လမ်းပျောက်တဲ့ တိမ်

ရုတ်တရက် ကိုယ်တိုင်ပျောက်ဆုံးသွားမိတယ်။ တိတ်ဆိတ်လွန်းတယ်။ ငြိမ်သက်နေလွန်းတယ်။ မုန်တိုင်းမလာခင် ငြိမ်သက်ခြင်းမျိုးလား။ အမည်မဖော်ပြတတ်တဲ့ ဆာလောင်မွတ်သိပ်ခြင်းမျိုးနဲ့ ဆာတယ်။ ရုတ်တ ရက် ကိုယ့်မှာ ဘာမှရှိမနေတော့ဘူး။ ကိုယ်မျှော်လင့်နေတဲ့ မျှော်လင့်ချက်တွေ ရုတ်ချည်း ပျောက်ကွယ်သွားတယ်။ ကိုယ်သိပ် မျှော်လင့်ထားတဲ့ အရာတွေကို မလိုချင်တော့ဘူး။ စွန့်ပစ်ချင်လာတယ်။ အဲဒါကို ဘာလို့ ခေါင်းစဉ်တပ်ရမလဲ။ စိတ်ဆာလောင် ငတ်မွတ်ခြင်းလား။

         ကိုယ်တိုင်တော့ ဒါဟာ စိတ်ဆာလောင်ခြင်းပဲ လို့ ခေါင်းစဉ်တပ်မိတယ်။ လောကကြီးထဲ ကိုယ်တစ်ဦးတည်း ထီးထီးကြီးရှိနေသလိုခံစားရတယ်။ Bus ကားတွေလဲ မောင်းနေတယ်။ လူတွေလဲ သွားလာနေတယ်။ လေလဲ တိုက်မြဲ။အေးလဲ အေးမြဲ။  ဒါပေမယ့် အဲဒီရုပ်ဝထ္ထုတွေနဲ့ ကိုယ်ဟာ အရမ်းသူစိမ်းဆန်လွန်းနေတယ်။ ကိုယ်နဲ့ မဆိုင်သလိုပဲ။ ဒါလေးသာ ဖြစ်ရင် တော့ ပျော်မှာပါလို့ထင်ထားတာ။ ရသွားတော့လဲ ဟက်ကနဲ တစ်ချက်ရယ်လို့ ပြုံးလိုက်မိတယ် ဆိုရုံထက် မသာပြန်ဘူး။

          ကိုယ်ဘာဖြစ်နေသလဲ။ ကိုယ်တိုင်နားမလည်မိဘူး။ ခဏလေးနဲ့ ပျော်တယ်။ ခဏလေးနဲ့ ၀မ်းနည်းတယ်။ ခဏလေးနဲ့ ကျောခိုင်းတယ်။ ခဏလေးနဲ့ ပြန်အေးစက်သွားတယ်။ လှမ်းမယ့် ခြေလှမ်းကို မစဉ်းစားပဲ လှမ်းတယ်။ လှမ်းပြီးမှ မသွားချင်တော့သလို ကျောခိုင်းပြီး လှည့်ပြန်လာခဲ့တယ်။  ငိုစရာရှိရဲ့သားနဲ့ မျက်ရည်မကျခဲ့ဘူး။ လွမ်းစရာ ရှိရဲ့သားနဲ့ အလွမ်းကဗျာလေး တစ်ကြောင်းလောက်တောင် မဖွဲ့နိုင်ဘူး။ ပြုံးရုံသာ ပြုံးနိုင်တဲ့ ကိစ္စကို ဟက်ဟက်ပက်  ရယ်မောခဲ့တယ်။

          ဘာများလဲ ကိုယ့်ကိုယ်ကို သံသယဖြစ်တယ်။ လိုချင်တာနဲ့ ဖြစ်ချင်တာ တစ်ထပ်တည်းမကျဘူးလား။ ကိုယ့် ခံစားချက်တွေ သိပ်များအေးခဲသွားသလား။ ဒါမှမဟုတ် ကိုယ်ဟာ အချိုးအကွေ့ကို မ၀ံ့ရဲတာများလား။လမ်းကြားတစ်ခု ကို ကိုယ်လျှောက်တယ်။ အဲဒီလမ်းလေးရဲ့ အဆုံးမှာ လမ်းကွေ့လေးတစ်ခုတွေ့တယ်။ သွားစရာဒီလမ်းပဲ သေချာတယ။် ဒါပေမယ့် ချိုးကွေ့လိုက်တဲ့ လမ်းဘက်မှာ ဘာတွေရှိနေလဲ ကိုယ်မမြင်ရဘူး။ မရေရာ မသေချာမှုတစ်ခုနဲ့ ကိုယ်ဟာ လမ်းထောင့်ချိုးမှာ မတ်တပ်ရပ်နေခဲ့တယ်။ ကွေ့လိုက်တဲ့ လမ်းကွေ့လေးထဲမှာ ဘာတွေရှိနေမလဲ စူးစမ်းချင်စိတ် က တစ်ဖက် ချိုးကွေ့လိုက်လို့ မထင်မှတ်တဲ့ အကြောင်းအရာတွေကို စိုးရွံမိတာက တစ်ဖက် ကိုယ်ခြေလှမ်းတွေ မရွှေ့ နိုင်ဘူး။

         

          တွေဝေမှုတွေနဲ့ ခြေဆုံရပ်နေလဲ လိုရာခရီးကို ကိုယ်ရောက်ဖြစ်ခဲ့မယ် မထင်ဘူး။ ဘာမှန်းမသိတဲ့ အာသီသ တစ်ခုနဲ့ ကိုယ့်စိတ်ကိုတင်းတယ်။ ကိုယ့်နှုတ်ခမ်းကို ကိုက်တယ်။အားမပါတဲ့ လက်သီးကို ဆုပ်တယ်။ လိုချင်တာ မရှိတဲ့ဘ၀မှာ ထပ်ပြီးဆုံးရှုံးစရာ ဘာမှ မရှိတော့ဘူးလို့ ကိုယ့်ကိုယ်ကိုဖြေသိမ့်တယ်။ တစ်ကယ်တော့ ကိုယ်ဟာ လမ်းပျောက်နေတဲ့ တိမ်။ ခြေရာမရှိတဲ့ ကောင်းကင်ကြီးထဲ လေနှင်ရာ အပြင်းနှင်နေရတဲ့ ခရီးသည်။ ကိုယ် ဘယ်ကိုဦးတည်ြ့ပီးသွားမလဲ။ ကိုယ်ဘယ်လို ဆက်လက်ရွှေ့ရှားမလဲ။ ကိုယ်ဘယ်လို တိမ်အဖြစ်နဲ့ ရပ်တည်မလဲ။ တစ်ကယ်ကို မသေချာခြင်းများစွာဖြင့် ကိုယ်ဟာ လမ်းပျောက်တဲ့ တိမ်။ သေချာပါတယ် ကိုယ်ဟာ လမ်းပျောက်နေတဲ့ တိမ်ပေါ့။

          

---

အခန်းဆက်လေးကိုရေးရင် စိတ်တိုင်းမကျသေးတာနဲ့ .. ခုလို ပို့(စ်)အသေးလေးတစ်ပုဒ်နဲ့ ဧည့်ခံရပါကြောင်း အကြောင်းကြားအပ်ပါသည်ရှင့်။ 

ချစ်သော မောင်နှများအားလုံး ကျန်းမာလို့ ချမ်းသာကြပါစေရှင်။ 

သရုပ်ဖော်ပုံလေးကိုဖြင့် google ကနေရှာဖွေထားပါတယ်။