ကျွန်မက ထားခဲ့တဲ့သူ မဟုတ်ပါဘူး “ကို”

                ကျွန်မက ထားခဲ့တဲ့သူ မဟုတ်ပါဘူး “ကို” တစ်ကယ်ဆို ချန်ထားခံခဲ့ ရတဲ့သူရယ်ပါ။ ချန်ထားခံခဲ့ရတဲ့ စိတ်ခံစား မှုကို “ကို” နားလည်ချင်မှလည်း နားလည်မယ်။ ခံစားတတ်ချင်မှလည်း ခံစားတတ်မယ်။ ချစ်တဲ့သူရဲ့ ကျောခိုင်းခြင်းကို ခံစားခဲ့ ဖူးတဲ့ မိန်းမတစ်ယောက်အနေနဲ့ မျှော်လင့်ချက်တွေ တစ်နင့်တစ်ပိုးနဲ့ ဘယ်လောက်ထိ အားငယ်ခဲ့မယ်ဆိုတာ “ကို” ကတော့ သိနိုင်ခဲ့မယ်မထင်ဘူး။ တစ်ကယ်တော့ အဲဒီအချိန်ကဆို ကျွန်မက ဖြူစင်တဲ့ ယုန်ဖြူလေး တစ်ကောင် ရယ်ပါ။ “ကို့” အပြုံး “ကို့” ရဲ့ မှာတမ်းတွေ အောက်မှာ ကျွန်မက မလူးသာ မလွန့်သာ ချစ်ပိုက်ကွန်မှာ ကျေကျေနပ် နပ် အမိခံခဲ့တဲ့ သူတစ်ယောက်လေ။

         

          ကျွန်မကို ကျောခိုင်းသွားခဲ့ပြီ ထားသွားခဲ့ပြီလို့ သိတဲ့ အချိန်မှာတောင် အချစ်နဲ့ ပတ်သတ်ပြီး နောင်တ မရခဲ့ဖူးတဲ့ မိန်းမတစ်ယောက်ဖြစ်ခဲ့ဘူးတယ်။ “ကို့” ကို ချစ်ခဲ့မိခဲ့လို့ တစ်ချက်လေးမှ နောင်တမရဘူးတဲ့ မိန်းမပါ။ “ကို” ကဖြင့် ကျွန်မကို သိပ်ချစ်ခဲ့တာပါ။ ဒါဟာ ကံကြမ္မာရဲ့ လှည့်စားမှုပါလို့ မျက်လုံးစုံမှိတ်ပြီး ကိုယ်ချစ်နေရတာကိုပဲ ကျေ နပ် ခဲ့ဘူးတဲ့မိန်းမ။ သူပျော်ရင် ပျော်နေပါစေ ကျွန်မမျက်ရည်ကျလည်း ခန်းလိုလျှင် ခန်းသွားပါစေ “ကို့” အပြုံးကိုပဲ ကန့်လန့်ကာ နောက်ကွယ်က မျက်ရည်တွေနဲ့ ကြိတ်ပြုံးနေတဲ့ မိန်းမတစ်ယောက်လည်း ကျွန်မ ဖြစ်ဘူးခဲ့တယ်။

          လွမ်းလိုက်တာ “ကို” ရယ်လို့ နှုတ်က မဆိုမိသော်ငြား မျက်ဝန်းက စကားတွေကိုဖြင့် “ကို့” ကို ဖတ်စေချင်ခဲ့ တယ်။ ကျွန်မမှားသွားတယ် သိလား “ကို”။ နှောင်းလွန်းမှ သိသွားခဲ့မိတာ။ နှစ်ပေါင်းများစွာကြာမှ သိသွားခဲ့တာ။ နားလည်သွားခဲ့တာ။ “ကို” က ကျွန်မကို ဘယ်တုန်းကမှ မချစ်ခဲ့ဘူးဆိုတာပဲ။ ကျွန်မရဲ့ မျှော်လင့်ချက်တွေ ယုံကြည်မှုတွေ အားလုံး ကျိုးပျက်သွားခဲ့တယ်။ ကျွန်မထိန့်လန့်သွားခဲ့တယ်။ တစ်ကယ်ဆိုရင် အစစအရာရာ “ကို့” ရဲ့ စိတ်ကို နားလည်ထားပြီးသားလို့ ထင်ထားခဲ့တာ။ တစ်ကယ်တော့ ကျွန်မက “ကို” လိုအပ်မှ ရှာဖွေခံရတဲ့ ပစ္စည်း အဟောင်း လေးတစ်ခုရယ်ပါ။ မလိုအပ်ဘူးဆိုတဲ့ အချိန် “ကို့” အနားက ပျောက်ကွယ်သွားသူဟာ ကျွန်မပဲ ဖြစ်ခဲ့ရတယ်။

         

          ကျွန်မဘက်က တစ်ဖက်သတ်ယုံကြည်မှုတွေနဲ့ ကန်းနေခဲ့တာပဲ။ နှောင်းလွန်းမှ သိသွားခဲ့ရတယ်။ အချစ်ကို နောက်ထပ်ရှာဖွေဖို့ကိုတောင် လက်တွန့်သွားတဲ့အထိ။ ကျွန်မရဲ့စိတ်တွေ အိုမင်းခဲ့ရတယ်။ အသက်ရှုသံတွေဟာ အရင် ကလောက် အားမပါတော့တာ ကိုသိနေခဲ့တယ်။ အသက်ရှင်တယ်ဆိုရုံလေး သာဘ၀ကိုဖြတ်သန်းခဲ့တယ်။ ကျွန်မ ကိုယ်တိုင်ပဲ ကျေကျေနပ်နပ် “ကို့” ကိုစွန့်လွှတ်ခဲ့တယ်။ အဲဒါကို ချန်ထားခဲ့တယ်လို့ မဆိုသာပါဘူးနော်။ လွတ်လွတ် လပ်လပ် ပျံပါစေဆိုတဲ့ ဆန္ဒတစ်ခုတည်းရယ်ပါ။ “ကို” နဲ့ပတ်သတ်တဲ့ စိတ်ခံစားမှုအားလုံးဟာ ကျွန်မရဲ့အသိမှာ ပျောက်ကွယ်သွားခဲ့တယ်။ ဘာဆိုဘာမှ မရှိတော့ဘူး။

         

စိတ်နာသွားတာလား သွေးအေးသွားတာလား စိတ်ဆိုးသွားတာလား ကိုယ်တိုင်တောင် မဝေခွဲနိုင်ခဲ့ပါ ဘူး။ ကျွန်မထင်တာတော့ မျှော်လင့်ချက်တွေ ပျက်သုဉ်းသွားတဲ့ ကမ္ဘာမှာ ကျွန်မကိုယ့်ကိုယ်ကို သတ်ပစ်လိုက်တယ်။ ဒီစိတ်နဲ့ အသက်မရှင်ချင်တော့ဘူးလေ။ ကမ္ဘာသစ်ကို ကျွန်မသွားခဲ့တယ်။ ကျွန်မထံမှာ အတိတ်မရှိဘူး။ မချစ်ခဲ့ဖူး ဘူး။ ကမ္ဘာသစ်မှာ စိတ်သစ်လူသစ်နဲ့ ကျွန်မရဲ့ အနာဂတ်ကို ပြန်လည်တည်ထောင်တယ်။ ကျွန်မထံမှာ အမုန်းလဲ မရှိဘူး။ နာကျည်းတာလဲ မရှိဘူး။ တမ်းတစရာလဲမရှိဘူး။  အနာဂတ်ကိုပဲ လှမ်းကြည့်ရင်း ရောင်နီသန်းနေတဲ့ တက်သစ်စ နေ၀န်းရဲ့ မျှော်လင့်ခြင်း မနက်ဖြန်တွေကိုပဲ တမ်းတတယ်။

          ဖြစ်စေချင်တာ တစ်ခုတော့ ရှိသေးတယ် “ကို” ကျွန်မလိုမျိုး နောက်ထပ် ဘယ်မိန်းကလေးကိုမှ ထပ်ပြီး မလှည့်စားပါနဲ့လား ။ အချစ်နဲ့သစ္စာကို တစ်ထပ်တည်းဖြစ်အောင် ကြိုးစားကြည့်ပါလား။ မိန်းမတွေဟာ ကိုယ့်ချစ်သူ ကိုယ့်အပေါ်မှာ သစ္စာရှိစေချင်တာပါ။ အချစ်ခံချင်တာထက် သိတတ်စွာ သစ္စာဆိုတာကို မြဲမြံစေချင်တာပါ။ ဘ၀ကို ပေါ့ပေါ့ပါးပါး ဖြတ်သန်းပါ။ ဒါပေမယ့် ပျက်တော့ မပျက်စေနဲ့။ အလှအပကို မြတ်နိုးပါ ဒါပေမယ့် လှတာကို လိုချင်လို့ ငတ်တော့မငတ်ပါစေနဲ့။ ချန်ထားခဲ့သူဟာ ကျွန်မမဟုတ်ပါဘူး “ကို” ကျွန်မက နာကျင်မှုတွေနဲ့ နေရာဟောင်းက ပြေးထွက်လာခဲ့တဲ့သူပါ။

         

        ဒီနေ့ ဒီအချိန်ကစပြီး ကျွန်မရဲ့ ဘ၀ထဲမှာ အတိတ်ဆိုတာမရှိတော့ဘူး။ နာကျင်တယ် ဆိုတာ မရှိတော့ ဘူး။ တစ်ခါက ကျွန်မဆိုတာ မရှိတော့ဘူး။ ခုရပ်တည်နေစဲ ကျွန်မသာလျှင် ကျွန်မရဲ့ဘ၀ပဲ။ ကျွန်မရဲ့ အတိတ်ပဲ ။ ကျွန်မရဲ့ သမိုင်းတစ်ရပ်ပဲ။ ဆိုးခဲ့သည် ဖြစ်စေ   ကောင်းခဲ့သည် ဖြစ်စေ ဘ၀သစ်မှာ ကျွန်မလိုချင်ခဲ့တဲ့ တောင့်တခဲ့တဲ့ အေးချမ်း တဲ့ မိသားစုဘ၀လေးကို တည်ဆောက်မယ်။ ကံအကြောင်းမလှလို့ ဘ၀ဟာ ခက်ထန်ချင်လျှင် ခက်ထန်နေပါစေ လှိုင်းလေ ကြမ်းချင်လျှင်လည်း ကြမ်းနေပါစေ အခုရနေတဲ့ ကျွန်မရဲ့ ဘ၀လေးကို ဘယ်တော့မှ လက်မလွှတ်ဘူး။ ခံစားရရင်လဲ အတူတူ စံစရာ ရှိလဲ အတူတူ။ အနှစ်နှစ် အလလက ကျွန်မတောင့်တခဲ့ဘူးတဲ့  အေးအတူ ပူအမျှ ဆိုတဲ့ ဘ၀လေးကို ကျွန်မပိုင်ဆိုင်ခဲ့ပြီ။ ဒါကြောင့် ကျွန်မကို ချန်ထားရစ်ခဲ့တဲ့သူလို့ ခေါင်းစဉ်မတတ်ပါနဲ့လား “ကို” ကျွန်မက ချန်ထားခံခဲ့ရလို့ ကောက်ရိုးလေးတစ် မျှင်ကို ဆွဲမိရင်း အသက်ရှင်ရာကို ကြိုးစားရုန်းထွက်ခဲ့ရတဲ့ သူမို့လို့ပါ။

                   

                    ----

ချစ်သော မောင်နှမများ အားလုံး နှစ်သစ်မှာ လိုအင်ဆန္ဒများ တစ်လုံးတစ်ဝ ပြည့်စုံလို့ ပျော်ရွှင် ချမ်းမြေ့ကြပါစေရှင်။

သရုပ်ဖော်ပုံလေးကဖြင့် google ကနေရှာဖွေအသုံးပြုထားပါတယ်ရှင့်။