ရန်ကုန် သို့ ခရီး

မော်လမြိုင် မုဒုံမြို့က ၀င်းစိန်တောရ ဘုရားကြီး

ဆွေလေးမွန် ခရီးကပြန်ရောက်ပါပြီ။ လူပဲရောက်တာပါ။  စိတ်ကတော့ရန်ကုန်မှာ ကျန်ခဲ့ပုံရပါတယ်။ ခုထိပြန်ခေါ်လို့ မရသေးဘူး။ အထီးကျန်ပဲ ဆန်သလိုလို လွမ်းပဲ နေသလိုလို  ဒီလိုဆိုတော့ ဆွေလေးမွန်အတွက် ရန်ကုန်မှာ လွမ်းရမယ့်သူ ကျန်ခဲ့တယ်လို့  ထင်ချင်စရာ။ မိသားစုကို လွမ်းမိတာပါ။ 

   ဒီတစ်ခေါက်ရန်ကုန်ပြန်နေရတဲ့ရက် ကိုယ်ပိုင်တဲ့ရက်ကနည်းနေသလိုပါပဲ။ ကိုယ်လုပ်မယ်လို့ စီစဉ်ထားသမျှ ဘာမှ မလုပ်ပဲ ပြန်လာခဲ့ရတယ်။ ပြန်တာ ၁၄ ရက် ကိုယ်ပိုင်တဲ့ရက်က ၂ ရက် ၃ ရက်ဆိုတော့ ဘာမှ မယ်မယ်ရရ လုပ်လို့မရခဲ့ဘူး။ 

          ဟောင်ကောင်ကနေ ဒီဇင်ဘာ ၂၃ ရက်ညသန်းခေါင် flight နဲ့ ပျံသန်းပြီး ရန်ကုန်ကို ၂၄ ရက်နေ့ မနက် ၁၂ နာရီလောက်ရောက်ပါတယ်။ ရောက်ရောက်ချင်းဆိုသလို ထုံးစံအတိုင်းပေါ့ အထုပ်တွေဖြည် ဆွေမျိုးများလေတော့ ဝေခြမ်းရေး လုပ်လိုက်တာ မနက် ၄ နာရီလောက်မှ အိပ်ယာထဲ ဒိုင်ဗင်ပစ် ၀င်လိုက်ရတယ်။

(ဒီဇင်ဘာ ၂၄)

          လူကခရီးပန်းလို့ ဘယ်လိုပင် ပင်ပန်းနေပါသော်လည်း တက်ကြွနေတဲ့ စိတ်ကြောင့်ထင်တာပဲ တစ်မှေးလောက်ရလိုက်တာနဲ့ မနက် ၆ နာရီနိုးသော်လည်း လန်းဆန်းတက်ကြွလို့။ ပြီးတော့ မိသားစု မနက်စာစားဖို့ လက်ဘက်ရည်ဆိုင်ကို ချီတက်လိုက်ကြတယ်။ အဖေရယ် အမေရယ် ဆွေလေးမွန်ရယ် ညီမလေးနဲ့ သူ့ခင်ပွန်းလောင်း (မောင်လေး)  ပြီးတော့ အဒေါ်တွေနဲ့ တူမချောနှစ်ယောက်ရယ်  စည်စည်ကားကားပေါ့ မြန်မာ မုန့်ဟင်းခါး နဲ့ လက်ဘက်ရည်အလွန်ကြိုက်တတ်သော ကျွန်မ (လက်ဘက်ရည်ပေါ့ဆိမ့်) တစ်ခွက်ဟာဖြင့် မှန်းသာကြည့် မည်မျှလောက် အရသာရှိလိုက်မလဲဆိုတာ။ နိုင်ငံရပ်ခြားမှာနေသော ကျွန်မတို့မောင်နှမတွေတိုင်း ကြုံဖူးကြပါတယ် အထီးကျန်ဆန်ပြီး မနက်စာ breakfast ကို ဘယ်လို ကျော်ဖြတ်ခဲ့ကြသလဲဆိုတာ ကိုပေါ့။ ခုလိုမျိုး အချိန်တစ်ခုပေးပြီး မိသားစုနဲ့ မနက်စာ တူတူစားရတဲ့ အရသာ ဘယ်လိုမှကို ယှဉ်နိုင်မည် မထင်ပါဘူး။ 

          ကျွန်မ ဒီတစ်ခါရန်ကုန်ပြန်ရခြင်း အကြောင်းအရင်းက ညီမတော်ရဲ့ မင်္ဂလာပွဲကြောင့်ပါ။ မင်္ဂလာပွဲမှာ ၀တ်ဖို့ ၀တ်စုံကို လွန်ခဲ့တဲ့ ၈ လထဲက ချုပ်ထားခဲ့တာပါ။ ဒီတော့ ရန်ကုန်မပြန်ခင် သည်းထိတ်ရင်ဖို အဖြစ်ဆုံးကိစ္စက တော့ဖြင့် အတက်သာရှိပြီး အကျမရှိတဲ့ (ကုန်ဈေးနှုန်းမဟုတ်ပါ) အ၀လွန်နေတဲ့ ကျွန်မနဲ့ဖြင့် ၀တ်လို့မှ ရပါ့မလား။ မရရင်ပြန်ချုပ်ပေါ့ ဆိုတော့ ရန်ကုန်ကို ပြန်ရောက်တာ ၂၄ ရက်ဒီဇင်ဘာ ၂၅ ရက်နေ့ဆိုရင်ဖြင့် မင်္ဂလာပွဲ ကဲ ..ဒီတော့ ချုပ်ချိန်မရပါလေ ပိတ်စ၀ယ်ပြီး ပတ်ရုံသာရှိတော့တာ။ အဲဒီလိုတစ်ထိတ်ထိတ်နဲ့ ရန်ကုန်ပြန် ၀တ်စုံဝတ်ကြည့်လိုက်တော့  အမယ်မင်း ချောင်လို့နေသေးတော်.။ ဒီတော့မှ ရင်ထဲက အလုံးကြီးကျသွားတာ။  မချောင်ပဲ နေမလား ရန်ကုန်မပြန်မချင်း လုပ်လိုက်ရတဲ့ exercise စားလိုက်ရတဲ့ ဟင်းသီးဟင်းရွက်ဆိုတာ။ 

(ဒီဇင်ဘာ ၂၄)

          ဒီတော့ ၂၄ ရက်နေ့မှာ ဖိနပ်မ၀ယ်ရသေးတာမို့ ဖိနပ်လိုက်ဝယ်ရင်း  ချောင်နေတဲ့ ၀တ်စုံကို  ပြန်ပြီးသီနဲ့ ဒီဇင်ဘာ ၂၅ ရက် အတွက်အလုပ်စရှုပ်ပါတော့တယ်။  ရန်ကုန်ပြန်ရောက်ပြီဆိုရင် ကျွန်မရဲ့ ငယ်သူငယ်ချင်း အချစ်ဆုံးသူငယ်ချင်းလေး အကြောင်းကလဲ မပါမဖြစ်ပါ။  တစ်ခြားနေရာတွေမှာ ဘယ်လောက်ပဲ လွဲချော်ပြီး ကံဆိုးခဲ့ ကံဆိုးခဲ့ သူငယ်ချင်းဆိုတဲ့ ကိစ္စနဲ့ပတ်သတ်ရင်တော့ ကျွန်မကံကောင်းပါတယ်။ ကျွန်မတို့နှစ်ယောက် ညီအစ်မအရင်း တစ်မျှ ချစ်ကြသလို တစ်ဦးနဲ့တစ်ဦးရဲ့ နားလည်မှုကလည်း အံမခန်းပါပဲ။ ဈေးဝယ်တဲ့နေရာမှာ အလွန်ညံ့လှတဲ့ ကျွန်မအတွက် ကျွန်မရဲ့ သူငယ်ချင်းလေးကတော့  စံပြပါပဲ။ ကျွန်မက ငါဒါလေးဝယ်ချင်တာ ဒါမျိုးလေးလုပ်ချင်တာ ကြိုက်တာသာပြောပါ  သူ့ရဲ့ ကိုယ်ပိုင်စီးပွားရေးနဲ့ မအားမလပ်တဲ့ကြားထဲက ကျွန်မလိုချင်တာ အကုန်ရစေပါတယ်။ ကျွန်မတို့ သူငယ်ချင်းနှစ်ယောက် တစ်ခါမှ ကတောက်ကဆ စကားမများဘူးပါ။ ပြောရရင် ၅ တန်းဆိုထဲက သူငယ်ချင်းဆိုပြီး ခင်မင်လာကြတာ ခုချိန်ထိ။ အဲဒီ သူငယ်ချင်းလေးကတော့ဖြင့်  ကျွန်မဘ၀အတွက် ကံကောင်းခြင်း လက်ဆောင်တစ်ခုပါပဲ။

(ဒီဇင်ဘာ ၂၅ - ၂၆)

          ဒါနဲ့ပဲ  ၂၅  ရက်နေ့ကိုရောက်လာတော့  နေ့လည်ဘက်က မင်္ဂလာဆောင် ညဘက်ကျတော့ dinner နဲ့ အရှုပ်တွေလုပ်လိုက်ကြတာ ၂၆ ရက်နေ့နိုးတာနဲ့ အိမ်ရှင်းသင့်တာရှင်းပြီး မုဒုံဘက်ကို ခရီးထွက်ဖို့ ပြင်ဆင်ရပြန်ပါတယ်။ နယ်ဘက်မှာ မင်္ဂလာဆွမ်းကျွေး စီစဉ်ထားတာရှိသေးတယ်လေ။  ကျွန်မရန်ကုန်ပြန်ရောက်ပြီဆိုရင် သူငယ်ချင်းလေးအပါအ၀င် မိသားစုနဲ့ ခရီးတိုလေးတစ်ခုသွားလေ့ရှိပါတယ်။ ဒီနှစ်မှာ မုဒုံဘက်သွားမယ်ဆိုတော့ ကျန်တဲ့နေရာတွေ မစီစဉ်ထားတော့ဘူးပေါ့။ စိတ်မကောင်းစရာက မုဒုံခရီးမှာ ချစ်သူငယ်ချင်းလေးမပါခဲ့ဘူး။ သူတော်တော်နေမကောင်းဖြစ်နေတာနဲ့ ကျွန်မနဲ့ နောက်ထပ်ရင်းနှီးရတဲ့ ငယ်သူငယ်ချင်းတစ်ယောက်နဲ့ပဲ ခရီးထွက်ခဲ့ရတယ်။ သူငယ်ချင်းလေး မပါလာတော့ စိတ်ထဲတစ်ခုခုလိုနေသလိုပါပဲ။ ၂၆ ရက်နေ့ညမှာ ကားစထွက်ပါတယ်။ 

 

 

သထုံမြို့ က သထုံဘုရား မူရင်း

မနက် ၃ နာရီလောက် သထုံကိုရောက်ပြီ ကားမောင်းတဲ့အစ်ကိုကြီး နားနေတုန်း မှောင်မှောင်မဲမဲ အိပ်ချင်မူးတူး ရိုက်လိုက်တယ်။

ဒါက နည်းနည်းပြင်ထားတဲ့ ပုံ

 

(ဒီဇင်ဘာ ၂၇)

  

 

ဝင်းစိန်တောရ ဘုရားကြီးပေါ်ကနေလှမ်းကြည့်ရင် တွေ့ရတဲ့ ဘုရားကြီးရဲ့ ပုံတော်

 မုဒုံကို ဒီဇင်ဘာ ၂၇ မနက် ၅ နာရီလောက်ရောက်တယ်။ ရောက်ရောက်ချင်းတစ်ရေးအိပ်ကြပြီ။ မနက်ပိုင်း အိမ်နားက ဈေးကိုပတ် ညနေစောင်းတော့ မုဒုံမြို့အနီးအနားတစ်ဝိုက်က ဘုရားတွေ လိုက်ဖူးကြပါတယ်။ ကန်ကြီးဒေါင့်ဘုရားမှာ အဲဒီက အကြော်စုံအတော့် ကို ကောင်းပါတယ်။  ပြီးတော့ ဘာတဲ့ ခရမ်းချဉ်သီးအစာသွပ် ကြာဇံချက် ကောင်းချက်ကတော့ဖြင့် အဲနေ့က  စားပွဲပေါ်မှာ ပန်းကန်တွေထပ်ထားတာနည်းတာမဟုတ်ဘူး။ ဆိုင်ကိုလိုက်ပြပေးပြီး ဒီဆိုင်ကကောင်းတယ်လို့ မိတ်ဆက်ပေးတဲ့ အစ်ကိုတောင် ဆိုင်ရှင်ထံကနေ ကော်မရှင်ပြန်တောင်းရင် ကောင်းမယ်လို့ ညည်းညူးရတဲ့ အထိပါ။ 

ပြီးတော့ ကန်ကြီးတစ်ပတ် ဆိုင်ကယ် ပတ်စီးကြတယ်။ ကန်ဘောင်ပတ်လမ်းက မြေနီလမ်းလေးပါ။ မြေနီလမ်းလေးရဲ့ တစ်ဘက်မှာတော့ တစ်တန်းခြင်းစီကို ညီညီညာညာနဲ့ စိုက်ထားတဲ့ ရာဘာခြံတွေ နေရာယူထားပြီး   ညနေခင်း နေအေးအေးမှာ လေပြေအေးနဲ့ အိပ်တန်းပျံတဲ့ ငှက်တစ်အုပ်နဲ့ အရမ်းကိုလှပပြီး အေးချမ်းတဲ့ နေရာလေးပါပဲ။ ဓာတ်ပုံမရိုက်ခဲ့ဘူးလား ဒီလောက်လှတာလို့ ပြောစရာရှိပါတယ်။ မရိုက်ခဲ့ပါဘူး။ ဘာလို့လဲဆိုတော့ နဂိုထဲက ဆိုင်ကယ်စီးရင် ကြောက်တတ်တာရယ် ဒီလောက်ထိ ကဗျာဆန်ပြီး လှမယ်လို့ မထင်ခဲ့လို့ပါ။ ဒီတော့ ကင်မရာလဲ မသယ်ခဲ့မိဘူး။ နောက်တစ်ခေါက်လောက်ပြန်ပတ်ပေးပါလို့ မောင်းသူကို ကူညီတောင်းဖို့ကျပြန်တော့လဲ အားနာပြီ။ ကိုယ်တစ်ယောက်တည်းဆိုင်ကယ်ပတ်စီးတာ မဟုတ်လေတော့ သူတို့လဲ ပင်ပန်းရှာပြီလေ ဆိုပြီ လက်လျှော့ခဲ့ရတယ်။

(ဒီဇင်ဘာ ၂၈-၂၉)

ကျိုက္ခမီ ရေလယ်ဘုရား

  

စက်စဲကမ်းခြေမှာစားခဲ့တယ် 

ရေမကူးတတ်တာမို့ ရေဆော့တဲ့ ပုံတွေတော့ မတင်တော့ပါဘူး။ ကိုယ်တိုင်ရေဆော့နေတယ်ဆိုတော့  ပင်လယ်ကြီးကို ဓာတ်ပုံလဲ မရိုက်ဖြစ်ခဲ့ဘူး။

ဒီဇင်ဘာ ၂၈ ရက်နေ့မှာတော့ ကျိုက္ခမီရေလယ်ဘုရားနဲ့ စက်စဲကမ်းခြေ ကို အလည်သွားခဲ့ကြတယ်။ ဒီဇင်ဘာ ၂၉ ရက်နေ့မှာတော့ ညီမလေးတို့ရဲ့ မင်္ဂလာဆွမ်းကျွေးနဲ့ တစ်ခါ အလုပ်ရှုပ်ကြပြန်တယ်။

(ဒီဇင်ဘာ ၃၀)

 

အပြန်မှာ ရှုခင်းလေးလှလို့ ဓာတ်ပုံရိုက်ခဲ့တယ်

ဒါလဲ နောက်တစ်ပုံ

ကျိုက်သံလ္လံ ဘုရားပေါ်ကနေ လှမ်းရိုက်ထားတာ

ကျိုက်သံလ္လံဘုရား

သထုံရွှေစာရံဘုရား

ဒီဇင်ဘာ ၃၀ ရက်နေ့ ရန်ကုန်ပြန်ကြပြီပေါ့။ ကားမောင်းရင်း တစ်လမ်းလုံးမှာရှိတဲ့ ဘုရားတွေဝင်ဖူးကြတယ်။ ဒီတစ်ခေါက် တစ်ကယ်က ကျိုက်ထီးရိုးဘုရားကို ဖူးချင်တာပါ ။ ဒါပေမယ့် ဘုရားဖူးရာသီမို့ လူတွေအရမ်းကြပ်နေတာရယ် ချစ်သူငယ်ချင်းလေး မပါဘူးဆိုတော့ အဲဒီအစီအစဉ်ကို လက်လျှော့လိုက်တယ်။ ဒီဇင်ဘာ ၃၀ ရက်နေ့ ည ၉ နာရီလောက် ရန်ကုန်အိမ်ပြန်ရောက်ကြတယ်။

(ဒီဇင်ဘာ ၃၁)

ဒီဇင်ဘာ ၃၁ ရက်နေ့ကျပြန်တော့ မိသားစု စုံစုံညီညီ ရှိတာမို့ HAPPY NEW YEAR လေးလုပ်ကြရအောင် ဆိုပြန်တော့ ဈေးဝယ် ချက်ကြပြုတ်ကြနဲ့ အလုပ်ကရှုပ်ပြန်ရော။ ဒီကြားထဲ ရန်ကုန်ပြန်ရောက်ရင် ဆံပင်ဖြောင့်မယ်လို့ စိတ်ကူးထားသမျှ အိမ်က ညီမတော်နဲ့ အချစ်တော်သူငယ်ချင်းလေးက ဖြောင့်ရင် လူကြီးနဲ့တူတယ်တဲ့ ကောက်တဲ့ မကောက်ရင် လောလောဆယ် ရှိသမျှဆံပင်ကို တိုအောင် ညှပ်ရမယ် ဆိုတော့  ဆံပင်တော့ အတိုမခံနိုင်ဘူးဆိုပြီး ဆံပင်အဖျားလေးတွေ ကောက်လိုက်တာ တစ်နေကုန်ပဲ။ ညဘက်ကျတော့ HAPPY NEW YEAR ပွဲလေး ဆင်နွှဲကြတာပေါ့။

(ဇန်န၀ါရီလ ၁)

မအူပင်သွားတဲ့ တစ်လျှောက် ရိုက်ခဲ့သမျှ

          ဒါနဲ့စကားမစပ်.. ကျွန်မ ငယ်ငယ်ကဆို နွေရာသီကျောင်းပိတ်တာနဲ့ မအူပင်က အစ်မတစ်ဝမ်းကွဲတွေ အိမ် သွားပြီးနေတာ။ ကျောင်းတွေပြန်ဖွင့်မှ ရန်ကုန်ပြန်လာတတ်တယ်။ မအူပင်က မိသားစုကလည်း နွေရာသီကျောင်းပိတ်ပြီဆိုတာနဲ့ မလာသေးဘူး ဆိုပြီးမျှော်နေတတ်ကြတာ။ အဲ ကျောင်းပိတ်ပြီး တစ်ပတ်ကျော်ပြီး မအူပင်မရောက်သေးဘူးဆိုရင် ရန်ကုန်တက်ပြီး လာခေါ်ကြတာပဲ။ ကျွန်မကလဲ သွားချင်လား မသွားချင်လား အထုပ်က ready ပြင်ပြီးနေပြီ။ နောက် အစ်မက ရုတ်တရက် အိမ်ထောင်ကျသွားတော့  ကျွန်မလဲ စိတ်တွေဆိုးပြီး မအူပင်ကို မရောက်ဖြစ်တော့ဘူး။ တော်တော်ကြာပြီ။ အဒေါ်တွေ အစ်မတွေကလည်း မျှော်လှပြီလေ။ ငါ့တူမလေးအရင်က ဆို လာတယ် ခုကျတော့ မလာတော့ဘူး ဆိုပြီး။ ခဏခဏ အလည်လာဖို့ခေါ်ပါတယ်။ ကိုယ်ကလည်း ပြန်တဲ့ရက်နဲ့ သွားဟဲ့လာဟဲ့ဆိုတော့ မရောက်ဘူး။ ကဲ ဒီတစ်ခေါက်တော့ ဘယ်ခရီးမှ မသွားဖြစ်တဲ့တူတူဆိုပြီ ဇန်န၀ါရီလ ၁ ရက်နေ့မှာ မအူပင်က အဒေါ်တွေ အစ်မတွေဆီကို နေ့ချင်းပြန် ခရီးလေးနဲ့ သွားလည်ခဲ့ပြန်တယ်။ အိမ်ကိုည ၈ နာရီလောက်မှ ပြန်ရောက်တယ်။

(ဇန်န၀ါရီလ ၂)

          ဇန်န၀ါရီလ ၂ ရက်နေ့ မနက်စောစော မိသားစု စုံစုံညီညီနဲ့ ရွှေတိဂုံဘုရားကြီးကို ဖူးမြော်ခဲ့ကြတယ်။ Oriental House မှာ dim sum ၀င်စားကြတယ်။  ပြီးတော့ ကန်းလွန်းတဲ့ ကျွန်မအတွက် မျက်မှန်ပါဝါ ထပ်တိုးရပါတယ်။ အမေနဲ့ ကျွန်မ နှစ်ယောက်ပဲ မြို့ထဲ ပတ်ကြတယ်။ ကျန်တဲ့ မိသားစုတွေကတော့ အိမ်ပြန်ကြပြီ။ နောက် capital ကို ချီတက်ကြပြီ ဟောင်ကောင်ပြန်ရင် ယူမယ့်ပစ္စည်းတွေကို ၀ယ်ရခြမ်းရ ပြန်ပါတယ်။ အိမ်ပြန်ရောက်တော့ ညနေစောင်း ၃ နာရီနီးနီး ။ ဒါပေမယ့် ညဘက်သူငယ်ချင်းတို့ မိသားစုနဲ့အတူတူ တရားပွဲ အလှူရှင်အနေနဲ့ လှူထားသေးတာမို့ ရေမိုးချိုး အ၀တ်အစားလဲပြီး ရပ်ကွက်ဓမ္မာရုံကို ချီတက်ခဲ့ရပြန်တယ်။ အဖေနဲ့ အမေက တရားသွားနာပါလို့ဆိုရင် ကြာကြာမထိုင်နိုင်လို့ နေမကောင်းလို့နဲ့ အကြောင်းပြလာခဲ့သမျှ တရားပွဲလှူ ထားတယ် အဖေနဲ့အမေ တရားသွားနာ ပြီးရင် ရေစက်ချပြီး သွားလှူပါဆိုတော့မှ တရားပွဲရောက်ကြတယ်လေ။ နှစ်စဉ်နှစ်တိုင်း တက်အားသမျှ လှူခဲ့တာ ဒီနှစ်တော့ မိသားစု စုံစုံညီညီ ချစ်တဲ့ သူငယ်ချင်းကလဲ ဘေးမှာ တရားနာပြီး ကိုယ်တိုင်ရေစက်ခွက်ကိုကိုင် ရေစက်ချပြီး လှူခွင့်ရခဲ့တာက ဒီနှစ်ရန်ကုန်ပြန်ရချင်းရဲ့ အမြတ်ပါပဲ။ 

 

(ဇန်န၀ါရီလ ၃)

ဇန်န၀ါရီလ ၃ ရက်နေ့ အလောတကြီးနဲ့ ဖုန်းကိုဖွင့် ပါလာတဲ့ laptop နဲ့ချိတ် နာရီဝက်သာ ကြာသွားပါတယ်  fb က တက်မလာသေးပါဘူး။ ဒါနဲ့ laptop ကြီး ပြန်ပိတ်။ ဖုန်းနဲ့ တိုက်ရိုက် fb ကိုတက်။ ကြာနေတုန်းပါပဲ။ fb က messages box လေးပေါ်လာတာမို့ ၀မ်းသာအားရနဲ့ ကိုယ်တွေ့ချင် ဆက်သွယ်ချင်တဲ့ ရန်ကုန်က ဘလော့ဂါ ညီမ တစ်ယောက်ကို ဟိုင်း လုပ်လိုက်ပါတယ်။ error ပြန်တက်လာတယ်။ Invalid receipt address. အဲတော့ မှ နောင်တ ရချင်တယ်။ ဟောင်ကောင်က မလာခင်ထဲက ဆက်သွယ်ရမယ့် ဖုန်းနံပါတ်တောင်းလာရင် ကောင်းသားလို့။ ခုတော့ ဘယ်လိုမှ ဆက်သွယ်လို့မရ။  ဒီလိုနဲ့ နေ့တစ်ဝက်လောက် လည်နေတဲ့ အ၀ိုင်းလေးနဲ့ နပန်းလုံးပြီး နောက်မှာတော့ ဖုန်းဝင်လာတယ်။ ချစ်သူငယ်ချင်းလေးက ခေါ်တာပါ။ တရုတ်တန်းသွားပြီး ဆံပြုတ်နဲ့ ဘဲခြေထောက်သုပ် လိုက်ကျွေးမယ်တဲ့။ နှစ်ခါ မခေါ်ရပါဘူး။ မြန်လိုက်တာ အိမ်နေရင်း အင်ကျီနဲ့ မြို့ထဲရောက်သွားပါပြီ။ ဟိုရောက်တော့ သူငယ်ချင်းညွှန်းတဲ့ ဆိုင်က ပိတ်ထားတယ်တဲ့။ ဒါနဲ့ ဖွင့်တဲ့ဆိုင်မှာ ရသလိုဆွဲလိုက်ရင်း နောက်က ၀က်သားဒုတ်ထိုးဆိုင်ကို ခဏခဏ ခိုးကြည့်မိတဲ့ ခဏမှာပဲ စားချင်သွားစားလေဆိုတော့ ဆိုင်ကူးပြီး ထပ်စားပါတယ်။ အဲ မျက်စောင်းထိုးက ၀က်ကောက်ညှင်းထုတ်ကို စွေပြီးကြည့်မိတဲ့ အခါမှာတော့ တော်ပြီ စားချင်ရင် ပါဆယ်ဆွဲသွား ဆိ်ုလို့ ပြောစကားနားထောင်ပြီး ပါဆယ် ၀ယ်လာခဲ့တယ်။ ကဲ ကျွန်မနဲ့ သူငယ်ချင်းဖြစ်ချင်သူများရှင် ဒါနမူနာပဲ ရှိပါသေးတယ်ရှင့်။ သူငယ်ချင်းကလဲ စားသမျှရှင်းရင် အိတ်တော်ပါးလာပြီမို့ ကဲပြန်ကြစို့ လို့စကားခေါ်လာပြီလေ။ ဟဲဟဲ

(ဇန်န၀ါရလ ၄)

ဇန်န၀ါရီ ၄ ရက်နေ့ ဟောင်ကောင်မှာ ခင်သွားတဲ့ ညီမလေးနဲ့ မောင်လေးကို ဖုန်းဆက်ပြီးချိန်း ထမင်းကျွေးမယ်ပေါ့ ရွှေဘဲမှာ။ အဖေကဆိုလာတယ် ရွှေဘဲမှာ ထမင်းမစားရတာ ကြာပြီတဲ့။ ကဲ ဒါဆိုလဲ ညီမလေးတို့ လင်မယားကိုလဲခေါ် မအူပင်ကနေ အလည်ပါလာတဲ့ အစ်မတို့မိသားစုလဲခေါ် ဆိုပြီး နေ့လည်စာ ရွှေဘဲကို ချီတက်ကြပြန်ပါတယ်။ ဟောင်ကောင်က ညီမလေးက လာတော့လဲ တစ်ယောက်တည်း ကိုယ့်မိသားစုက ပိုများနေပြန်တော့ အားနာလိုက်တာ မပြောပါနဲ့တော့။  အဲဒီကနေ ပြန်လာတော့ capital ကိုနောက်တစ်ခေါက် ရောက်ပြီး YKKO က ကြေးအိုးနဲ့ ရွှေပုစွန်နဲ့ကို အလွမ်းပြေ လွေးလိုက်ပါသေးတယ်။  ရန်ကုန်ပြန်ရောက်တဲ့ ၂ ရက် ၃ ရက်မှာ ကိုယ်စားချင်တာတွေကို မှီအောင် လိုက်စားရတာ တော်တော် ခက်တယ် အဟဲ..

(ဇန်န၀ါရလ ၅)

ဇန်န၀ါရီ ၅ ရက်နေ့ ညသန်းခေါင်ဆို လေယဉ်ပေါ်ပြန်တက်ရတော့မယ်။ အမေက အမိန့်ပေးထားတယ်။ ဘယ်အပြင်ကိုမှ မသွားရ။ အိမ်မှာနေရမယ်။ သူငယ်ချင်းလေးက ဖုန်းဆက်တယ် ဟောင်ကောင်မှာ ကျပျောက်လာတဲ့ ဆွဲကြိုးပြန်လုပ်မယ်ဆိုတဲ့။ ကိုယ်လဲ စိတ်ပဲရှိတော့တယ် ပိုက်ပိုက်မရှိတော့ဘူးလို့။ ညည်းပြလိုက်တော့ လာမှသာ လာခဲ့ တဲ့ ဒါနဲ့ အမေ့ကိုပြောပြီ မြို့ထဲ တစ်ခေါက်ပြေးရပြန်တယ်။ ကိစ္စတွေပြီးတော့ ညနေ ၃နာရီ ထိုးပြီး။ ဒံပေါက်စားချင်တယ်လို့ ပူဆာတာ။ ဒီညပြန်မှာမို့ မစားရအမိန့်နဲ့ အိမ်ပြန်ရောက်လာတယ်။ ရောက်ရောက်ချင်းပဲ ဟောင်ကောင်မှာတူတူနေတဲ့ အစ်မတွေဆီက viber call နဲ့ ဖုန်းဝင်လာတယ်။ 

          “ညီမလေး နင်ဒီနေ့ပြန်မှာဆို။ ဒီနေ့ ဟောင်ကောင် flight မှ မရှိတာတဲ့”

ကိုယ်လဲ အဲဒီတော့မှ ဟုတ်လား အစ်မဆိုပြီး air ticket ထုတ်ပြီးကြည့်ဖြစ်တယ်။ ဟုတ်ပတော် လွဲချက်က ဇန်န၀ါရီလ ၆ ရက် ညသန်းခေါင်မှ ပြန်ရမှာ။ လက်မှတ်မှာရေးထားတာကတော့ ဇန်န၀ါရီ ၇ ပေါ့။ ဒါနဲ့ ဇန်န၀ါရီ ၅ ရက်မပြန်ရတော့ဘူးဟေ့လို့ အိမ်ကလူတွေကို ပြောလိုက်တာ။ အမယ်လေး နှစ်ရက် သုံးရက် မီးပျက်နေပြီး မီးပြန်လာရင် ပျော်တဲ့ အပျော်မျိုးနဲ့ ဟေးကနဲ့ အိမ်ရှိလူကုန် အကုန်ထပြီး အော်ကြတာ။ အမေဆို အတက်ကြွဆုံး။

“ခုညနေ ၃နာရီ ငါ့သမီး ကြိုက်တဲ့ မုန့်ဟင်းခါး ချက်ကျွေးမယ် “ ဆိုပြီး ဈေးခြင်းဆွဲပြီ ထွက်သွားလိုက်တာ မြန်ပ

အမေသွားပြီး မကြာဘူး ချစ်သူငယ်ချင်းလေး ဖုန်းဆက်လာတယ်။

          “နင်ဟာလေ တော်တော် နမော်နမဲ့နိုင်တယ်သိလားတဲ့။ ပြီးတော့ ဟီးဟီး ငါတော်တော်ပျော်နေတယ် နင်ဒီညမပြန်ရဘူး ဆိုလို့တဲ့”

အဲဒီနေ့ညစာကတော့ အမေကိုယ်တိုင်ချက်တဲ့ အိမ်ချက်မုန့်ဟင်းခါးကို အပြီဆွဲလိုက်တယ်။ ပြီးတော့ အမေရော အဖေရော အဲဒီနေ့က မအိပ်ပဲ မိသားစု သုံးယောက်ထိုင်ပြီး ညဘက်စကားပြောဖြစ်ကြတယ်။ ည ၁ နာရီကျော်လောက်မှ အိပ်ယာဝင်ဖြစ်တယ်။

(ဇန်န၀ါရလ ၆)

          တူမချောက စောစောစီးစီး အိမ်ရောက်လာပြီ နိုးပါတယ်။ စကားမပီ တစ်ပီနဲ့

 မွင်းဂါး စားမယ် မွင်းဂါစားမယ်ဆို ပြီး အိမ်ပေါက်ဝလာအော်လေတော့ နိုးရပြန်ပါတယ်။ ညက အမေချက်ထားတဲ့ မုန့်ဟင်းခါး လွေးရင်း ဒီတော့ မှ ပြန်မယ့် အိတ်ကို စီစဉ်တဲ့ စခန်းကိုေ ရာက်ပါတယ်။ အိတ်ထဲကို ဟိုဟာကယူမယ် ဒီဟာက မယူဘူးနဲ့ နောက်ဆုံး အိတ်အကြီးကြီးထဲမှာ စားသောက်စရာတွေနဲ့ ပြည့်သွားပါတယ်။ အ၀တ်အစားက လက်နဲ့ကိုင်မယ့် hand carry လောက်ပဲရှိတာပါ၊ ဒါတောင် ကီလိုပိုတဲ့ကြေး US 100 ဆောင်ခဲ့ရပါသေးတယ်။ ကျန်တာဆိုရင် ခြမ်ထားခဲ့ချင်ပေမယ့် အစားအသောက်တစ်ခုမှ ပြန်ထုတ်ဖို့ စိတ်ကူးမရှိတာကြောင့် ကီလိုပိုကြေးပေး ခဲ့တာပါ။

 သြော် မပြန်ခင်ကြပြန်တော့လဲ ပြင်ရဆင်ရ ။ ရောက်ပြန်တော့လဲ သွားရလာရ။ ပြန်ခါနီးတော့လဲ စိတ်မကောင်းကြပြန်ဘူး။ ဒါပေမယ့်လဲ မတတ်နိုင်ဘူး  ပိုက်ဆံဆိုတာ တတ်အားသရွှေ့တော့ လိုအပ်နေသေးတာပ။ ရှာရဖွေရပေအုန်းမည်လေ။ ကိုယ်လဲ မပြန်ချင်ပေမယ့် ဘယ်တတ်နိုင်ပါ့မလဲ အံကြိတ်ပြီး ဇန်န၀ါရီ ၆ ရက်နေ့ည လေယဉ်ပေါ်တက်ခဲ့ရတာပဲ။ နှုတ်ဆက်တယ် အမိမြန်မာပြည်ရေ။ နောက်နှစ်ဒီလို အချိန်မှာ ပြန်ဆုံကြတာပေါ့ လို့ စိတ်ထဲက နှုတ်ဆက်ရင်း အမိအရ လေယဉ်ပေါ်မှာ အိပ်ရပါတယ်။

(ဇန်န၀ါရီလ ၇)

  ဘာလို့လဲ ဆိုတော့ မနက် ၆ နာရီမှာ ဟောင်ကောင်ကို ရောက်ပြီး ၉ နာရီခွဲမှာ အလုပ်ပြန်ဆင်းရမယ့် အတွက်ပါ။ ဘ၀ဆိုတာ ရုန်းကန်နေမှပဲ နေသာထိုင်သာ ရှိတဲ့ဟာမျိုးလေ။ အကောင်းဘက်က လှည့်တွေးတော့လဲ ကောင်းတာပါပဲ။ တစ်ကယ်လို့ အိမ်မှာသာဆို ငိုရင်  ငိုမိမယ်။ အလုပ်ရောက်တော့ စိတ်က အလုပ်ထဲရောက်သွားပြန် တော့ အားလုံးမေ့။  ပြည်ပမှာ ကိုယ်တစ်ယောက်တည်း နေတယ်ဆိုတဲ့ ဘ၀ထဲကို မြန်မြန်ဆန်ဆန် ခြေစုံပစ်ဝင်လိုက် ရတော့တာပဲ။ ဒီလိုမှ မဟုတ်ရင် တစ်လ နှစ်လ လောက်က ပုံမှန် ပြန်မဖြစ်တတ်တာကို ကျွန်မသိနေခဲ့တယ်လေ။ 

ပြည်ပမှာ အလုပ်လုပ်နေတဲ့ မောင်နှမတွေ အားလုံး ကိုယ့်အမိမြေ ကိုယ့်မွေးရပ်ကိုပြန်သွားပြီလို့ လုပ်ငန်းခွင်ထဲပြန်ဝင်ရမယ်ဆိုပြီး ပြည်ပကို ပြန်ထွက်ရမယ့်အချိန် အဲဒီအချိန်ဆို အားလုံးရဲ့ ခံစားချက်တွေက အတူတူပဲ ခံစားရလိမ့်မည် လို့ ကျွန်မထင်တာပဲ။ တစ်ကယ်တော့ ကျွန်မတို့အားလုံး မျှော်လင့်ချက်က တူတူပါပဲ ဘယ်သော်အခါများမှ ချစ်လှတဲ့ ကိုယ့်မြေ ကိုယ့်ရေ ကိုယ့် အိုး ကိုယ့်အိမ် နဲ့ မခွဲခွာပဲ ကိုယ့်ဝမ်းစာကို ရှာဖွေနိုင်ပါ့မလဲနော်.။   ။

တစ်ခါတည်း ဒီနေရာကနေ တောင်းပန်ပါရစေ။ ရန်ကုန်ပြန်ရင် တီတင့် တို့ ညီမလေး ရွှေအိမ်စည် ရယ် အစ်မမြသွေးနဲ့ တွေ့မယ် လို့ ပြောထားပြီး မတွေ့ခဲ့ရလို့ပါ။  ပြီးရင်  စာဖတ်ပွဲလေးကိုလဲ သွားမယ် လို့ ခဲထားလေသမျှ အရာမထင်နိုင်ခဲ့ပါ။ ဒါကြောင့် အပြောသာရှိခဲ့တာ မဟုတ်ပါလို့ ခဲလေသမျှ သဲရေကျပြီး ဟောင်ကောင်ကို ပြန်ပြေးလာခဲ့ရတယ် ဆွေလေးမွန် ပါလို့ ၀န်ခံပါရစေ။


ဘလော့လေးကို လာရောက်လည်ပတ်ပြီး အားပေးကြသော ချစ်သောမောင်နှမများ ကျန်းမာလို့ ချမ်းသာကြပါစေရှင်။ 

ကျွန်မသည် မိန်းမတစ်ယောက်ဖြစ်သည်

တစ်ခါတစ်ရံတွင် ကျွန်မသည် ကိုယ့်ကိုယ်ကိုယ် အလွန်သနားစရာကောင်းသော မိန်းမတစ်ယောက်ဟု ခံစားမိ သည်။ အဘယ့်ကြောင့်ဆိုသော် ကျွန်မကိုယ်တိုင်မှ မသနားလျှင် ကျွန်မတွင် သနားမည့်သူ မရှိသောကြောင့်ဖြစ် သည်။ တွေ့သမျှ ပတ်သတ်မိသမျှ သူအားလုံးသည် ကျွန်မထူမှ ထနိုင်သော လူသားများဖြစ်ကြသည်။ တစ်ခါတစ်ရံ သူတို့က ရင်ဘတ်စည်တီးပြီး ငို၍ပြေးလာလျှင် ကျွန်မသည်လည်း အုတ်တံတိုင်းကြီးပမာ ဆီးပြီးကာပေးတတ်သည်။ 

ထို့ကဲ့သို့ ကာပေးလိုက်သမျှ ကျွန်မမည်မျှလောက် နာကြင်သွားသည် ကျွန်မမည်မျှလောက် ထိခိုက်သွား သည် စိုးစဉ်းမျှ မတွေးမိခဲ့။ အချုပ်အားဖြင့်ဆိုရသော် ကျွန်မသည် သူတို့၏ အုတ်တံတိုင်းကြီး ဖြစ်သလို သူတို့ရဲ့ မှီခိုအားထားရာကြီး တစ်ခုလဲ ဖြစ်ပြန်သည်။ ထို့ကြောင့် ပတ်သတ်သမျှ လူအားလုံးတွင် ကျွန်မသည် မိန်းမ တစ်ယောက်ဖြစ်သည် အားငယ်တတ်သည် နာကြင်ခံစားတတ်သည် ၀မ်းနည်းတတ်သည် ကို မေ့လျော့ နေကြပုံရသည်။ ကျွန်မကိုမြင်သည်နှင့် သူတို့၏ အခက်အခဲကြီးအား ဖြေရှင်းပေးနိုင်မည့် ကယ်တင်ရှင် တစ်ဦး ဖန်ဆင်းရှင် တစ်ဦးဖြစ်သည်ဟုသာ မြင်ထားကြသည်။

သူတို့ဆိုသမျှထဲတွင် ကျွန်မမကြားချင်ဆုံး စကားတစ်ခွန်းရှိသည်။ ထိုသည်မှာ လိမ္မာထက်မြက်သော မိန်းမ တစ်ယောက်ဖြစ်သည်ဟူသော စကားဖြစ်သည်။ လိမ္မာသည်ဟူသည့် စကား၏နောက်ကွယ်တွင် ဖြစ်ချင်တာများကို စွန့်လွှတ်ခဲ့ရသည်။ ဖြစ်သင့်သော လမ်းကို ရွေးချယ်ခဲ့ရသည်။  ထက်မြက်သည်ဟူသော စကား၏ နောက်ကွယ်တွင် ခက်ခဲကြမ်းတမ်းသော လှေကားတို့ကို ကျော်ဖြတ်ခဲ့ရသည်။ ရင်ဆိုင်ခဲ့ရသည်။ စိတ်ဒဏ်ရာတွေ တစ်နင့်တစ်ပိုးနှင့် ကျွန်မ ဖြစ်ခဲ့ရသည်။

ဘာလဲ ခုကြတော့မှ နောင်တရနေသလားဟု မေးလာလျှင် မဟုတ်ပါဟုသာ ကျွန်မဖြေမည်ဖြစ်သည်။ ဒါဆိုလျှင် ဘာကြောင့်ဒါတွေ ရေးပြနေသလဲ တွေးနေသလဲဟု မေးလာလျှင် အဖြေတစ်ခုသာ ရှိသည်။ ကျွန်မကိုယ်တိုင်က ကျေကျေနပ်နပ်ကြီး ဖြည့်ဆည်းပေးလေလေ တစ်ဖက်မှလဲ ပိုပိုပြီး လိုလာလေလေ ဖြစ်သည်။ ဒီတော့ ကျွန်မတွေးမိသည် ဖြစ်လာသမျှကို ခေါင်းခါခြင်းမပြုပဲ ရင်ဆိုင်ပြီး ပြေးပြေးတွေ့ပေးနေတာ ကျွန်မ ကိုယ်တိုင် မှားနေသလားပေါ့။ 

အကြောင်းက သူတို့သည် ကျွန်မကို ငဲ့ညှာရမည်ကို မေ့လျော့နေကြသည်။  မိန်းမတစ်ယောက် ဖြစ်သည် ဆိုသည်ကို သူတို့ မေ့လျော့နေကြပုံ ပေါ်သည်။ သူတို့၏ အခက်အခဲကို ပြေလည်သွားရေး အတွက်သာ စိတ်ဝင်စား ကြသည်။ သူတို့ထင်သည်မှာ ကျွန်မ၏လက်နှင့် ထိလိုက် ကိုင်လိုက်သည်နှင့် ပြသနာတစ်ခုသည် ပျော်ရွှင်ခြင်း ပန်းတစ်ပွင့်အဖြစ် ပြောင်းလဲသွားကြသည် ဟူလောက်သာ ထင်ထားကြသည်။

တွေးရင်း တွေးရင်း ကျွန်မ နားလည်လာသည်မှာ ဤအဖြစ်တို့သည် အမှန်စင်စစ်အားဖြင့် သူတို့၏ အပြစ်မဟုတ် ကိုယ့်ကြောင့် သူတစ်ပါး ၀န်လေးမှာကို မလိုလားတတ်သော ကျွန်မ၏ ကိုယ်ပိုင်အားနည်းချက်သာ ဖြစ်သည်။ သူတစ်ပါးထံမှ မယူတတ်သောသူသည် အမြဲတမ်း ပေးဝေမျှသူသာ ဖြစ်တတ်သည်ကို ကျွန်မ မေ့လျော့ နေခဲ့သည်။ လောကကြီးတွင် မပေးလဲ မပေး ယူလဲမယူသော လူသားပုထုစဉ်ဟူ၍ ရှိမည်မထင်ပေ။ ပေးသောသူများ ရှိ၍ ယူတတ်သော သူများ ရှိလာခြင်းဖြစ်သည်။ 

ကျွန်မသည် အမြဲတမ်း ပေးဆပ်နေသော သူဖြစ်သောကြောင့် ကျွန်မနှင့်ပတ်သတ်နေသမျှ သူတို့သည် ရယူဖို့အတွက်သာ အားသာနေကြသည်။ ကျွန်မသည် သူတို့အားချစ်သော ဂရုဏာသက်သော စိုးရိမ်သော မျက်လုံးဖြစ်သာ ကြည့်တတ်သဖြင့် သူတို့၏ လိုအပ်ချက်များကို အချိန်ပြည့်နားလည်နေတတ်သည်။ သူတို့သည်လည်း ကျွန်မအား ချစ်သော အားကိုးတစ်ကြီး ရှိသော မျက်လုံးတို့ဖြင့်သာ ကြည့်တတ်သဖြင့် ကျွန်မကို တံတိုင်းကြီးတစ်ဖွယ်သာ မြင်တတ်ကြသည်။ 

          တစ်ကယ်တော့ ကျွန်မ၏ ဂရုစိုက် အနစ်နာခံမှုကြောင့် သူတို့အကျင့်ပါသွားခြင်းဖြစ်သည်။ကျွန်မကို မြင်သည်နှင့် သူတို့၏ အခက်အခဲကို တင်ပြရန်သာ စိတ်ကူးရှိကြပြီး  ကျွန်မ၏ ငိုထားသော မျက်ဝန်းများအား သူတို့မမြင်ခဲ့ကြပေ။ 

 တစ်ကယ်တော့ မည်သူ့ မည်သူ့ ထံတွင်မှ အပြစ်တစ်စုံတစ်ရာမရှိပေ။ လောကကြီးသည် မျှတစွာ နေရာချပေးထားတတ်သည်။ ယူလိုသောသူများ၏ ဘေးတွင် ပေးဆပ်တတ်သူများ ရှိတတ်သလို။ ပေးဆပ်နေသူတို့၏ ဘေးတွင် ယူလိုသော သူများသာ ရှိတတ်ကြသည်။ ဒါသည်ပင် လောကကြီး၏ နိယာမ တရားတစ်ခု။ 

ဒါပေမယ့် တစ်ခါတစ်ရံတွင်တော့ ကျွန်မတွင်လည်း အားငယ်သည့်အချိန် ရှိတတ်သည်။ ၀မ်းနည်းသည့်အချိန်ရှိတတ်သည်။ သူတို့ထံတွင် ဆီးကာပေမယ့် တံတိုင်းကြီးတစ်ခုရှိသည်။မေးတင်လို့ ရသည့် ပုခုံးတစ်ဖက်ရှိသည်။ ကျွန်မထံတွင်တော့ မရှိပါ။ သေချာလွန်းလှသည်။ 

ထို့ကြောင့် ကျွန်မသူတို့သိအောင် ပြောပြချင်ပါသည်။ ကျွန်မသည် မိန်းမသားတစ်ယောက် ဖြစ်သည်။ နူးညံ့သော အထိအခိုက်လွယ်သော မိန်းမတစ်ယောက်ဖြစ်သည်။ ထစ်ကနဲဆို မျက်ရည်ကျလွယ်ပြီး ၀မ်းနည်းလွယ်သော မိန်းမတစ်ယောက်ဖြစ်သည်။ ထို့အပြင် အလွန်ညံ့ဖျင်းသော မိန်းမတစ်ယောက်လည်းဖြစ်သည်။  ကိုယ့်အတွက်ဆိုလျှင် ဘာမှ အသုံးမကျ အသုံးမချတတ်သော မိန်းမ တစ်ယောက်ဖြစ်သည် ဆိုတာကိုပေါ့။

*****************

ချစ်သောမောင်နှမများရှင် ကျွန်မခရီးကနေ ပြန်ရောက်ပါပြီ။ ခရီးသွားပို့(စ်)လေးကိုတော့ နောက် ထပ် ပို့(စ်) အသစ်လေးတစ်ပုဒ်အဖြစ် တင်ပေးပါ့မယ်။

နှစ်သစ်မှာ ချစ်သောမောင်နှမများ ကျန်းမာလို့ ရွှင်လန်းကြပါစေရှင်။

နှင်းဆီပုံလေးကိုတော့ google ကနေ ရှာပြီး သုံးထားပါတယ်ရှင်။

ကန္တာရ သစ်ပင်

ကန္တာရထဲ ရှင်သန်ကြီးပြင်း
သစ်တစ်ပင်နှယ်
မိုး ဆိုတာကို မျှော်တစ်လင့်လင့်
ငံ့လင့်စောင့်ဆိုင်း
မက်..မနေတာပဲ ကောင်းပါတယ်။  ။

မြင်သမျှ အဆုံး သဲပင်လယ်နဲ့
မျှော်လင့်မိတော့ လေပြေသုန်သုန်
ရောက်လာရက်တော့ လေနီကြမ်းတမ်း
မြက်ခင်စိမ်းစိမ်း ရှာမတွေ့တယ်
ကန္တာရထဲ ဒီတစ်ပင်တည်း။ ။

မြစ်ချောင်း အင်းအိုင်
စမ်းရေးစီးသံ ရွှေငါးတို့မြူး
တေးသီငှက်ငယ် ခပ်စိမ်းစိမ်းတော
အသိသာရှိ ဘယ်ဆီဘယ်ဝယ်
မတွေ့ မရှိ မထိဘူးတယ်။  ။

ဒီကန္တာထဲ ပေါက်ဖွားရှင်သန်
ဒီ. အပင် ဖြစ်လာမှတော့
ဒီ..သဲပင်လယ် ငါမြတ်နိုးမယ်
ဒီ..လေကြမ်းလဲ ငါခံရမယ်
ဒီ..မိုး မလာလဲ ငါ..
ဆက်လို့ ရှင်သန်နေအုန်းမယ်။  ။


**********************

ချစ်စွာသော မောင်နှမများ အားလုံး ကျန်းမာလို့ ချမ်းသာကြပါစေရှင်။ 
ပုံလေးကိုတော့ google ကနေရှာဖွေပြီးတင်ထားပါတယ်လို့။

နှစ်သစ်မှာ ချစ်သောမောင်နှမများအားလုံး ကျန်းမာလို့ ပျော်ရွှင်ကြပါစေရှင်..

ဆွေလေးမွန်ရဲ့ ၀ါသနာအရ ဖွင့်ထားဖြစ်တဲ့ blogspot လေးမှာ ဆွေလေးမွန် စိတ်ကူးတည့်ရာ ရေးထားသမျှကို မပျင်းမရိ ပို့(စ်) အသစ်လေးတွေ တက်ပြီဆိုတာနဲ့ ဘလော့လေးကို လာရောက်လည်ပတ်ပြီး အားပေးကြတဲ့ ဘလော့ မောင်နှမများရော လာလည်ပြီး စာဖတ်ပေးကြတဲ့ စာဖတ်သူများကိုရော ကျေးဇူးတင်ပါတယ်လို့ အရင်ဆုံးပြောပါရစေ။ 

စာရေးတဲ့အခါ စိတ်အားလပ်မှ ရေးတတ်တဲ့ အကျင့်ကြောင့် တစ်ခါတစ်ရံ ဆွေလေးမွန်ရဲ့ ဘလော့လေးမှာ ပို့(စ်) အသစ်လေးတွေ ပျောက်နေတတ်ပါတယ်။ ပြောရရင်တော့ ကိုယ်ပိုင်ဘလော့လေးတစ်ခုဖွင့်ထားပြီ ဆိုရင် အနည်းဆုံး  ၁ ပတ်ကို ပို့(စ်) လေးတစ်ပုဒ် ၂ ပုဒ်လောက်တော့ တင်သင့်ပါတယ်။ ဆွေလေးမွန်ရဲ့ ဘလော့လေးက တော့ အဲဒီလိုမဟုတ်ပါဘူး။ တစ်ခါတစ်ရံ တစ်ပတ်ထဲမှာပဲ ၂ ပုဒ် ၃ ပုဒ် တင်လိုက်သလို တစ်ခါတစ်ရံ သုံးလေးလ ကြာလို့မှ ပို့(စ်) အသစ် တစ်ပုဒ်မတင်ဖြစ်ပါဘူး။ 

          ဒီလိုဆိုတော့ ဆွေလေးမွန်သည် ဘလော့လေးကို ဖွင့်သာဖွင့်ထားသည် ရေးချင်မှ ရေးသည်  လာပြီးအားပေးသော စာဖတ်သူများအား ဂရုမစိုက်ဟု ထင်စရာ အကြောင်းရှိသည်။ အဲဒီလို မဟုတ်ပါ။ ဆွေလေးမွန် မှာ ခံစားချက်တွေ အေးခဲနေသော အချိန် ခံစားချက်တွေမဲ့နေတဲ့ အချိန် အဲဒီလို အချိန်ဆိုလျှင် စာတစ်ပုဒ် မပြောနှင့် စာတစ်ကြောင်းထဲကိုပင် ခက်ခက်ခဲခဲ စာစီရသော အချိန်ဖြစ်သည်။ ကိုယ်ရေးပြချင်သည်က တစ်မျိုး စာစီထားသည်က တစ်မျိုးဖြစ်နေသလို ခံစားရခက်လှသည်။ ရေးပြီးပြန်ဖတ် မကြိုက်ဘူး ရေးလိုက် ဖျက်လိုက် ရေးလိုက် ဖျက်လိုက်နှင့် သံသရာ လည်နေလေတော့သည်။  ကိုယ်ရေးထားတဲ့စာ ကိုယ်တိုင်ပြန်ဖတ် ကိုယ်တိုင် စိတ်တိုင်းမကျဘူးဆိုမှဖြင့် ဘလော့ပေါ်လည်း မတင်ဖြစ်တော့ ထိုပို့(စ်)လေးများသည် ဆွေလေးမွန်ရဲ့ computer ထဲမှာသာ file တစ်ခုအနေနှင့် အစီအရီ အသိမ်းခံရရှာသည်။ ဘလော့လေးလည်း တိတ်ဆိတ်ခြောက်သွေ့သွားပြန်သည်။ 

          တစ်ခါတစ်ရံ ကိုယ့်စိတ်ကိုယ် ကိုယ်တိုင်ထိန်းချုပ်နိုင်ပေမယ့် တစ်ခါတစ်ရံကျတော့ စိတ်တွေ ပျံ့လွင့်နေတတ်သည်။ အဲဒီလို အချိန်ဆိုလျှင် ဘလော့လေးမှာ စာတွေ မတင်ဖြစ်တော့ပေ။ ဒါကြောင့် ဆွေလေးမွန်ရဲ့ ဘလော့လေး တိတ်ဆိတ်ငြိမ်သက်နေတဲ့ အခါ ခွင့်လွှတ်ပေးကြပါ။ နားလည်ပေးကြပါလို့သာ တောင်းပန်ပါရစေ။  စာရေးမိခဲ့တယ်ဆိုတာ စာရေးချင်တတ်တဲ့ ၀ါသနာကြောင့်သာ ရေးမိခဲ့တာမို့ စိတ်တွေပျံ့လွှင့်နေရင် ဘယ်လိုမှ စာရေးလို့မရတာ ဆွေလေးမွန်ရဲ့ အားနည်းချက်တစ်ခုပါ။ 

          ခုလဲ ဆွေလေးမွန် ဘလော့လေးကနေ ၁ လကျော်ကျော် ၂ လလောက်နီးနီး ပျောက်နေပါလိမ့်မည်။ ရန်ကုန်ပြန်မလို့ပါ။ ၂၀၁၄ ခုရဲ့ နှစ်စ HAPPY NEW YEAR တွင်လဲ ရန်ကုန်မှာပဲ ရှိနေမှာပါ။ ဒီတော့ ဘလော့လေးကနေ ပျောက်မည့်အကြောင်းနှင့် ဆွေလေးမွန်ရဲ့ တာဝန်မကျေမှုများကို ၀န်ခံရင်း နှစ်သစ်အတွက် တစ်ခါတည်း ဆုတောင်းပေးပါရစေ။ 

နှစ်သစ်မှာ ဘလော့မောင်နှမများနှင့်အတူ လာရောက်ပြီး စာဖတ်ပေးကြတဲ့ ချစ်သောညီအစ်ကို မောင်နှမများအားလုံး အေးချမ်းလို့ ပျော်ရွှင်ကြပါစေလို့ ဆုမွန်ကောင်းတောင်းပေးလိုက်ရပါတယ်ရှင်။ 

 ******

ပုံလေးကိုတော့ google ကနေရှာပြီး သုံးထားပါတယ်။  နှစ်သစ်အတွက် နှုတ်ခွန်းဆက်စကားဆိုတာ စောနေသေးပေမယ့် နောက်တစ်ပတ်လောက်ဆို အလုပ်တွေများတော့မှာမို့ ခုထဲက ပို့(စ်) လေးကိုတင်ရင်း နှုတ်ဆက်ပါရစေလို့။ ။

ချစ်ဖူးသူတိုင်း (ကွဲ) ကြသည်

ဒီနေ့ တနင်္ဂနွေနေ့ ဘမြင့်ရဲ့ အလုပ်ပိတ်ရက်။ ဇိမ်ယူရတဲ့ ရက်။ ဆောင်းတွင်းဝင်လာပြီမို့ အိပ်ယာထဲ စောင်ခြုံ ပြီး ခပ်ကွေးကွေးနဲ့ တွေးချင်တာတွေးနေရတာကိုးက ဇိမ်တစ်မျိုး။ အရင်ကတော့ ဒီအိမ်မှာ အမေနဲ့ ဘမြင့် နှစ်ယောက်ပေါ့ ခုတော့ အမေတစ်ယောက်တော့ဖြင့် သားတစ်ယောက်ကို စိတ်ချပြီး ထားသွားခဲ့တာ ၂ နှစ်ကျော်ခဲ့ပြီ။ ဒီတော့ မိဘရဲ့ အမွေ ဒီအိမ်လေးရယ် တစ်လတစ်လရတဲ့ ၀င်ငွေလစာလေးနှင့် ဘမြင့် ဘ၀က မချမ်းသာပေမယ့် အများတကာတို့ထက် အူစိုတာတော့ ၀န်ခံရပေလိမ့်မည်။ 

ဒီကြားထဲ ဘမြင့်က စာတိုပေစလေးရေးတဲ့ ၀ါသနာကလဲရှိ။ တစ်ခါ တစ်ခါ သူ့ရဲ့ စာတိုပေစလေးတွေကလည်း ဟိုမဂ္ဂဇင်းထဲပါ ဒီမဂ္ဂဇင်းထဲပါဆိုတော့  ၀ါသနာပိုး ကတော့ဖြင့် အတောသတ်လို့မရပေဘူး။  ဒီလိုမနက်ခင်း ခပ်အေးအေးဆို တစ်ခါတစ်ခါ အိပ်ယာထဲကမထတမ်း ဆေးလိပ်လေးဖွာလိုက် ဘေးနားအသင့်ရှိပြီးသား စာအုပ်လေးနဲ့ ဘောပင် ဆွဲပြီး ရေးလိုက်နှင့် ဘမြင့်အတွက်တော့ တနင်္ဂနွေနေ့ရဲ့ တန်ဖိုးအရှိဆုံး အချိန်များပင်။ ခုလဲ စာရေးမယ်ဆိုပြီး စာအုပ်ကလေးဆွဲ ..ဆေးလိပ်မီးညှိနေတုန်းရှိသေး …

“ကိုကြီးဘမြင့် ရေ ကိုကြီးဘမြင့် တံခါးဖွင့်ပါအုန်းဗျ.. ဒုန်း..ဒုန်း ..ဒုန်း.. အီး ဟီး ဟီး…”

သွားပါပြီကွာ မနက်စောစောစီးစီး မာရ်နတ်တော့ နှောက်ပြီဟလို့ပဲ တွေးရင်း ဆေးလိပ်ကို ဆေးလိပ်ပြာခွက်ထဲ အလျင်အမြန် ပစ်ထည့်ရင်း တံခါးဖွင့်လိုက်တယ် ဆိုရင်ပဲ..

“အီးဟီးဟီး ကိုကြီးဘမြင့် ကျွန်တော့်ကိုကြည့်ပါအုန်းဗျာ ကြည်ပြာလေ ကြည်ပြာ ကျွန်တော့်ကို ဆော် လိုက်တာ ခုအကွဲပဲ . ဒီမိန်းမကိုလေ ချစ်လွန်းလို့ အလိုလိုက်ထားတာ။ ခုကြည့်စမ်း ကျွန်တော့် နဖူးဘုထွက်အောင် ရိုက်တဲ့ အဆင့်ကနေ ခုနဖူးမှာ သွေးစို့နေပြီး ကိုကြီးဘမြင့် ရဲ့ အီး..ဟီး..ဟီး..ကျွန်တော့်ကို မကယ်နိုင်တော့ ဘူးလားလို့…ကိုကြီးဘမြင့်ရေ …. ကိုကြီးဘမြင့်ရဲ့ ..အီးဟီးဟီး”

ထင်တဲ့ အတိုင်းပင် နဖူးတွင် သွေးနည်းနည်းစို့နေတဲ့ ဘုကြီးတစ်ခုနဲ့ ပေါက်ချလာသူက စိုးတင့်။  ဒီကြားထဲ မဆီမဆိုင် ဒင်းက သူ့နာမည် တတပြီး ငိုနေတာမို့ မသိတဲ့ သူများဆို ဘမြင့်တစ်ယောက်တော့ သေရွာကို နေမလာခင် အပြီးသွားရှာပြီလို့ ထင်ကြပေတော့မည်။

“ဟိတ်ကောင် တိတ်စမ်းကွာ။ မနက်စောစောစီးစီး ငါ့နာမည်ကြီး တတပြီး အော်ငိုမနေနဲ့။ ပြော..ပြောဒီတစ်ခါ ငါ ဘာလုပ်ပေးရမှာတုန်း”

“ကျွန်တော် ဒီမိန်းမနဲ့ ဆက်ပြီးမပေါင်းနိုင်တော့ဘူး”

“ဒါများကွာ.  ရပ်ကွက်ရုံးသွားပေါ့။ ငါ့အိမ်ဘာလို့လာသေးလဲ။  ”

          “ဒါက ဒီလိုလေ..အစ်ကိုရေးပေးတဲ့ ရည်းစားစာ ပထမတစ်စောင်ထဲနဲ့တင် ကြည်ပြာမ ကျွန်တော့်ကို ချစ်အဖြေပြန်ပေး ပြီး တစ်ခါထဲ ခိုးရာ လိုက်ခဲ့တာလေ။ အဲဒါ  ခုလဲ ကျွန်တော့်ကို စာတစ်စောင်လောက် ထပ်ရေးပေးပါလား”

“ဘယ်လို..!!!!!!!”

“တစ်ခါထဲဖတ်ပြီး တစ်ခါထဲ ကျွန်တော့်မျက်နှာမကြည့်ချင်လောက်အောင် မုန်းပြီး ကွာရှင်းလက်မှတ်မှာ တစ်ခါတည်း လက်မှတ်ထိုးအောင်လို့လေ ကျွန်တော့်ကို စာလေး တစ်စောင်လောက် ထပ်ရေးပေးပါလား ဟင် အစ်ကို..”

စိုးတင့် စကားကို ဆုံးအောင် နားထောင်ပြီးသည်နှင့် ဘမြင့်မျက်နှာချက်ချင်းနီတတ်လာသည်။ ဘေးဘီကို မျက်လုံးဝေ့ ပြီးကြည့်သည်။ ဟောတွေ့ပြီး ရေချိုး မျက်နှာသစ်တဲ့ ဒန်ဖလားခွက်။ ဒန်းဖလားခွက်ကို ကောက်ယူလိုက်ရင်း..

“#!!! အေး မင်းကို တစ်ခါတည်း ဓါးနဲ့ထိုးသတ်သွားအောင် ရေးပေးမယ်။ တစ်ချက်တည်းနဲ့ အသက်ထွက်ပြီး တစ်ခါတည်းလျှောသွားအောင် ရေးပေမယ်။ ဒါမှ  ငါလည်း တစ်ခါတည်း နားအေးပါးအေးဖြစ်ရော။ ”

“ဟီး ကိုကြီးဘမြင့်ကလဲ ကိုယ့်ညီလေးကို အဲလို နောက်ရဘူးလေ။ တားက ကိုယ့် အစ်ကိုကြီးမို့လို့ အားကိုးလို့လာတာကိုး ”

မပီကလာ ပီကလာနှင့် သူ့လာပြီ ညုတုတုအမူအရာ လုပ်ပြနေသော စိုးတင့်ကိုကြည့်ရင်း ဒေါသက ငယ်ထိပ်ထိတက်ပြီ။ ဘယ့်နှယ် တနင်္ဂနွေစည်းစိမ် ဒင်းလာဖျက်တဲ့ အပြင် ပြီးတော့ လာလာချီသေး လင်မယားကွဲသွားအောင် စာထပ်ရေးပေးရမယ်..

“အေး..ခုတော့ လေ မင်းကို ကြည်ပြာ ဓါးနဲ့မထိုးခင် ငါကအရင်ဦးအောင် ဒန်ဖလားနဲ့ သမလိုက်မယ် ဟိတ်ကောင်. လာလော့ရော့ ကွာ ကဲ..”

ဝှစ်..၀ှီး… ဂေါင်…ဒေါင်….

“!!!!အောင်.မယ်လေးဗျာ … ဒီတစ်ခါ နဖူး တစ်ကယ်ပေါက်ပါပြီဗျ… အားလားလား … …အီးဟီးဟီး”

ဒန်ဖလားခွက်နှင့် စိုးတင့်အား လက်သံခပ်ပြင်းပြင်း မိတ်ဆက်ပေးလိုက်သည်။ ဒီတော့မှ စိုးတင့်လဲ ဖနှောင့်နှင့်တင်ပါး တစ်သားထဲ ကျအောင် ခြံထဲမှ အော်ဟစ် ငိုယိုပြီး ထွက်ပြေးလေတော့သည်။ ဒန်ဖလားခွက်ဖင်တော့ နည်းနည်းလေး ချိုင့်သွားသည်။ တော်သေးတာပေါ့ သိပ်မသိသာလို့ တော်ကြာအရမ်းကြီးချိုင့်သွားလျှင် ထပ်ဝယ်နေရအုန်းမည်။

ကဲ ..စာရေးဖို့ ဖီလင်လဲပျောက်ပြီမို့  မျက်နှာသစ်ပြီး လက်ဖက်ရည်ဆိုင်သွားတာပဲ ကောင်းတယ်။ တောက် ငနာလေး ..ဒင်း.မရခင်ကတော့ ကြည်ပြာမကိုမှ မရရင်ဖြင့် သူ့အသည်းတွေ ဟက်တက်ကွဲရ ပါတော့ မယ် ဆိုပြီး နားပူနားဆာ လုပ်လွန်းလို့ သူရည်းစားစာရေးပေးခဲ့ရသည်.။ ဟောကြည့်..ခုယူပြီး ရပြီးပြန်တော့လဲ ဒီကောင် ထူးမခြားနား ကွဲတာက ကွဲတာပါပဲကွာ..

ဒီလိုနှင့် ဘမြင့်တစ်ယောက် လက်ဘက်ရည်ဆိုင်သွားသည့် လမ်းပေါ်ရောက်ခဲ့ပြီ။ အင်း ..မဆိုးပါဘူး စောသေးတော့ လူကလဲရှင်း မြူခိုးတို့ခပ်ဝေေ၀နှင့်ဆိုတော့ အတန်ငယ်လှမ်းနေသည့် လက်ဘက်ရည်ဆိုင်နှင့်ဆို ကွက်တိ။ စောစောစီးစီး လမ်းထလျှောက်သည်ပေါ့။ ကိုယ့်ဘာသာကိုယ် ကျေနပ်ရင်း ရှေ့ဆီကို ကြည့်လိုက်တော့ အလို…. တစ်လောကမှ သူ့ရည်းစားစာကောင်းမှုနှင့် အိမ်ထောင်ကျသွားရှာသော လူပျိုကြီး ကိုသိုက်ပါလား။ ဒီလူ မနက်စောစောစီးစီး ဘယ်ကနေပြန်လာပါလိမ့်။

“ဗျို့ ကိုသိုက် ဘယ်ကပြန်လာတုန်း စောစောစီးစီးကြီး”

“မင်းကြောင့်လေ မင်းကြောင့်ပေါ့။”

ဟိုက်!!!! ..ဘုရား ဘုရား.. ငါဘာများလုပ်မိလို့တုန်း.။ ကိုယ့်အိမ်မှာ ကိုယ်နေတာပါ။ သူတို့အိမ်လဲ ငါမသွား မိပါဘူး။

“ကိုသိုက် စကားပြောတာ ကြည့်ပြောဗျာ။ ကျုပ်က ဘာလုပ်လို့တုန်း. ခင်ဗျာနဲ့ မတွေ့တာတောင် ခင်ဗျားတို့ မင်္ဂလာဆောင်လာပြီကထဲက မတွေ့တဲ့ဟာကို”

 “ဟ. မင်းက ဦးဆောင်ပြီး ရက်ကွက်ထဲက လုပျိုကြီးတွေ အလှော်ကောင်းလို့လေ ခုငါ မိန်းမရတယ်လေ”

“အေးလေ ခင်ဗျားပဲ မင်္ဂလာဆောင်တုန်းကတော့ သွားကြီးကိုဖြဲလို့. ကောင်မလေးက ငယ်ကလဲငယ်  ချောကလည်း ချော ဆိုတော့”

“အေး အဲဒီငယ်တာက စတာ..”

“ဘယ်လို..!!!!!!!”

“ဟုတ်တယ်လေကွာ ငယ်တော့ အနိုင်လိုချင်တယ်. မင်းလဲသိသားနဲ့ ငါက ဒီလိုရာသီဆို နေဖင်ထိုးတောင် ထတာမဟုတ်ဘူး။ “

“အေးလေ..အဲဒါ  ကျုပ်လဲသိတာပဲဟာ . မနက် ၉ နာရီ လက်ဖက်ရည် ဆိုင်သွားမယ်ဆိုတာတောင် မလှုပ်တဲ့ ဟာ ကို . ခုဆိုမိန်းမငယ်ငယ်လေးနဲ့ ပိုပြီး နပ်…နပ်..”

“ဟိတ်ကောင်…တော်တော့…ငယ်တာမပါစေနဲ့..စိတ်နာလို့..ခုတော့ကွာ အိမ်က မမလေးဘုရားက အိပ်ယာနိုးရင် ဟိုဘက်ရပ်ကွက်ထိပ်က ရှမ်းခေါက်ဆွဲ ဆက်သရမယ်ဆိုလို့ သွားဝယ်တာ။ အဲဆိုင်ကလည်း နည်းနည်းနေမြင့်ရင် ကုန်ရော။ အဲလိုနေ့များဆိုလေ စိတ်ကောက်ပြီ ဈေးမသွား ထမင်းမချက် ဘာမချက်နဲ့ ငါ..ငတ်ရော”

“ဟင်!!! အလိုကြီးလား အဟီး”

ဒီတစ်ခါ အဟီးပြရသူက သူကိုယ်တိုင်။ သူ့ရေးတဲ့ ရည်းစာစားနဲ့ သူအလှော်ကောင်းခဲ့လို့ ကိုသိုက်ကြီး မိန်းမရခဲ့ရှာတာ။  ကောင်မလေးကလည်း ကိုသိုက်ကြီးကို အပြတ်ကြွေနေတာဆိုတော့ ကိုသိုက်ကြီးတော့ ကံကောင်း ပြီဆိုပြီ သူကစပေးခဲ့တာ။ ခုတော့..

“အေးးး အလိုကြီး ခုမှတော့ လွန်ကုန်ပြီ ပြန်အပ်လို့လဲမရတော့ဘူး ထမင်းအငတ်မခံချင်တော့လည်း မမလေးဘုရား စားချင်တဲ့ဟာများဆို ခုလို မနက်ဝေလီဝေလင်း ရပ်ကွက်တစ်ကာလျှောက်ပြီ ၀ယ်ပေးရတော့တာပဲ။ ခုချိန်ကြမှတော့  ဘာလုပ်လို့ ရမှာတုန်း သူ့အမေလည်း ပြန်အပ်လို့ မရတော့ဘူး..  မင်းကြတော့ အသည်းကွဲတာ ..ငါ့ကြတော့ အဲ…အဲ ..ငါ လည်း ကွဲတာပါပဲကွာ..”

ကိုသိုက်ကြီးတစ်ယောက် ပြောရင်းပြောရင်း ငိုချင်လာပုံပေါက်သည်။ သူ့ကိုတောင် နှုတ်မဆက်နိုင်ဘူး ငိုက်စိုက်ငိုက်စိုက်နဲ့ ထွက်ခွာသွားသည်။ သြော်..ကိုသိုက်ကြီးလဲ ကွဲတာပါပဲလားလို့ ဘမြင့်တွေးလိုက်မိ တယ်။ သူတို့တွေ ကွဲပုံကြတော့လည်း တစ်မျိုး။ အဲ သူကွဲပုံကြတော့လဲ တစ်မျိုး..သူက အသည်းကွဲခဲ့တာ. ခင်စန္ဒာ ကြောင့် သူအသည်းတွေ ကွဲခဲ့တာ။

          ခင်စန္ဒာ ဆိုတာက အရင်တုန်းကပေါ့ လေ  ဘမြင့်တို့ ရပ်ကွက်က အလှပဂေး။ အဲဒီတုန်းက ခင်စန္ဒာ တို့မိသားစုက ရပ်ကွက်ထဲကို ပြောင်းလာကာစ အချိန်ပေါ့။ ခုလို မနက်ခင်း ဝေလီဝေလင်းများဆိုလေ ထူထဲနက်မှောင် နေတဲ့ သူမရဲ့ ဆံကေသာကို ကျစ်ဆန်မြီးကျစ်ပြီး ဘေးတစ်စောင်းချလို့ နှင်းဆီပန်းတစ်ပွင့် အမြဲပန်ပြီး သူမရဲ့ အိမ်ရှေ့ခြံထဲမှာ ပန်းပင်တွေ ရေလောင်းနေကြ။ သူမရဲ့ ၀င်းပပ မျက်နှာကို  မနက်ခင်းတွေ့လိုက်ရပြီဆိုရင်ပဲ ဘမြင့်တို့ ရပ်ကွက်ထဲက ကာလသားတွေက ဒီနေ့တစ်နေ့တာအတွက်ပဲ မင်္ဂလာအပြည့်ရှိသွားသလိုလို ဘမြင့် အပါအ၀င် ရပ်ကွက်ထဲက ကာလသားတွေ သည်းသည်းလှုပ်ချစ်ရတဲ့ ခင်စန္ဒာ။ 

          နောက်ဆုံး ခင်စန္ဒာ တို့နဲ့ မျက်နှာချင်းဆိုင်က လက်ရာညံ့လွန်းလို့ အရောင်းမသွက်ပဲ ထိုင်းနေတဲ့ ကိုပေါက်ကြီးတို့ လက်ဖက်ရည်ဆိုင် ခင်စန္ဒာ တို့အိမ်စပြီး ပြောင်းလာကထဲကိုက စီးပွားဥစ္စာ ဒီရေအလားတိုးလာလိုက်တာ ကိုပေါက်ကြီး မိန်းမ မိသန်းလည်ပင်းမှာ နေ့ချင်းညချင်း လက်သန်းလုံးလောက် ရွှေဆွဲကြိုးကြီး တစ်ဝင်းဝင်း ဖြစ်လာတာပဲ ကြည့်။ ကိုပေါက်ကြီးဆို ခင်စန္ဒာ တို့မိသားစုကို ကျေးဇူးရှင်တွေ ကျေးဇူးရှင် တွေဆိုတာ ပြောလို့ကို မဆုံးဘူး။ 

အဲဒီအချိန်ကဆို ဘမြင့် ကြေငြာထားရတယ်။ ခင်စန္ဒာ အတွက်ဆိုရင် ရည်းစားစာ ရှဲဒိုးရေးမပေးဘူးဆိုတဲ့ အကြောင်းပေါ့။ ရပ်ကွက်ထဲက ကာလသားတွေများ ဘမြင့်ကို မခေါ်နိုင် မပြောနိုင်ပေါ့။ ဘမြင့်ရည်းစားစာက လည်း သမိုင်းတွင်သကိုး။ ဘယ်သူ့ရေးပေးပေး ကောင်မလေးတွေက ချက်ချင်း တစ်ပတ်အတွင်း အဖြေပြန်ရကြပေတာ။ ဘမြင့်များ လက်ဖက်ရည်ဆိုင်သွားပြီဆို ပိုက်ဆံပါစရာမလိုဘူး။ စာအုပ်တစ်အုပ်နဲ့ ဘောပင် တစ်ချောင်းပါရင် ဗိုက်အကား စားပြီး အိမ်ထပြန်ရုံ။ အဲဒီလောက်ကို ဘမြင့်ရဲ့ ရည်းစားစာက တန်ခိုးထွားခဲ့ဖူးတာ။ 

ဒါနဲ့ဘမြင့်လည်း မနက်မနက် မြင်တွေ့နေရတဲ့ ခင်စန္ဒာမျက်နှာလေးကို စိတ်ကူးတွေယဉ်ပြီး သူ့ရဲ့ တန်ခိုးထွားလှတဲ့ ရည်းစားစာကို တစ်လတိတိ ရေးခဲ့တာ။ ခင်စန္ဒာရဲ့ လက်ထဲ ဘမြင့်ရေးတဲ့ ရည်းစာစာ ရောက်သွားပြီ ဆိုတဲ့ သတင်း ရပ်ကွက်ထဲက ကာလသားတွေလဲ ကြားရော  ကြို ပြီးအသည်းကွဲခြင်း အထိန်းအမှတ်နဲ့တောင် ဦးပုံး တို့ရဲ့ ခွက်ပုံးဆိုင်မှာ လူစည်ကားလိုက်ပုံများ အလကားတိုက်နေသလားတောင် ထင်ရပါသတဲ့။ ပွဲတိုင်းကျော်ခဲ့တဲ့ ရည်းစားစာပေကိုး ခင်ဗျ။

ဘမြင့် ကတော့ တွက်ရေးနှင့် ခင်စန္ဒာချစ်သူ ဖြစ်နေခဲ့တာ ကြာပေါ့။ အိမ်မက်ထဲမှာ ပြောပါတယ်။ ဒီလိုနဲ့ သူ့ရဲ့စာကို လက်ခံပြီး သုံးရက်မြောက်နေ့မှာ ခင်စန္ဒာတို့အိမ်ကို အ၀တ်သွားသွားလျှော်နေကြ အမီနာ က စာတစ်စောင်ယူလာပေးတယ်။ ခင်စန္ဒာ ထံမှ ပြန်စာပေါ့ဗျာ။ အိုး ဘာပြောကောင်းမလဲ ဘမြင့်တစ်ယောက် အိမ်ထဲ ရှေ့ဂျွန်း နောက်ဂျွန်းပတ်ပြီးထိုးနေတာ။ ပျော်လွန်းလို့။ အို.ရချေသေးရဲ့ပေါ့။ 

အဲ..ဒါပေမယ့် အဖြေတော့ မပါဘူးဗျာ။ ရပ်ကွက်ထိပ်မှာ တည်ထားတဲ့ ဆုတောင်းပြည့် ဘုရားကို လာခဲ့ဖို့ချိန်းတာ။ လူချင်းတွေ့မှ အဖြေပေးမယ်ဆိုပဲ။ ဘာပဲ ပြောပြော ကိုယ့်ဘက်က တစ်ဝက်တော့ ကြိမ်းသေ နေပြီပဲ။ အိုလွှတ်ပျော် အရမ်းကိုပျော်ခဲ့ မိတာ။ ဒါနဲ့ ဘမြင့်တစ်ယောက် ဘုရားကို အရင်ရောက်ပြီး တစ်မျှော်မျှော်ပေါ့။ ဘမြင့်မျှော်နေတဲ့သူကတော့ မလာသေးပါဘူး။ အဲလုံးလုံး လုံးလုံးနဲ့ ဘုရားကို လိမ့်လာတဲ့ မိန်းမတစ်ယောက်ကိုတော့ တွေ့တာပေါ့။ အတော်ဝတဲ့ မိန်းမဗျာ။ ကြူကြူသင်းထက်တောင် သာသေး။ ခါးသေးပြီး ချီနေတာများ အနောက် ရေ အိုးတစ်လုံး အရှေ့ရေအိုး တစ်လုံး တင်လို့ ရသဗျာ။ 

နီးလာလေ ဘမြင့် နည်းနည်း သဘောပေါက်လာလေပဲ နှင်းဆီပန်းတစ်ပွင့်နဲ့ ဆံပင်ကို ကျစ်ဆံမြီးကလဲ ကျစ်ထားသေးတယ်။ ဘမြင့် ရင်တွေတုန်လာတယ်။ ဘုရားဘုရား ခင်စန္ဒာများ ဒါကြီးဖြစ်နေရင်တော့ ဘမြင့်လို အရိုးပေါ် အရည်တင် ၀ါးခြမ်းပြားဘ၀ မတွေးဝံ့စရာရယ်။ မျက်နှာလေးလှသလောက် ခင်စန္ဒာ သက်ချိုပြုံး ဆင်ခန္ဓာဝက်ကိုယ်လုံးကြီးပါလားလို့။ ကတောက်! ခင်စန္ဒာတို့အိမ်က ကာထားတဲ့ မျက်နှာလေးလောက်သာ မြင်ရတဲ့ အုတ်တံတိုင်းကြီးကိုပဲ အပြစ်ဖို့ရမလား ။ လှတာလေးကို ချစ်တတ်တဲ့ စိတ်ကိုပဲ အပြစ်တင်ရမလား။ 

နောင်ခါလာ နောင်ခါဆေးဗျာ ဘမြင့်အဲဒီနေ့က ခင်စန္ဒာ ဘုရားပေါ်မရောက်ခင် ဘုရားအနောက်ပေါက်ကနေ ဖိနပ်လေး ခါးကြားထိုးပြီး ပြေးခဲ့ရတာ။ မျက်ရည်တွေလဲ ရွှဲ အသည်းတွေလဲ ကွဲပေါ့။ ကစ်ကစ်လောက်ဆို ဘမြင့်ချစ်နိုင်ပါသေးတယ်ဗျာ။ ခုဟာက ..ရှေ့ ရေအိုးတစ်လုံး နောက်ရေအိုးတစ်လုံးစာဆိုတော့ကား ဘမြင့်အနေနဲ့ ရာဝင်အိုး ဖါးပျံကပ်တဲ့ ဥပမာတောင် လိုက်မှီမယ် မထင်ဘူး။ အဲဒီထဲက ကွဲလိုက်တဲ့ အသည်း ခုချိန်ထိ ပြန်ဆက်လို့ မရသေးဘူး။ 

ခင်စန္ဒာကတော့ ရှက်လွန်းလို့တဲ့ မခံချင်တဲ့ စိတ်နဲ့ ပိန်အောင် ကြိုးစားနေပါသတဲ့။ ငါးရံ့ ကိုယ်လုံးလေးနဲ့မှ ဘမြင့်ရဲ့ ရည်းစားစာကိုကိုင်ပြီး ဘမြင့်တို့ အိမ်ရှေ့ကနေ ဖြတ်လျှောက်ပြမယ် လို့ကြိမ်းဝါးထားပေတာ။ ဘမြင့်ကတော့ ခင်စန္ဒာ အဲဒီလို လျှောက်ပြမယ့် အချိန်ကို စောင့်စားနေရတာပေါ့။ အဲရာသီတွေ အလီလီပြောင်းနေပေမယ့်လည်း ခင်စန္ဒာရဲ့ အရိပ်အရောင်လေးမျှ မမြင်ရသေးပါဘူး။ 

အဲဒီထဲ မဆီမဆိုင်ဗျာ  ကိုပေါက်ြကီးက ပြောသတဲ့ ဘမြင့်မျက်နှာကိုတွေ့ရင် စိတ်နာတယ်တဲ့။ ဒင်းလဲ မိန်းမရှိပြီးသား ခင်စန္ဒာကိုလည်း လိုက်ပိုးနေတာမဟုတ်ပဲနဲ့။ သတ်ပစ်ချင်လောက်အောင် မုန်းသတဲ့။ သူတို့လက်ဘက်ရည်ဆိုင်လေး အရှုံးပြသွားလိုက်တာ မိသန်း လည်ပင်းက လက်သန်းလုံးလောက် ဆွဲကြိုးတောင် အကြွေးနဲ့ ထိုးဆပ်လိုက်ရဆိုပဲ။ 

ဘမြင့်ကတော့ ခုချိန်ထိ ကွဲတုန်းပါဗျာ။ အသည်းပြောပါတယ်။ အဲဒီထဲက ဘမြင့်တို့ ရပ်ကွက်လေးထဲ လက်ဖက်ရည်ဆိုင်မရှိတာ ခုလိုမျိုး ခပ်ဝေးဝေး လမ်းလျှောက်ပြီး သွားရတော့တာပဲ။ ကိုယ့်အတွေးနဲ့ ကိုယ် နှစ်မျှောနေ ရှာတဲ့ ဘမြင့်..

“၀ုန်း”

“အောင်မယ်လေးဗျ..”

ဝုန်းကနဲ အသံနဲ့ အတူ လမ်းဘေးနားက မြောင်းထဲ ပြုတ်ကျသွားတာ။ ဘာဖြစ်လို့ ဖြစ်သွားမှန်းကို မသိတာ။ တစ်ခုခုနဲ့ တိုက်တာတော့ သေချာတယ်။ ဘာနဲ့ တိုက်မှန်းကိုး မသိတာ။ ချမ်းချမ်းစီးစီး ရေမြောင်းထဲက အတင်းကုန်းထ တိုက်သွားတဲ့ အရာကို လှမ်းကြည့်လိုက်တော့ အလို လုံးလုံး လုံးလုံးနဲ့ ပါလားဟရို့။ 

******

ကဲ ..ဒီတစ်ခါတော့ ဖတ်လို့ကောင်းမယ့် ပေါ့ပေါ့ပါးပါး စတိုင်လေးနဲ့ ရေးလိုက်မိတယ်။ ဘလော့ လေးကို လာရောက်လည်ပတ်ပြီး စာတွေ လာဖတ်ပေးကြတဲ့ အတွက် ကျေးဇူးတင်ပါလို့ ပြောရင်း မောင်နှမများအားလုံး ကျန်းမာလို့ ပျော်ရွှင်ကြပါစေရှင်။

ပုံလေးကိုတော့ google ကနေရှာဖွေပြီး ယူသုံးထားပါတယ်လို့။