မှာ မပျော်ဘူးလား။

(ဒေါ်ရီ) မဟုတ်ပါဘူး သားရယ်။ သားညီမလေး ယောက်ကျားက အလုပ်မှ မရှိတာ။ အမေ့သမီးလေး တော့ ကိုယ်ဝန်ကြီးနဲ့ အားငယ်နေတော့မှာပဲ..

(ကိုလေး) ဟင်း……….ဒါတော့ဟုတ်တယ် အမေရာ။
အဲဒီကောင်က ၀ပ်လျှော့မှာလာလုပ်ဆိုတော့လဲ မလုပ်ဘူး။ သူ့တစ်ခါတစ်လေမှ လိုက်ရတဲ့ တီးဝိုင်းက ပိုက်ဆံနဲ့က ညီမလေးက ဘယ်လိုလုပ်ပြီးထမင်းနပ် မှန်ပါ့မလဲ။ ညီမလေး အိမ်လာလည်ရင် အမေ မုန့်ဖိုးတွေဘာတွေ ပေးလိုက်နော် အမေ။ သူစားချင်တာ ၀ယ်စားလို့ရတာပေါ့။

မိသားစုက ဒီလိုပူပန်နေသော်လည်း သီတာကတော့ နောင်တနဲနဲလေးမှမရ။ သည်ယောက်ကျားမှ သည်ယောက်ကျား။ မိဘအိမ်သို့ သီတာပြန်လာလည်သောနေ့သည်။ ပိုက်ဆံလို၍ လာသောနေ့သာ ဖြစ် သည်။

XXXXXXXXXXXXXXXXXXXXXXXXXXXXXXXXXX

(ကိုကြီး) အမေ ..ညီမလေးတွက် ဗိုက်ဖုံးအကျီဝယ်လာတယ်။ အဲဒါ အမေ ကြီးဒေါ်ဥနဲ့ ပေးခိုင်းလိုက်နော်။

ဟုတ်ပါသည်။ သမီးကိုလွမ်းကြသော်လည်း။ ဝေးဝေးကသာ သူတို့လွမ်းနိုင်ကြသည်။ အဘယ့်ကြောင့်ဆို သော် သီတာ၏ ယောက္ခမ နှင့် သူ့ယောက်ကျားပြောသော စကားများသည် နားခါးလှသောကြောင့်ဖြစ်သည်။့ သူတို့ပေးစရာ ကျွေးစရာ..မတွေ့တာကြာလျှင် ဒေါ်ဥကိုသာ ခြေလျင်တပ်သားအဖြစ်သုံးလေ့ရှိကြသည်။

(ဦးအေး) အရီ သမီးကြိုက်တတ်တဲ့ ဟင်းလေးတွေ ၀ယ်ပြီးချိုင့်နဲ့ ပို့ပေးလိုက်ပါလား။ ဟိုနေ့က အလုပ်မှာ ဦးမြကြီးက ပြောတယ်။ သမီးကလေ ဈေးထဲက ၀က်သားဆိုင်ရှေ့မှာ ၀ယ်မလို မ၀ယ်မလိုနဲ့ မတ်တပ်ရပ်နေ တာ အကြာကြီးပဲတဲ့။ နောက်မ၀ယ်ပဲ ပြန်လှည့်သွားတယ်တဲ့။ သူလဲ ကိုယ်လေးလက်ဝန်ကြီးနဲ့ဆိုတော့ စားချင်ရှာမှာပေါ့ကွာ ကောင်းကောင်းကန်းကန်းလေ..

ဒုက္ခပဲ ဒီနေ့ ဟင်းတွေချက်ပြီးတော့မှ ဒေါ်ဥကိုသွားခေါ်တော့မရှိဘူးတဲ့ ။ သူ့တူမအိမ်သွားတယ်တဲ့။ မနက်ဖြန်မှ ပြန်လာမယ်တဲ့။ အင်း မထူးပါဘူးလေ..သမီးနဲ့လဲ မတွေ့တာကြာပြီ ကိုယ်တိုင်ပဲ သွားလိုက်ပါ တော့မယ်လေ။ အဲလို ဆုံးဖြတ်ပြီး ထီးလေးယူ ချိုင့်လေးဆွဲ။ ဟိုတစ်နေ့ ကအကြီးကောင်ဝယ်ပေးထားတဲ့ အင်္ကျီထုပ်လေးဆွဲလို့ သမီးတို့ အိမ်ဘက်ကို ဒေါ်ရီလျှောက်လာခဲ့တယ်။

ဒါနဲ့ သမီးတို့အိမ်ရောက်တော့..အိမ်ရှေ့မှာ ဘယ်သူမှမရှိ။ ဟဲ့ ဘယ်သူမှ မရှိဘူးလားလို့ လှမ်းခေါ်မလို့ ရှိ သေး။ အိမ်နောက်ဖေး မီးဖိုချောင်က စူးစူးရှရှ ထွက်လာတဲ့ ရန်ဖြစ်တဲ့ အသံကြောင့် ဒေါ်ရီ အော်ခေါ်တော့မဲ့ အသံတွေ တန့်သွားတယ်။

(ယောက္ခမ) ဟဲ့ ..မိသီတာ ကောင်မရဲ့ နဲနဲပါးပါးလေးလဲ အလိုက်သိတတ်အုန်းလေ။ နင် ထမင်းမစားသေးခင် ငါ့ယောက်ကျားစားပြီးပလား ယောက်က္ခမစားပြီးပလားနဲနဲပါးပါးမေးလေ။ ခုကြည့်အုန်း ဟင်းက အရိုးတွေပဲ ကျန်တော့တယ်။

(သီတာ) ဒီမှာ အမေ..အဲဒါ အမေ့သားရှာထားတဲ့ ပိုက်ဆံနဲ့ ချက်တာမဟုတ်ဘူးလေ။ ကျွန်မဘာသာ ကျွန်မ စားချင်လွန်းလို့ ငတ်လွန်းလို့ အစ်ကိုတွေဆီက သွားတောင်းထားတဲ့ ပိုက်ဆံနဲ့ ချက်ထားတာ။ ခုလဲ ကျွန်မချန်ထားတဲ့ဟင်းက အမေပြောသလို အရိုးတွေကြီးပဲ မဟုတ်ပါဘူး။ ၀ယ်လာထဲကိုက ပိုက်ဆံက မလောက်လို့ အရိုးအသားဝယ်လာတာ။

(ယောက္ခမ)အေးပေါ့ ခုမှတော့ ညည်းကဒီလိုပဲပြောတော့မှာပေါ့။ ကျုပ်တို့က အရင်ကဆို ဒီလိုဟင်းမျိုး လှည့်တောင် ကြည့်တာမဟုတ်ဘူး။ အခုမရှိလွန်းလို့ မရှိလွန်းလို့ ။ ဟင်း.. မိန်းကလေးသာဆိုတယ် ဘာမှ လက်ကြောမတင်းဘူး။ အိမ်က ဟိုအကောင်ကလဲ ဘာကြည့်ပြီး ကြိုက်ပြီးယူထားလဲ မသိပါဘူးတော်။ ဟွန်း ခုလဲ မရှ်ိရတဲ့ ကြားထဲ စားစရာ ပါးစပ်တစ်ပေါက်က တိုးအုန်းမယ်။ ညည်းတို့တွေများလေ မရှိတာထက် မသိတာက ခက်တယ်ဆိုတာ ဒါမျိုးပေါ့ အေ။ ပြီးရင် အခန်းထဲမှာ ကျုပ်အ၀တ်တွေစုထားတယ် ညည်းလျှော် လိုက်အုန်းကြားလား။ ကျုပ် ..ဒေါ်ချစ် တို့အိမ် သွားလည်လိုက်အုန်းမယ်။

(သီတာ) ဟွန်း ဘာသွားလည်မှာလဲ ၀ိုင်းကောင်းတယ်လို့ ပြောစမ်းပါ။ ဟင့် ဟင့် အမေ တို့ရေ အမေတို့ရဲ့ သမီးမိုက်မ မိသီတာကို လာကြည့်ပါအုန်း အမေရဲ့။ ဟီးဟီးဟီး….ဟီးဟီးဟီး..

ပြောပြောဆိုဆို တစ်ဟီးဟီး ငိုချလိုက်သော သမီးလေးကြောင့် ဒေါ်ရီရင်ထဲမှာ လှိုက်ကနဲ ၀မ်းနည်းစိတ်တို့ လိမ့်တတ်လာကြသည်။ ရင်ထဲမှာ ဆို့နင့်လို့နေသည်။ သမီးလေး ..သမီးလေး..အမေ့ရဲ့ သနားစရာ သမီးလေးရယ်…
ပြီးတော့ ဒေါ်ရီ အိမ်ထဲကို တန်းတန်းမတ်မတ် ၀င်ချသွားသည်။ ပြီးတော့ ငိုနေသည့် သမီးအား..

(ဒေါ်ရီ) သမီးလေး မငိုနဲ့နော် တိတ်တိတ်နော် သမီး။ လာလာ အမေတို့အိမ်လိုက်ခဲ့နော်။ အမေတို့ အိမ်မှာ ဒီနေ့ သမီးကြိုက်တဲ့ ဟင်းတွေ ကြီးပဲ ချက်ထားတာ။ ညနေစာ လိုက်စားနော် သမီး။

(ယောက္ခမ) ခေါ်သွား ခေါ်သွား ပြန်မလာ ဟောဒီက ပိုတောင် ကြိုက်သေး..ဟွန်း.

XXXXXXXXXXXXXXXXXXXXXXXXXXXXXXXXXXX

ဒါပေမယ့် တစ်ရက် နှစ်ရက်ပါပဲ။ နောက်နေ့ ယောက်ကျားကပြန်လာခေါ်တော့ မိသီတာတို့က ပြန်ပါသွား ပြန်တယ်။ အေးလေ သူတို့မှာ သမီးလေးအတွက် စိတ်မကောင်းယုံကလွဲ၍ ဘာမှမတတ်နိုင်ကြ။ သီတာက တော့ မိဘလက်ထက်တုန်းက မိဘကချစ်လို့ အလိုလိုက်ထားတာကို သူက အခွင့်အရေးတွေယူခဲ့သည်။ ပြီးတော့ မိဘရဲ့ စေတနာ မေတ္တာ အတိမ်အနက်ကို သူမသိ။ မိဘဟူလို့ လေးစားရကောင်းမှန်း ရိုသေရ ကောင်းမှန်းသူမသိ။ ခုတော့ဖြင့် ၀ဋ်ဆိုတာကြီးက လာလေပြီ။ သီတာ
ကိုယ်ဝန်ရှိနေသော်လည် ယောက်ကျား ကအော်….ငါ့မိန်းမရယ်လို့ ညှာတာရကောင်းမှန်းမသိ။ ပိုက်ဆံမရှာနိုင်။ ထို့ကြောင့် အစစအရာရာ ချို့တဲ့ရရှာသည်။ အစ်ကိုတွေ အမေတွေအဖေတွေကတော့ မနေနိုင်ကြ ဆေးခန်းပြပေးကြ။ အားဆေးတွေ ၀ယ်ပေးကြနှင့် ဂရုစိုက်လွန်းကြသည်။ သို့သော် မိသီတာတစ်ယောက် နောင်တတွေရလာလေပြီ။ မိဘ မေတ္တာကို နားလည်ရကောင်းမှန်းသိလာလေပြီ။ သို့ပေမယ့် အခါလွန် နှောင်းခဲ့လေပြီလို့ဆိုမလား….

(ကိုကြီး) အမေရေ အမေ ..အမေရ အမေ.. အဖေ အဖေ

(ဦးအေး) အကြီးကောင် ဘာဖြစ်လာတာလဲ ရေးကြီးသုတ်ပျာ အမောတစ်ကောနဲ့

(ကိုကြီး) ညီမလေး ချောလဲလို့ အဲဒါ ဆေးရုံမှာတဲ့။ ကိုလေးကတော့ လိုက်သွားပြီး အခြေအနေ မကောင်းဘူးတဲ့ လူကြီးရော ကလေးရော အန္တာရာယ် ရှိတယ်တဲ့.. ဆေးရုံရောက်နေတာ မနက်ထဲကတဲ့ သူ့ ယောက်ကျားက ပိုက်ဆံရှာမယ်ဆို ထွက်သွားတာ ခုဒီညနေထိ ပြန်မလာဘူးတဲ့.. အဲဒါ မနက်က ဆေးရုံကို လိုက်သွားတဲ့ သူ့ယောက်က္ခမ အိမ်ခေါင်ရင်းက ကောင်မလေးက ၀ပ်လျှော့မှာ လာပြောလို့

ဒေါ်ရီ ကြားကြားလိုက်ချင်းကို ခေါင်းထဲမှာ မိုက်ကနဲ။ ပြီးတော့ လဲ နှုတ်ကလဲ ဘုရား ဘုရား သမီးလေး ဘာမှ မဖြစ်ပါစေနဲ့လို့ အကြိမ်ကြိမ် ဆုတောင်းနေမိသည်

(ဦးအေး) အရီ စိတ်ခိုင်ခိုင်ထားလေ။ ခုချိန်မှာ သမီးဘေးနားမှာ ငါတို့ရှိနေမှ ဖြစ်မှာကွ။ တောင့်ထားစမ်းပါ။ သားကြီး ပိုက်ဆံများများရသလောက်ယူခဲ့ ။ အလုပ်က ငွေတွေပါစုခဲ့။ အရီ က သမီးအတွက်ဆေးရုံမှာ လိုအပ်မယ်ထင်တာလေးတွေ ယူခဲ့ အဖေ TAXI သွားငှားမယ်။ မြန်မြန်လုပ်ကြ..

ဆေးရုံရောက်တော့ သမီးကို ကုတင်ပေါ်မှာ မျက်ကွင်းတွေ ညိုပြီး ဖြူဖတ်ဖြူရော် နှုတ်ခမ်းများဖြင့် တွေ့ လိုက်ရသော အခါ ရင်ထဲမှာမချိလိုက်လေချင်းသမီးလေးရယ်။
ဆရာဝန်တွေကတော့ လက်လျှော့ထားကြ လေပြီ။

(ဦးအေး) သမီးလေး..သမီးလေး သတိထားလေ အဖေ အဖေတို့ရောက်လာပြီ။ ဘာမှ အားမငယ်နဲ့နော်။ ကြားလား သမီး အဖေတို့ရှိတယ်။

ဦးအေး၏ အသံကြားတော့ မှေးနေသော သီတာမျက်လုံးလေးများပွင့်လာကြသည်။ ပြီးတော့ နှုတ်မှ အားယူပြီး

(သီတာ) အမေ…အမေ ရော

(ဒေါ်ရီ) အမေ ရှိတယ်လေ သမီးရဲ့ အမေရှိတယ်။ သမီးလေး ဘာပြောချင်လို့လဲ။ ဘာလိုချင်လို့လဲ ။ အမေ ဘာလုပ်ပေးရမလဲ သမီး

သီတာ အားတင်းလို့ခေါင်းခါရင်း လက်အုပ်ချီ လို့ တတ်နိုင်သမျှသော အားအင်တို့အား စုစည်းလျှက် လေသံတိုးတိုးနှင့်

(သီတာ) အဖေ အမေနဲ့ ကိုလေး၊ ကိုကြီး သမီးကို ခွင့်လွှတ်ကြပါနော်။ သမီး မှားခဲ့တာတွေ အားလုံးအတွက် တောင်းပန်… တောင်းပန်…တောင်းပန်

သီတာ စကားမဆုံးနိုင်ရှာတော့ပေ။ သီတာ၏ ဇတ်သည် တစ်ဖက်သို့လည်ကျသွားလေပြီ။ ထိုသည်နှင့် တစ်ပြိုင်နက် ..ဒေါ်ရီ၏ အမယ်လေး အမေ့သမီးလေးရဲ့ ဆိုသည့် စီကနဲ ငိုသံ..
ကိုလေး ကိုကြီးတို့၏ တောက်တစ်ခေါက်ခေါက်နှင့် ညီမလေးရာ ညီမလေးရာ ဟု အံကိုတင်းတင်းကြိတ်လို့ မချိတင်ကဲလေသံ။ ဦးအေးသည်လည်း အသံမထွက်သော်လည်း အံကြီးကြိတ်လို့ မျက်နှာကြီးနီလို..

သီတာကတော့ မသိနိုင်တော့ပါလေ။ သူမထွက်ခွာသွားနှင့်ပြီ မဟုတ်ပါလား။


မိဘမေတ္တာဟူသည် ချစ်လွန်း၍ မိဘက သားသမီးအပေါ် အပြစ်မယူရက်သော်လည်း..
ကံကြမ္မာဝဋ်ကြွေးကတော့ ရှောင်လွဲလို့မရပါလေပြီကား…..


XXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXX

ဘလော့ကို လာလည်။စာတွေလာဖတ်ပေးကြသော မောင်နှမအားလုံး ကျန်းမာလို့ ရွှင်လန်းကြပါစေရှင်။

8 comments:

  1. မောသွားပြီ။ အဲလိုအဖြစ်မျိုးနဲ့ လူတိုင်းကင်းဝေးကြပါစေ
    လို့ဆန္ဒပြုရင်း....အားပေးသွားလျှက်
    ကောင်းသောနေ့လေးဖြစ်ပါစေအကို။

    ReplyDelete
  2. အလွန်ကောင်းတဲ့ ချိန်ထိုး ဖော်ပြမှုလေးပါပဲ။
    ကြိုက်နှစ်သက်စွာ အားပေးပါတယ်။

    ReplyDelete
  3. စာရေးကောင်းလွန်းလို့ အားကျမိပါတယ်။
    ပိုစ့်ကောင်းလေးပါ။

    သာယာချမ်မြေ့ပါစေရှင်း
    မိုး

    ps: တချို့ ကျနောင်တတောင်မရတတ်ကြဖူး မြင်ဖူးတယ်။ နောင်တရတော့လည်းသူ့ ခမျာပြင်ချိန်မရလိုက်ဖူးနော် ဟူးးးစိတ်မကောင်းစရာ

    ReplyDelete
  4. ချော(အစိမ်းရောင်လွင်ပြင်)16 March 2011 at 04:49

    ၀တ္ထုလေး သဘောကျလိုက်တာ ..
    အချစ်ကိုဦးစားပေးတတ်တဲ့ လူငယ်လေးတွေ ဖတ်သင့်တဲ့ ၀တ္ထုလေးပါ။
    အချစ်ကြောင့် ဘာကိုမှ မဆင်ခြင်နိုင်ကြတော့သူတွေ၊ နောင်တော့မှ နောင်တရသူတွေ များလှပါတယ်..
    အမျိုးတွေထဲမှာလည်း လောလောလတ်လတ် ကြုံတွေ့နေသူတွေ ရှိနေတာမို့ ဒီဝတ္ထုလေး ဖတ်မိစေချင်သေးတယ်..

    ReplyDelete
  5. အဖြူရောင်နတ်သမီး20 March 2011 at 05:52

    အရေးအသားလေး တော်တော်သဘောကျတယ်..
    ဖတ်သွားပြီဗျို့...

    ReplyDelete
  6. မလိမ္မာ တခါမိုက် မိန်းကလေးတွေရဲ့ မိဘတွေကို စာနာမိတယ်...

    ReplyDelete
  7. အင်း.. မိုက်ခဲ့တာပေါ့။
    ဒီလိုဇာတ်လမ်းမျိုးတွေ အပြင်မှာ တော်တော်ကိုရှိမှာပါ။ အရေးအသားလေးကလည်း စိတ်ဝင်စားစရာပါ။
    လာလည်ဖတ်ရှုပြီး link ချိတ်ထားလိုက်ပါတယ်။
    ပန်ဒိုရာ

    ReplyDelete
  8. ကောင်းလိုက်တာရှင်
    ကျေးဇူးပါ

    ReplyDelete

ပြောခြင်သောစကားလုံးလေးများ ရေးခဲ့ပေးနော်......