စာစီဖြစ်တဲ့ အတွေးအချို့ ..(၁)

 မပြည့်စုံသူနှစ်ဦး ဘ၀တစ်ခုကို စတင်တည်ထောင်မယ်ဆိုရင် သူများတွေထက် ပိုပြီးခက်ခဲပင်ပန်းမယ် ဆိုတာကို သိနှင့်ပြီးသားပါလေ။ ကျွန်မတို့နှစ်ယောက်စလုံး တွေးထားခဲ့ပြီးသားပါ။ မပြည့်စုံတဲ့ ဒုက္ခကိုကြောက်နေရင် ကျွန်မတို့နှစ်ဦး မဆုံဆည်းယုံသာရှိ ကြမှာပေါ့။ အခုလည်း တစ်ယောက်တစ်နေရာ တစ်နိုင်ငံစီ ဝေးကွာနေကြတာပါပဲ။ ဒါပေမယ့် ခံစားချက်ခြင်းမတူဘူး။ အရင်ကဆိုရင် ဘာမှန်းမသိ တိကျရေရာမှုမရှိတဲ့ လမ်းကို စမ်းတစ်ဝါးဝါးနဲ့ လျှောက်ကြရတယ်။တစ်ယောက်နှင့်တစ်ယောက် လက်တွဲမထားနိုင်တော့ သူယိုင်လဲ ကိုယ်ပြေးထူလို့မရ ကိုယ်ယိုင်လဲ သူပြေးထူလို့မရ။ ကိုယ့်လမ်းနဲ့ကိုယ် စမ်းတ၀ါးဝါး လျှောက်နေကြရတဲ့ ဘ၀နှစ်ခုအဖြစ် ရပ်တည်နေခဲ့ရတယ်။

ခုတော့ တစ်ခရီးထဲ တစ်လမ်းထဲ တစ်ဘ၀ထဲ တစ်လှေထဲ စီးကြရပြီ။ တစ်ယောက်ယိုင်ရင် တစ်ယောက်က လှမ်းထိန်းလို့ရပြီ။ တစ်ယောက်မောရင် တစ်ယောက်က ရေဗူးလေးတော့ ကမ်းပေးလို့ရပြီ။ အရင်လိုဘာမျှော်လင့် ချက်မှ မရှိပဲ  သေချာရေရာတဲ့ ဘ၀ဆိုတာ ဘာလဲလို့ ပြန်မေးနေစရာမလိုတော့ဘူး။ ကျွန်မတို့ ဘ၀ကိုစခဲ့ကြပြီးပြီ။ အိမ်ထောင်ရယ်လို့ဖြစ်လာရင် အတူတူ ရှိနေနိုင်ရင်တော့ အကောင်းဆုံးမှန်း ကျွန်မသိပါတယ်။ ဒါပေသိ ဖြစ်လာရတဲ့ အခြေအနေ ဖြစ်တည်နေတဲ့ဘ၀ကို အရင်သုံးသပ်ကြည့်လိုက်တော့ ဖြစ်သင့်တာကို ရွေးချယ်ရမြဲပဲ မဟုတ်လား။ ဖြစ်ချင်တာကို လုပ်လိုက်ရပေမယ့် ရေရှည်မှာ အဆင်မပြေမှုတွေနဲ့ ကြုံတွေ့လာရင် ပင်ပန်းမယ့်သူက ခင်ပွန်းနှင့်ဇနီး နှစ်ဦးပဲလေ။

တစ်ယောက်မျက်နှာ တစ်ယောက်ကြည့်ပြီး ဘ၀ရယ်လို့ တည်ဆောက်ထားတဲ့သူတွေ။ ချစ်ကြင်လို့ မြတ် နိုးလို့ သူ့ဘ၀ ကိုယ့်ဘ၀ မခွဲခြားပဲ ဘ၀တစ်ခုတည်းရယ်လို့ ထူထောင်ခဲ့ပြီးမှ အသေးအမွှားကိစ္စလေးတွေအတွက် မတူရင်ညှိမယ် ညှိမရရင် နားလည်ပေးမယ်။ သူ့ဘက်ကိုယ့်ဘက်ရယ် လို့တွက်မနေပါနဲ့တော့လေ။ အိမ်ထောင်ရေး မှာ သူ့ဘက်ကိုယ့်ဘက်ကိုမရှိတော့ဘူး။ အသေးဆုံးနမူနာလေးတစ်ခုပဲ စဉ်းစားကြည့် သူစိတ်ကောက်နေမယ် ကိုယ်တိုင်ကရော စိတ်ချမ်းသာနေ သလား။ စိတ်ကောက်သူကိုယ်တိုင်ကရော စိတ်သက်သာရာ ရနေသလား။ နှစ်ဦးစလုံးစိတ်မသက်သာပါဘူးလေ။ တစ်ယောက်ဒုက္ခဖြစ်နေမယ်ဆိုရင် ကျန်တစ်ယောက်က ထိုင်ပြီးလက်ပိုက် ကြည့်နေရက်သလား မသက်သာလို့ လက်ပိုက်ကြည့်နေရတယ်ဆိုရင်တောင်မှ ကြည့်နေရတဲ့သူရင်ထဲ အေးမြနေလိမ့် မယ်လို့များ ထင်နေသလား။ တစ်ဦးနဲ့တစ်ဦး စိတ်ဆိုးကြပေမယ့် ကျွန်မတို့စိတ်နာအောင်တော့ မလုပ်ကြဖို့ အရေးကြီးတယ်။ တစ်လှေတည်းစီးနေကြတဲ့သူအချင်းချင်း သူပဲ့ကိုင်လို့ မနိုင်တာ သူ့အပိုင်း ကိုယ့်အပိုင်းကိုယ်နိုင် ပြီးတာပဲလို့ တွက်နေမိရင် သတိထားမိဖို့က လှေနစ်ရင် သူ့အပိုင်းပဲနစ်တာမဟုတ်ဘူး ကိုယ်စီးနေတဲ့တစ်လှေလုံးနစ် တယ်ဆိုတာကိုပေါ့။

တာဝန်အရှိဆုံးသူက ခင်ပွန်းနှင့်ဇနီးပဲ ဒါကြောင့် အနားမှမနေနိုင်လို့ပဲဖြစ်ဖြစ် ခဏတာဝေးကွာနေကြတယ်ပဲ ဆိုဆို စိတ်မကောင်းဖြစ်နေမယ့်အစား အခြေကျတဲ့ဘ၀တစ်ခုကို မြန်မြန်ရနိုင်ဖို့ တက်ညီလက်ညီ ကြိုးစားကြဖို့ လိုတယ်။ခုခောတ်အိမ်ထောင်ရေးမှာ လုံလောက်တဲ့ဝင်ငွေ ခိုစရာ အိမ်လေးတစ်လုံးတော့ မဖြစ်မနေလို အပ်နေသေး တယ်ဆိုတာ နားလည်ထားကြပြီးသားပါလေ။ ဘ၀ရဲ့အစမှာကထဲကိုက ကျွန်မတို့နှစ်ဦး သက်လုံကောင်းကောင်း မပြေးထားနိုင်ရင် သားတွေ သမီးတွေရလာတဲ့အခါမှာ ကျွန်မတို့ ပိုမောပြီး ပိုပင်ပန်းရလိမ့်မယ်။ အထူးသဖြင့် ခက်ခက်ခဲခဲရုန်းတက်လာရတဲ့ ကျွန်မတို့လိုဘ၀တွေမို့ သားတွေသမီးတွေကိုတော့ မပင်ပန်းစေချင်ဘူး။ သူတို့ရဲ့ ဘ၀လေးတွေကို သက်တောင့်သက်သာနှင့် လိုရာပန်းတိုင်ကို  ထောက်ပံ့ ပေးနိုင်တဲ့ အဖေနဲ့အမေဖြစ်ချင်တယ်။ နေရိပ်ကိုလိုချင်ရင် နေပူကနေစောင့်ရသတဲ့။ အခုတော့ ခဏလောက်ဖြစ်ဖြစ် နေပူခံလိုက် ကြရအောင်။

ခဏတာဝေးနေတဲ့အချိန်တွေမှာ စိတ်ဓာတ်လဲမကျနဲ့။ တစ်ဦးနှင့်တစ်ဦးလဲ ပွင့်လင်းပါ။ သစ္စာရှိပါ။ နားလည်ပါ။ မြတ်နိုးတွယ်တာနေပေးပါလို့ အမှာလေးတော့ ပါးချင်တယ်။ ကျွန်မတို့နှစ်ဦးရဲ့ ဘ၀မှ ခက်ခဲနေတာ မဟုတ်ပါဘူး။ လောကကြီးမှာ ကိုယ့်ထက် ဘ၀ဆိုးတဲ့သူတွေ အများကြီးရှိနေပါသေးတယ်။ ကျွန်မတို့နှစ်ဦးရဲ့ ဘ၀ပေးကံကြမ္မာကိုက ဘယ်အရာမှ အဆင်သင့်ရယ်လို့ မဖြစ်တတ်ဘူးလေ။ ကိုယ်တိုင်အောက်ခြေကနေ ရုန်းကန် ကြိုးစားပြီးမှ ကိုယ်စိုက်တဲ့အပင်က အသီးမောမောနဲ့ ခူးစား ပိုချိုတယ်ဆိုတဲ့ ဘ၀မျိုးတွေ မဟုတ်လား။ ဒီတော့ အပင်လေးရှင်သန်နိုင်ကြီးထွားလာနိုင်အောင် ကျွန်မတို့ တက်ညီလက်ညီ ကြိုးစား လိုက်ကြ ရအောင်။

အဲဒီခဏလေးမှာ ပင်ပန်းမယ် စိတ်ဓာတ်ကျစရာတွေရှိမယ် စိတ်ဆိုးစရာတွေလဲ တွေ့မယ် သည်းခံမှုအတိုင်း အတာတွေ လဲလိုမယ်။ ဘာပဲဖြစ်ဖြစ် ကျွန်မက ဇနီးကောင်းတစ်ယောက်အနေနဲ့ အနားမှာ အမြဲတမ်းရပ်တည် ပေးမှာပါ။လူတစ်ဦးနှင့်တစ်ဦး ပေါင်းစပ်ထားတဲ့ ဘ၀တစ်ခုမှာ ကောင်းတာကြီးပဲလာမယ် ပျော်ရွှင်စရာတွေကြီးပဲ ရှိမယ်လို့ တစ်ခါမှ မတွေးမိခဲ့ပါဘူး။ ဇနီးကောင်းဆိုတာ အပြောလွယ်သလောက် အလုပ်တော့ခက်မယ်ဆိုတာ ကျွန်မသိပါတယ်။ အစွမ်းရှိသလောက် အင်အားရှိသလောက်တော့ ကျွန်မကြိုးစားကြည့်ပါ့မယ်။ ခက်ခဲတယ် ဆိုပေမယ့်လဲ ကြိုးစားပြီးရပ်တည်မိမှာပါပဲ။ ကျွန်မကိုယ်တိုင်လည်းသိပါတယ် ပြီးပြည့်စုံတဲ့ မိန်းမတစ်ယောက်တော့ မဟုတ်ခဲ့ပါဘူး။ ဒါပေမယ့် လိုအပ်တယ် မှန်ကန်တယ်ဆိုရင် ကျွန်မပြင်ဆင်နိုင်ပါတယ်။

 ဘ၀မှာ အချိန်တော်တော်ကြာ တစ်ယောက်ထဲတွေး တစ်ယောက်ထဲရုန်းလာရတဲ့ မိန်းမတစ်ယောက်အနေနဲ့ တစ်ခါတစ်လေတော့ ဆုံးဖြတ်ချက်ဟာ တစ်ကိုယ်ကောင်းဆန်နေနိုင်တယ်။ ငါဆိုတဲ့ မာန ရှိနေနိုင်တယ်။ လုပ်ရိုး လုပ်စဉ် ကိုယ်စဉ်းစားနေကျဆိုတော့ ဒါဟာမှားတယ်လို့ကို မသိတတ်တဲ့ အချိန်ရှိရင် ရှိနိုင်တယ်။ ဒါကိုမှားတယ်လို့ ထောက်ပြနိုင်ရင် ကျွန်မလဲ ကျိုးကြောင်းပြင်ဆင်ပြီး ပြင်သင့်ရင် ပြင်ပါ့မယ်။ ခင်ပွန်းသည်ဆိုလဲ ဒီလိုပဲပေါ့ ပြင်သင့်တယ် ထင်ရင် ပြင်ပါ။ ဒါကို ပိုပြီး နားလည်မှု ရလာတယ်လို့ ဆိုရမယ်ထင်တယ်။ အဲဒီလို နားလည်မှုတွေ ပိုရလာလေလေ ကျွန်မတို့နှစ်ဦးကို ချည်ထားတဲ့ကြိုးတွေကလည်း ပိုပြီး ခိုင်မြဲ ပိုပြီးတင်းလာလေလေပေါ့။ ဒါဆိုရင် အခြား အခြားသော ဝေးကွာခြင်းအမှုတွေဟာ ကျွန်မတို့ကို ခွဲခွာခြင်းငှာ မတတ်နိုင်တော့ပါဘူးလေ။ တစ်ဦးနှင့်တစ်ဦး အတင်း ချုပ်နှောင်ချည်ထားခြင်းထက်  မြတ်နိုးစွာ တွယ်တာနှောင်ဖွဲ့ခြင်းကို ကျွန်မပိုပြီး အလိုရှိခဲ့တယ်။ ချည်နှောင်ခြင်း ဆိုတာ ကန်ထွက်သွားမှာစိုးလို့ ချည်ကြတာလို့ထင်တယ်။ ချည်ထားရပြီဆိုကထဲကိုက အချည်ခံရတဲ့သူဟာ ကိုယ့် အနားမှာ မနေချင်သူလို့ အဓိပ္ပာယ်ရတယ်။ ကိုယ်တွယ်တာမြတ်နိုးရတဲ့သူက ကိုယ့်အနားမှာ မနေချင်ဘူးရယ်လို့ တွေးရတဲ့ အတွေးကိုက မောပန်းလွန်းလှတယ်။ ဒါကြောင့် ချည်နှောင်ခြင်းအမှုတွေကို မပြုပါရစေနဲ့။ ကျွန်မအနားမှာ လိုလိုချင်ချင် နေသော သူသာဖြစ်နေပါစေလို့ ကျွန်မဆန္ဒပြုမိတယ်။

ကံဇာတ်ဆရာကိုတော့ ကျွန်မပုံချပြီး မယုံနိုင်သေးပါဘူး။ မုန်တိုင်းလဲ ထန်ချင်လျှင် ထန်နိုင်ပါသေးတယ်။ တစ်ဦး တစ်ယောက်တည်းကို လေထန်တဲ့ မုန်တိုင်းထဲ ထားခဲ့ရင်တော့ လွင့်သွားသူလဲ မသက်သာသလို မုန်တိုင်းမိပြီး ကျန်ခဲ့ တဲ့ သူလဲ မသက်သာပါဘူး။ နှစ်ယောက်အတူတူ ကြိုးစားပြီး မုန်တိုင်းဒဏ် ကြံ့ကြံ့ခံနေခဲ့တယ်ဆိုရင်တော့ ကံကောင်းရင် အသက်ရှင်လျှက် လွတ်မြောက်နိုင်မယ် သေသွားတယ်ဆိုရင်တောင် အနည်းဆုံးတော့ တစ်ယောက်လက်ကို တစ်ယောက်တွဲထားနိုင်သေးတယ်။ သေဆုံးချိန်မှာ အငြိုးတွေ အမုန်းတွေ အာဃာတတွေမရှိဘူး ခပ်ပြုံးပြုံး ကျေနပ်စွာ သေဆုံးနိုင်ကြတယ်။ အဲဒီလိုပဲ အိမ်ထောင်ရေးမှာ အငြိုးတွေ အမုန်းတွေ အာဃာတတွေ မပါစေချင်ဘူး။ ရောက်မလာစေချင်ဘူး။ ရန်ဖြစ်ကြတယ် စကားများကြတယ် ဆိုရင်တောင် ဒါဟာနားလည်မှု နှီးနှောဖလှယ်ပွဲပဲ ဖြစ်သင့်တယ်လို့ ကျွန်မထင်တယ်။ ကျွန်မကတော့ ချမ်းသာခြင်းမှာ စိတ်အေးချမ်းသာခြင်းကမှ တစ်ကယ့် ချမ်းသာမှုအစစ်လို့ မြင်တာပဲ။ ကိုယ်တိုင်လဲ မပူလောင်ချင်သလို ကိုယ့်ကြောင့် သူတစ်ပါးပူလောင်အောင်လဲ မလုပ်ချင်မိဘူး။

ဘာပဲဖြစ်နေနေ ဘာပြသနာပဲဖြစ်ဖြစ်  တစ်ယောက်နဲ့တစ်ယောက်တော့ ဖြေရှင်းခွင့်လေးပေးကြရမယ်။ ခုချိန်မှာ တင်းမာတယ်ဆိုတဲ့ အခြေအနေမဖြစ်သင့်တော့ဘူး။ ညှိယူတဲ့ဆိုတဲ့ အခြေအနေကိုပဲ ဖြတ်သန်းကြရအောင်နော်။ ဘ၀ဆိုတဲ့ တိုက်ပွဲတွေဟာ အဆက်မပြတ်တိုက်နေရပေမယ့် တစ်ချိန်ချိန်မှာတော့ ငြိမ်းချမ်းသာယာတဲ့နေ့လေးကို ရောက်ရှိလာမှာပါ။ ဘ၀အတွက် တက်ညီလက်ညီ တိုက်ပွဲဝင်နေ ရင်း ကျွန်မတို့ရဲ့ မိသားစုဘ၀လေးကိုလည်း စည်းစနစ်တစ်ကျ အခြေခံက စလို့ ထူထောင်ကြရအောင်။ ရှောင်သင့်တာလဲ ရှောင်ရင်း ပြင်သင့်တာလည်း ပြင်ဆင်ရင်း ညှိသင့်တာညှိကြရင်း သင်ကြားသင့်တာလဲ သင်ကြားရင်း  ကျွန်မတို့ရွေးချယ်ထားတဲ့ လမ်းကို ဆက်ပြီး လျှောက်ကြရအောင်။ ပျိုးထားတဲ့အပင်က အသီးချိုချိုတွေ သီးလာမယ့်နေ့ကို မျှော်လင့်ရင်း ရှင်သန်ကြရအောင် နော်..  

****************** 

အရှိန်ရတုန်းလေး ပို့စ်လေးတွေ ခပ်စိပ်စိပ် တင်ဖြစ်တယ်။ အိမ်ထောင်ရေးမှာ ကိုယ်တိုင်စဉ်းစားမိတာလေး တွေကို ၀ါသနာပါရာ ပို့စ်လေးတစ်ခုအဖြစ် ဖန်တီးမိပါတယ်။ အချို့နေရာတွေမှာ အမြင်မတူ ကွဲလွဲတာတွေလဲ ရှိနေနိုင်ပါတယ်။  ကိုယ်ပိုင်ခံယူချက်မှာပဲ မူတည်တယ်လို့ ထင်မိတယ်။ ဒါကြောင့် ဆွေလေးရေးသားထားတဲ့ အထဲမှာ အချိုးမပြေ အဆင်မသင့်တာလေးတွေများ တွေ့ခဲ့မိတယ် ဖတ်ခဲ့မိတယ်ဆိုရင် သည်းခံပေးကြပါဆို စကားဆိုရင်း..

 

ချစ်သော မောင်နှမများအားလုံး ချမ်းသာကိုယ်စိတ်မြဲ ကြပါစေရှင်။